Isai 8:21 - Bible azumeina

²¹ A mba kal kur ambasa ki ndaka ki meid’a. Fata meid’a tchazid’a, huruzi mba mi zala, a mba ngul amul mazina kAlo mazina, a mba mbut irazi akulo.

Isai 8:21 Kruisverwysings

2 Amuleina 25:3

Bur ma zlengîna hi til ma fid’ina, baktara d’a ngola ti nde yam suma hur azinina, a nga fe vama te d’i.

2 Amuleina 6:33

Kid’a Elise nga mi dazi zlad’a tua d’a, sama amulâ sunumïna mi mba. Amulâ mi dala: Ndak ndata pet ti tcholï nata Ma didina. Ni nana ba, an tin hurun kam mbei ge?

Wana ni mbaktumba hi Job-pa 1:11

Ang le hlabong dom ahle mama ni, an we woi tetet ala mam mba mi ngulung avunang ka tchetchem!

Wana ni mbaktumba hi Job-pa 18:12

Meid’a mba d’i dabam ad’engêm mbeyo, ndaka mba d’i kak gevemu.

Wana ni mbaktumba hi Job-pa 2:5

Wani le ang hlabong ang dom asogom ki hliwimu ni, an we woi tetet ala mam mba mi ngulung avunang ka tchetchem!

Wana ni mbaktumba hi Job-pa 2:9

Amamba ti dum ala: Ang ve ni tang ad’enga kur d’engzeng manga wö! Ang ngul Alona ngul, ang mid’a!

Buzuk ka Abud’a 22:28

Agi ngulugi an Alo magina d’i, agi ngulugi amul magina d’uo mi.

Zla d’a d’ogolâ 19:3

Lilid’a hi sanid’a nga d’i b’lagam lovot mamba, wani hurum krovo mi zalî ata Ma didina zang.

Isai 14:30

Kayam ndata, suma houd’a a mba kak ki halasa, wani an mba ni tchagi andjavagi woi ki meid’a, sum magina ad’uzi d’a mba d’i ara a mba tchazi woi mi.

Isai 51:19

Ahle suma a nga mba kak kakap ndazina, nala, hurumba ki b’laka, baktarad’a kayî ma durâ, ni nge mba mi yorok kazi ge? Ni nge ba, mba mi b’lengêk huruk ke?

Isai 59:9

Kayam ndata, sariya d’a ka d’a d’ingêra ti wal lei dei ki sed’emiya, suta ti wal lei ki sed’emi mi. Ami tinimi hurumi yam b’od’a, gol wani, nduvunda ti mba ni ndad’u, ami halami yima hap ma titilâ, wani ami nga tid’imi ni kur nduvun nda i’îlika.

Isai 65:13

Kayam ndata, an Salad’a Ma didina nga ni dagiya: Gola! Man suma d’engzengâ a mba te, wani agi meid’a mba d’i tchagiya. Gola! Azungeî man suma d’engzengâ a mba tche, wani agi vunagi mba mi so. Azungeî man suma d’engzengâ a mba le furîd’a, wani agi zulona mba mi lagi mi.

Isai 9:20

Andjafâ hi Manase-na nga mi mut andjafâ hi Efraim-ma, andjafâ hi Efraim-ma nga ni mut andjafâ hi Manase-na, azi djak a ndjak vunazi yam andjafâ hi Juda-na mi. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Jeremi 14:18

Le an i kele ni, an gol wani mad’a suma a tchazi avun ayînina, mi nga samba kä. Le an kal kur azì ma ngolâ ni, an gol wani suma meid’a tchazina, mad’azi mi nga samba kä mi. Suma djok vuna ki suma ngat buzuna a nga kleû tita kur ambasa pî, azi nga we d’op zla tu d’i.

Jeremi 52:6

Kur til ma fid’ina kur bur ma zlengîna hi til mámina, baktara d’a ngola ti nde yam suma kur azì ma ngolîna. Suma kur ambasina a nga fe vama te d’i.

Sunda hi suma hi Levi-nid’a 24:11

Ma abumî ma Ezipte-nina mi las simiyê Alona, mi ngulum mi. A mbamî mi Moise. Asum a yat ala Selomit ni Dibri ma ad’u andjafâ hi Dan-nina goromba.

1 Samuel 8:18

Kur bur máma agi mba tchigi yam Ma didina yam amul ma agi manama, wani Ma didina mba mi humugi d’i.