Isai 8:19 - Bible azumeina

¹⁹ Suma hiuna a nga dala: Agi tchenegi suma a nga djop ki suma azuleinina ki suma a nga de zlad’a yam vama nga mi mbana suma a nga kud’us tazi d’oze a de zlad’a kä kuruzi krovona. A de kua ala: Suma a ndak á djop alo mazina d’oze á djop suma azuleina yam suma a nga ki irazina d’uo zu? Le a dagi hina ni,

Isai 8:19 Kruisverwysings

Ad’u Tinda 41:24

Yam awu ma tcho ma bei irâ, mi lik yam awu ma djivi ma kid’iziya ma irâ. Gola! An väd’u adï ndata mi suma mbuta, wani sama adigazi ma ndak á vandji ad’utna nga d’i.

2 Amuleina 1:3

Wani malaikana hi Ma didinina mi mba mi de mi Elie ma Tisbe-na ala: Ang i ngaf vun suma sunda hamul ma Samari-nina, ang dazi ala: Na ni Alona mi nga avo Israel luo ba, agi i djobogi Bäl-Zebup alo ma Ekron-na zu?

2 Amuleina 21:6

Mi he goroma vama ngat buzu ma ngala, mi vandjaf kumana teteng, mi nga mi djop fileina, mi tin suma a djop ki suma azulei suma a nga de zlad’a yam vama nga mbana mi, mi le sun da tchod’a ngola avok Ma didina á zalam hurumu.

2 Amuleina 23:24

Wani Josiyas mi b’lak suma a nga djop ki suma azuleina ki suma a nga de zlad’a yam vama nga mbana ki filei mazi ma a yum ala terafima ki filei ma tetengâ kahle suma ndjendje suma a nga kur ambas sa Juda-d’a ki suma avo Jerusalem-ma woi pet. Ni hina ba, mi ge yam kä ad’u zlad’a hi Gata d’a a b’irit kur mbaktum mba ma ngol ma ngat buzuna Hilkiya mi fat kur gong nga kud’ora hi Ma didinid’id’a.

1 Sunda Hamuleinid’a 10:13

Saul mi mit ni yam tcho mam mba mi lat avok Ma didinid’a, kayam mi ngom nga zlad’a hi Ma didinid’a d’i. Mi mit ni yam djop pa mi i djopa avun suma azuleinid’a mi.

2 Sunda Hamuleinid’a 33:6

Mi he groma vama ngat buzu ma ngala kur hor ra Hinom-mba. Mi vandjaf kumana teteng, mi nga mi djop fileina, mi tin suma a nga djop ki suma azuleinina ki suma a nga de zlad’a yam vama nga mbana mi, mi le sun nda tchod’a ngola avok Ma didina á zalam hurumu.

Sawal la giled’a 106:28

Azi nga zlap tazi ki Bäl ma Peyor-râ, azi nga tahle suma a ngad’azi buzuna malo ma bei arid’a ba na mi.

Isai 19:3

Ve tad’a hi Ezipte-nid’a mba d’i dap peyo. An mba ni pleyêzi d’al mazina woyo, a mba djop alo ma ka zlad’a ki suma a djop ki suma azuleinina ki suma mbuta ki suma a nga de zlad’a yam vama nga mi mbana mi.

Isai 26:14

Suma matna a nga hulong kak ki irazi d’uo d’a, suma a bona a nga hulong tchol akulo d’uo mi. Ang mba, ang dabazi wa woyo, ang b’lak djib’er ra suma a djib’eret kazid’a woi pet mi.

Isai 29:4

A mba hulongông yang kä, zla mang nga ded’a mba d’i tcholï ni kä andaga. Sa mba mi humung zla mang nga ded’a tetet tuo abo gugud’upa. Deleng mba d’i ndei kä andaga d’igi sama azulâ na, ang mba kud’uzï zla mang nga ded’a ni kä aduk andaga d’a gugud’upa.

Isai 30:2

Agi nga igi akoid’a Ezipte bei djobon ndi ba á halagi yima ngeid’a ata Faron, á halagi yima kaka ad’u anguzu Ezipte mi.

Isai 45:11

Ma didin ma tin tam irat vat yam Israel ma mi minima mi dala: Na ni sana ndak á djobon yam vama nga mbana, d’oze mi han vuna yam grona ki sun nda an lat kabonda mi zu?

