Isai 9:3 - Bible azumeina

³ Kayam djuk ma kelezina, ki totogo d’a a tozi pepelezi ki d’a, ki tatatagam ma a nga djobozi ki vunazina, ang kuzuzi woi d’igi ang b’lak suma Madiyan-na woi adjeu na.

Isai 9:3 Kruisverwysings

Nehemi 9:23

Ang zuluzi grozina d’igi tchitchiud’a na, ang kalazi yam ambas sa ang de kat ala ang mba hat mabuyozi á te kad’u d’a.

Wana ni mbaktumba hi Job-pa 12:23

Nga mi zul andjaf suma, nga mi tchazi woi mi; nga mi izi avogovogo, nga mi izi magomba mi.

Sawal la giled’a 107:38

Mi b’e vunam kaziya, mi zuluzi ablaud’a; d’uwar mazina mi feî nga d’uo mi.

Sawal la giled’a 119:162

An nga ni le furîd’a yam vun mang ma hled’a d’igi sama mi hurumï ahlena ablaud’a ata yima ayînina na.

Sawal la giled’a 4:7

Suma ablaud’a a nga dala: Ni nge ba, mba mi tagami djivid’a ge? Ma didina, ang tinï irang kamiya.

Isai 10:26

Ma didin ma ad’engêm kal petna mba mi tozi kazlingâta d’igi mi kus yam suma Madiyan-na akulo yam ahina d’a Orep-pa na, mba mi hle totogo mamba akulo yam alum ma ngolâ d’igi mi hlat akulo yam Ezipte-na adjeu na mi.

Isai 12:1

Kur bur máma ang mba dala: Ma didina, an nga ni gilengû, kayam hurung zal kanu, wani hurung vat tei kanu, ang b’lengên hurun mi.

Isai 14:5

Ma didina mi kus wa tatagama hi ma asa’atnina woyo, mi kus wa totogod’a hi ma te yamba kad’engina woi mi.

Isai 25:9

Kur bur máma a mba dala: Alo meina ba wana, ni mam ba, ei tini huri kamu. Ni mam ba, mi sud’iya. Ni Ma didina ba, ei tini huri kamu. Ar ei lei hur ma hapma, ar ei lei furîd’a yam sut mamba mi!

Isai 26:15

Ma didina, ang zulumi andjavamiya, ang zulumi andjavamiya. Ang wet wa hagad’a hambas mamid’id’a woyo. Suma a suburung yam sun mang nga led’a.

Isai 35:10

Ni hina ba, suma Ma didina mi tchuguzi akulona a mba hulongîya, a mba mba kur Siyon ki sawal la bangâna avunaziya, a mba le furîd’a gak didin. A mba le hur ma hapma, a mba aî mi. Hur ma wurana ki zam tad’a a mba kal leyo.

Isai 35:2

B’od’a mba d’i nguyum kä, mba mi le furîd’a, mba mi hle sawal la bangâna ki hur ma hapma. Ma didina mba mi hum subura hi Liban-nda, mba mi hum djifâ hi Karmel-lâ ki ma hi Saron-na. Suma a mba we subura hi Ma didinid’a ki wiled’a hAlo meinid’a mi.

Isai 54:1

Ndak Jerusalem, ndak ka b’al gendreged’a bei vutid’a, ndak le furîd’a; Ndak ka vuta ti lak nga yat tu d’uo d’a, ndak er ad’uk akulo ki furîd’a, ndak tchayîd’a; kayam Ma didina nga mi dak ala: Ndak atcha d’a digik keid’a, ndak nga ki grona kal atcha d’a ndjuvut mi le kat heîd’a.

Isai 55:12

Agi mba buzugugï woi kur Babilon ki furîd’a, agi mba mbagi avo hatagi ki b’leng nga halasa, ahuniyôna ki yima ndingâ a mba er ad’uzi akulo avorogi ki furîd’a, agu ma abageina pet mba mi tum abom ki furîd’a mi.

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

Isai 61:7

Yam zulo ma lagina a mba wuragagi ahlena mbàmbà, agi mba lagi furîd’a balum mang nga a mangâgi woid’a. A mba wuragagi ahlena mbàmbà kur ambas magid’a; furî d’a didinda ti mba d’i arî magid’a.

Isai 65:14

Gola! Azungeî mana a mba hle sawala ki furîd’a kuruzi krovo, wani agi mba tchigi abo tagi d’a ted’a kurugi krovo, agi mba tchigi tchi ma hohoud’a, agi mba tchugugi susub’ok mi.

