Isai 8:8 - Bible azumeina

⁸ mba mi kal yam ambas sa Juda-d’a, mba mi sulul lei avunamu, mba mi hle yina gak mbang keleng ta. Ang Emanuel, ndja d’a mi ndja abom mbei tetenga, mba mi oî yam ambas manga.

Isai 8:8 Kruisverwysings

2 Amuleina 17:3

Salmanasar amul ma Asiri-na mi mba mi dur ayîna ki Ose. Ose mi hulong ge yam kä ad’umu, mi hum tara.

2 Sunda Hamuleinid’a 12:4

Mi hlazì ma nglo ma ad’eng ma ngungu ma yam ambas sa Juda-d’ina, gak mi mba Jerusalem.

Isai 10:6

An sunuzi ata andjaf ma le sun nda ndjendjed’ina, an hazi lovota á kak djangûna ki suma a nga zalan huruna á hurumuzi ahligiyeziya, á yozi ahligiyezi kad’enga, á mired’ezi kä d’igi suma a miret lubuna kä kasezi na mi.

Isai 30:28

Fo d’a avunamba ti ni d’igi toliyon nda ti hop gak ti mba avunat akulo mbeî d’a na á yik andjaf suma yik ka tcho d’a b’laka, d’igi djama d’a a tchugut avun andjaf suma á bazi ki woid’a na.

Isai 43:2

Fata agi djagagi mbinid’a, an mba ni kak ki sed’egiya; fata agi djagagi alumid’a, aluma mba mi hlubugi d’i; fata agi kalagi aduk akud’id’a, akud’a mba d’i ngalagi d’i, sinat mba d’i trâgi d’uo mi.

Isai 7:14

Kayam ndata, Salad’a ki yam mba mi hagi vama taka: Gola! Gor weid’a mba d’i ve wirâ, mba d’i vut gorâ, ti mba d’i yum ala Emanuel.

Isai 7:17

Ma didina mba mi mba ki ndaka kang ang ki sum mangâ kandjaf habung ngolona. Tinï ad’ud’a kur bur ma suma Efraim-ma a wal lei ki suma Juda-na dei gak ini, ndak ka hina d’a ti le nga yat tu d’i. Zla ndata ni ngad’a yam mbad’a hamul ma Asiri-nid’a.

Isai 8:10

Agi ngagi hurugiya, wani nga hur magina mba mi mbut ni vama hawa ya’â. Agi nga dagi zlad’a, wani zla ndata mba d’i le d’i, kayam Alona mi nga ki sed’emiya.

Jeremi 47:2

Ma didina mi dala: Gola! Mbina mi tcholï abo ma norâ, mi mbut alum ma djang ma mi kus seina. Mi kus sei yam ambasa kahle suma kurutna, yam azì ma nglona ki suma a nga kaka kuruma. Suma a nga tchiya, suma a nga kaka kur ambasina pet a nga tchi horâ.

Jeremi 48:40

Ma didina mi dala: Gola! Andjaf suma a mba sir kä yam azì ma Mowap-ma d’igi b’aruna mi b’er gigingâm mbei mi sir kä na.

Jeremi 51:42

Alum ma ngolâ mi hlup wa Babilon kä, abil mam ma tetengâ, mi hlubut wa kä.

Ezekiyel 17:3

Ang dazi ala: Salad’a Ma didina mi dala: B’aru ma ngol ma gigingâm fiyaka ma hlimid’im fuyogeid’a d’udjod’a tetengâ, mi pir gak mi i Liban, mi ka yam agu sedrena.

Ezekiyel 26:19

Salad’a Ma didina mi dala: An mba ni mbud’ungî d’igi azì ma ngol ma b’lak kei ma sa nga kaka kurum mbuo na na. An mba ni tcholï ki mbiyo ma ngolâ kä ad’u alum ma ngolâ, mba mi hlubung kä.

Daniel 11:10

Amul ma abo ma norâ groma a mba min tazi á dur ayîna, a mba tok azigarâ ablaud’a mimiyâk. Ma dingâ adigazi mba mi i avok ki azigar mama, a mba tchila yam hagad’a d’igi toliyonda ti kus sei na, mba mi ndazì ma ngol ma ad’eng ma ngunguna durâ.

Mise 1:9

Ka d’a a ka azì ma ngol ma Samari-na mbilîd’a, mbil mama mi mbut ni mbil ma bei tchila gak mi i yam ambas sa Juda-d’a, gak mi i avun agrek ma Jerusalem-ma ata yima sum mana a nga kaka kuana.

Mise 5:5

A mba te yam ambas sa Asiri d’a hi Nimrot-ta ni kahle mazi suma sïna. Ata yima suma Asiri-na a mba mba yam ambas meid’a a mba kal yam andaga meid’ina, mam mba mi pad’ei woi aboziya.

Matiye 1:23

Gola! Gor weid’a mba d’i ve wirâ, mba d’i vut gorâ, a mba yum ala Emanuel. Nala, Alona mi nga ki sed’eya.