Isai 47:12

Djiviya ndak kak kur mbut maka ki kuma mak ma zul heî ma ndak he tak á lum sunum ki gogorok deina! Dam ndak mba d’i fe mbina kua, d’oze ndak mba d’i mbut ta suma a lak mandarak heîd’a kla!

Isai 47:13

Ndak kau tak ngola á djop suma a nga wahle suma akulo suma a nga we tchitchiud’a suma a nga de woi yam til ma mi deî awilinina. Ar azi tchol akulo á sud’uk kei kur ahle suma a mba ka’â.

Jeremi 10:10

Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Jeremi 27:9

Ar agi humugi magi suma djok vuna, magi suma a nga de zlad’a yam vama nga mi mbana, magi suma a nga dagi zlad’a hadïd’ina, magi suma a nga dagi zlad’a yam ahle suma akulo kur d’ugulina, d’oze magi suma mbut suma a nga dagi ala: Agi mba lagi sunda mamul ma Babilon-na d’uo na d’i.

Sunda hi suma hi Levi-nid’a 19:31

Ar agi mbud’ugi iragi ata suma a nga djop ki muzuk ma tchonina d’oze suma a nga djop yam ahle suma a mba le avina d’i. Ar agi halazi tala agi mbud’ugi tagi ndjendjed’a ki sed’eziya d’a d’i, kayam an ni Ma didina Alo magina.

Sunda hi suma hi Levi-nid’a 20:6

Le sana mi i avun suma a nga djop ki suma azuleinina d’oze suma a nga de zlad’a yam ahle suma a nga mbana á mbut tam ndjendjed’a ki sed’eziya ni, an mba ni mbut iran ata sa máma, an mba ni pad’am mbei aduk sum mama.

Mise 5:12

An mba ni to filei magina kahina magi d’a tcheta woyo, agi mba kud’urogi ahle suma agi minizi kabogina d’uo d’a.

Sunda hi suma a sunuzinid’a 16:16

Kid’a ami nga imi ata yima tchendid’a, gor ra sunda djop fileina ti ngavamiya, ni d’a suliyotna a nga fe beged’a yam filei mat ma djopa heîd’a.

Gat ta a hat á mbàd’id’a 18:10

Ar a fe sama he goroma d’oze goromba á ngala kakud’ina, d’oze sama djop fileina, d’oze sama djop ki tchitchiud’ina, d’oze sama kuma ma mbut ir suma, d’oze sama ve kumana,

Gat ta a hat á mbàd’id’a 18:11

d’oze sama tin gireid’a, d’oze sama djop ki muzuk ma tchonina, d’oze sama djop ki suma azuleinina avo hatagi d’i.

1 Tasaloni’â 1:9

Kayam azi tazi ki yazi a nga de zla ve d’a agi vami adigagid’a, ni nana ba, agi aragi fileina woi agi mbud’ugi hurugi mAlona á lagi sunda mAlo ma ari ma gagazina,

2 Pierre 2:1

Wani adjeu suma djok vun suma ka zlad’a a nga aduk suma. Hina mi, suma hat suma ka zlad’a a mba kal adigagi ki ngeid’a ki hat ta nga ata yat tuo d’a. Azi mba tin vunazi yam Salazi ma sud’uzina, a mba mba ki b’laka kazi atogo zak.

1 Samuel 28:11

Atcha ndata ti dum ala: Ang min ala an ndangî ni nge akulo ge? Mi hulong dat ala: Ndak ndanï ni Samuel ba akulo.

1 Samuel 28:16

Samuel mi dum ala: Ni kayam me ba, ang djobon nge? Ni kayamba Ma didina mi wal lei ki sed’eng mi mbut ma djangû mangîd’a zu?

1 Samuel 28:7

Saul mi de mazungeî mama ala: Agi halangï atcha d’a djop ki suma azuleinid’a; an i djopa avunad’u. Azungeî mama a dum ala: Atcha d’a djop ki suma azuleinid’a, ti nga avo En-Dor.

1 Samuel 28:8

Ata yi máma Saul mi mbut tam mi tchuk baru ma dingâ atamu, mi i ki suma ad’um mbà, mi mbaza andjege avo hatcha ndata, mi dat ala: Ndak djobon sama azulâ, ndak ndanï sama an mba ni dak ini kama woi akulo.