Isai 65:18

Wani agi lagi ni furîd’a, agi lagi ni hur ma hapma burâ ki burâ yam ahle suma an nga ni lazina. An nga ni le Jerusalem ni yam hur ma hapma, sum matna ná le furîd’a mi.

Isai 66:10

Agi pet suma a lagi katna, agi lagi furîd’a ki Jerusalem, agi mbud’ut ni vama agi lagi furîd’a kama. Agi pet suma nga yorogi tagi katna, agi lagi furîd’a ki sed’et mi.

Jeremi 31:7

Kayam Ma didina mi dala: Agi hlagi sawal la furîd’a yam suma hi Jakob-ma, agi hlagi sawala yam andjaf ma ngol ma kal teglesâ, agi eregi ad’ugi akulo, agi gilegiziya, agi dagi woi ala: Ma didina, ang sut mang suma Israel-lâ ad’uzi d’a ara.

Wana ni mbaktumba hi Oze-d’a 4:7

Suma ngat buzuna ki zla tazi pet, a d’es sei kur lovot ta an tagazizid’a, a vrak filei ma ndjendjed’a blangân an mala ni subur mazid’a na.

Sunda hi suma hi Levi-nid’a 26:13

An ni Ma didina Alo magi ma buzugugï woi kur ambas sa Ezipte-d’ina tala agi kagagi magumei mazina d’uo d’a. An kus djuk ma kelegina woyo, an aragi agi tid’igi yagi akulo herengîleng.

Zakari 10:8

An mba ni yazi ki feta, an mba ni togoziya, kayam an nga ni tchuguzi akulo, azi mba zul d’igi azi zul adjeu na.

Zakari 2:11

Kur bur máma andjaf suma ablaud’a a mba reî ki an Ma didina, a mba mbut sum mana, an mba ni kak adigagiya. Kur bur máma agi mba wagi ala ni Ma didin ma ad’engêm kal petna ba, mi sununï gevegiya.

Zakari 8:23

An Ma didin ma ad’engên kal petna ni dala: Kur bur máma suma dogo ad’u vun ma ded’a teteng a mba ve vun barud’a hi ma Juif-fîd’a, a mba dum ala: Ami imi ki sed’egiya, kayam ami humumi ala Alona mi nga ki sed’egiya.

Wana ni Zla d’a Djivi d’a Luc mi b’irita 11:22

Wani le sama ad’eng ma kalama mi mba á dur ayîna ki sed’em mi kuzumu ni, mba mi yo ahle mam suma dur ayîna pet suma mam tin hurum kazina, mba mi b’rau ahle suma mam yozï ata yima dur ayînina woyo.

Sunda hi suma a sunuzinid’a 8:8

Suma kur azì mámina a le furîd’a ngola.

Filip-ma 4:4

Ar agi lagi furîd’a yam Salad’a. An nga ni dagi kua: Agi lagi furîd’a.

1 Pierre 1:8

Mam ma agi wagizi nga d’uo na pî ba, agi nga lagi kamu. Mam ma agi wagizi nga ki iragi ki tchetchemba d’uo pî ba, agi hagi gagazid’a kam mi. Kayam ndata, agi nga lagi furî d’a kal tegles sa ngol la sana mi ndak á dat ki vunam mbuo d’a,

Suma ka sariyad’a 5:3

Amuleina, agi humugiya! Suma nglona, agi tinigi humagiya! An nga ni hle sawala. Gagazi, an nga ni hle sawala mi Ma didina. An nga ni hle sawala á he ngola mi Ma didina Alona hi Israel-lîna.

Suma ka sariyad’a 7:22

Suma kikis hindina a bu aduveina. Ma didina mi mbut suma kur kangîna irazi ir taziya; a nde tchi taziya. Suma kur kangîna a wet ringâ gak a mbaza Bet-Sita abo ma ir Serera-na gak a mbaza avun Abel-Mehola go ki Tabat.

Suma ka sariyad’a 8:12

Zeba azi ki Salmuna a yo ringâ. Zedeyon mi digizi ad’uziya, mi yoziya, mi ndjoî azigar mazina woi vivreng mi.

1 Samuel 30:16

Sa máma mi tin David ata yima azi nga kuana. Gol wani, suma Amale’â a b’rau nga woi ata yina teteng, a nga te, a nga tche, a nga le furîd’a kayam ahle suma nglo suma azi hurumzï kur ambas sa Filistê-d’a ki d’a Juda-d’ina.