Isai 7:6 - Bible azumeina

⁶ Ei i duri ayîna ki suma Juda-na, ei mbud’izi mandarâ, ei toï gulumuna kä woi gak ei kuzuzi vunaziya, ei tini Tabel goroma amula kazi mi.

Isai 7:6 Kruisverwysings

1 Amuleina 12:16

Ata yima Israel-lâ pet a wala amulâ mi min nga zla mazid’a d’uo na, a dum ala: Va mi ndolomi nga ki David ti. Ami nga tami djona ki Jesse gorom mbi! Agi Israel-lâ, ar nge nge pî mi hulong avo kur zlub’u mamba! A dum kua ala: Ki tchetchemba, ang David goroma, ang tamul manga! Ni hina ba, Israel-lâ a i avo hataziya.

2 Amuleina 11:2

Wani ata yima a nga tchazina, Joseba Joram amul ma Juda-na goromba, Ahaziya wiyemba, ti ve Jowas Ahaziya goroma gumun aduk amulâ groma, ti hum abo atcha d’a wulumba kur gong nga burâ á sud’um mbei abo Atali, kayam ndat ti tchum mbi.

2 Sunda Hamuleinid’a 13:8

Ki tchetchemba, agi djib’eregi ala agi hlagi leu d’a Ma didina mi hat mi David andjavamba, agi yogi azigarâ ablaud’a, agi nga kamuhl ma lor ma Jerobowam mi yorogizi d’igi alona na na mi.

2 Sunda Hamuleinid’a 21:7

Wani Ma didina mi min á dap suma hi David-na woi d’i, kayam mam djin vunam ki sed’em mi hlum vunam ala mam mba mi aram mi tamula kandjavam gak didin.

2 Sunda Hamuleinid’a 28:5

Kayam ndata, Ma didina Alo mama mi hum abo amul ma Siri-na. Suma Siri-na a kus kamu, a yo sum mama ablaud’a, a i ki sed’ezi Damas. Mi hum abo amul ma Israel-lâ mi, mi kus kam kus sa ngola.

Sawal la giled’a 21:11

Ang mba dabazi grozina tchid’a woi yam andagad’a, ang mba dabazi andjavazi tchid’a woi aduk suma mi.

Sawal la giled’a 83:3

Kayam mang suma djangûna a nga djulula, suma a noyôngâ a nga yo djedjerezi akulo.

Zla d’a d’ogolâ 19:21

Djib’er ra kur sanid’a nablaud’a, wani ni nga hurâ hi Ma didinina ba, mba mi ndagat vunad’u.

Isai 7:1

Kur atchogoid’a hi Ahas Jotam gorom ma Oziyas gorom ngolona amul ma Juda-nid’a, Resin amul ma Siri-na mi i asem tazi ki Peka Remaliya goroma amul ma Israel-lâ á dur ayîna ki suma Jerusalem-ma. Wani azi ndak nga á duruzi d’i.

Isai 7:5

Kayam suma Siri-na a de zla d’a tchod’a kangû, zlapa ki suma Efraim-ma ki Remaliya goroma ala:

Isai 7:7

Gola! Ma didina mi dala: Ahle ndazina a mba ndak á le d’i,

Isai 8:6

Sum ndazina a noî mbiyo ma Silowe ma nga mi djang lalama, a nga le furîd’a yam Resin azi ki Remaliya goroma.