Isai 9:12 - Bible azumeina

¹² Hina pî, Israel-lâ a hulongî nga gen ma nga mi ngobozina d’i, a hal nga Ma didin ma ad’engêm kal petna d’uo mi.

Isai 9:12 Kruisverwysings

2 Amuleina 16:6

Kur atchogoi ndata tata, Resin amul ma Siri-na mi hulong azì ma Elat-na mi suma Edom-ma. Bugol la mi dik suma Juda-na woid’a, suma Edom-ma a mba kak kua gak ini.

2 Sunda Hamuleinid’a 28:18

Suma Filistê-na a nde azì ma kä ata yima ligitim ma abo ma Juda-na durâ, a hlazì ma Bet-Semes-sâ, ma Ajalon-na, ma Gederot-na zlapa kazì ma Soko-na, ma Timna-na, ma Gimzo-na kazì ma gurei ma nguyuzina pet, a kak kua.

Sawal la giled’a 79:7

Kayam azi hurum andjafâ hi Jakob-ma, a b’lagam ambas mamba woi mi.

Isai 10:4

Agi mba hulongôgi yagi kä zlapa ki suma a yozi magombina, agi mba pugugi kä aduk suma a tchazina. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Isai 11:14

Azi djak a mba nde yam suma Filistê-na abo ma fladegena, a mba hurum ahlena hi suma abo ma yorogonina, a mba kus yam suma Edom-ma ki suma Mowap-ma, suma Amon-na a mba hulong yazi kä ad’uzi mi.

Isai 31:1

Ni zla d’a hohoud’a yam suma a nga i Ezipte á hal ndjundina. Azi ni suma a deng tazi yam akulumeinina, ni suma a tin huruzi yam pus ma dur ayîna yam ablau mambina, ni suma a tin huruzi yam suma djang akulumeina ala a ad’enga heyû na. Wani azi ni suma a nga tin irazi yam Ma tin tam irat vat yam Israel-lîna d’uo suma a nga hal Ma didina d’uo mi na.

Isai 5:25

Kayam ndata, Ma didina hurum zal ngola yam sum mama. Mi hlabom akulo, mi toziya, ahuniyôna a giged’a, mad’a suma mi sam kä woi ir palumba d’igi asuna na. Hina pet pî, hurum mi b’leng nga d’i, abom mi ar nga zid’a akulo kamzi.

Isai 9:17

Kayam asa’ata nga d’i ngal d’igi aku d’a nga d’i ngal kekerezeuna azi kaweid’a woi d’a nga d’i ngal agu d’a ndindika woid’a na, andozot nga mi i akulo mi d’ugula gongzong.

Jeremi 10:25

Ar ang zal hurung yam andjaf suma dingâ, yam andjaf suma a nga yang á ndjunuzi d’uo na, kayam azi b’lak suma hi Jakob-ma woi kakazeî, a dabazi ahligiyezi woi kakaf, a b’lagazi yazi ma kaka woi mi.

Jeremi 15:7

Kur azì ma nglo ma lara ma kur ambasina, an sirizi woi d’igi suma a sir awuna na, an dabazi grozina woyo, an dap sum mana woyo, wani azi wal nga ki sun mazi d’a tcho ndata d’i.

Jeremi 35:11

Kid’a Nebukanezar amul ma Babilon-na mi mba á dur ambas sa wandid’a, ami dami ala: Ei i Jerusalem ei ringî abo azigar suma Babilon-na ki azigar suma Siri-na. Ni hina ba, ami mba kagami kur Jerusalem wana.

Jeremi 4:8

Kayam ndata, agi tchugugi baru d’a dodora atagiya, agi tchagi abogi kurugiya, agi tchigi horâ, kayam Ma didina nga mi arei bei ngopa kayî mam ma bibiliuna d’i.

Ezekiyel 16:27

Gola! An nga ni hlabon kan akulo á feyêk ahle suma ndak nga ki na woyo, an hak wa abo mak suma djangûna gro arop suma Filistê suma a nga le zulona yam tit mak ka tchod’ina.

Ezekiyel 6:14

An mba ni hlabon kan akulo á ngoboziya, an mba ni mbut ambas mazid’a djona, an mba ni mbud’ut fula tinï ad’ud’a hur ful ma abo ma sutna dei gak mba ata azì ma ngol na Ribla-na. A mba wala an ni Ma didina.

Wana ni mbaktumba hi Oze-d’a 7:10

Yam mba ad’enga hi Israel-lîd’a nga d’i le glangâsâ kaziya. Hina pet pî, a hulongî nga gen an Ma didina Alo mazina d’i, a halan nga d’uo mi.

Amos 4:10

An sunugï tugud’ei d’a tcho d’a tchi matna adigagi d’igi an sunud’ï adjeu Ezipte na, an tchi azungeî magina woi avun ayîna, an ar a yo akulumei magina, an ar hisâ hi mad’a suma a bo kur kang maginina gak mi tchuk atchinagiya. Hina pet pî, agi hulongôgï nga geven ndi. An Ma didina ni de na.

Amos 4:11

An b’lagagi woi d’igi an b’lak Sodom ki Gomor rei na, agi sud’ugi ni d’igi sana mi tanï vana woi aduk akud’a na. Hina pet pî, agi hulongôgï nga geven ndi. An Ma didina ni de na.

Amos 4:6

An sunï baktarad’a kur azì magi ma nglona pet. Agi nga fagi tena avo hatagi d’i. Hina pet pî, agi hulongôgi nga geven ndi. An Ma didina ni de na.

Amos 4:8

Azì ma nglona mbà d’oze hindi a i kur azì ma dingâ á tche mbina, wani nga mi vazi lau d’i. Hina pet pî, agi hulongôgï nga geven ndi. An Ma didina ni de na.

Amos 4:9

An kak awu magina himbirâ, an som mbei, an tchum mogod’a, an b’lagagi asinegi ma guguzlud’a ki tulumei magina kagu olif magina woi ki djera. Hina pet pî, agi hulongôgï nga geven ndi. An Ma didina ni de na.

Sofoni 1:6

An mba ni dap suma a noyôn an Ma didina suma a nga halan nduo suma a nga djobon yam va d’uo na woyo.

Sofoni 3:2

Azi hum nga yid’a hi Ma didinid’a d’i, a nga min ngop pa mi ngobozid’a d’i, a nga tin huruzi kam mbi, a nga hut gevem mam Alo mazina d’uo mi.

Gat ta a hat á mbàd’id’a 31:17

Kur bur máma an hurun mba mi zal atazi ngola, an mba ni arazi woyo, an mba ni ngei tan ndei avoroziya. Andjaf suma dingâ a mba tchaziya, ndaka teteng ki hohoud’a a mba mba kaziya. A mba dala: Ni kayamba Ma didina Alo meina mi nga adigei d’uo d’a ba, ndak ndata ti mba kei ni na zu?