Isai 7:4 - Bible azumeina

⁴ Ang dum ala ba: Ang kak irang sik, ang le mandar ri. Ar hurung ka mbina avok vuna djo ma mbà ma nga mi d’us wana d’i, avok ayîna hi Resin ma Siri-na kayîna hi Remaliya goromina d’uo mi.

Isai 7:4 Kruisverwysings

2 Amuleina 15:27

Kur biza d’a dok vahl yam mbà d’a Azariya amul ma Juda-na nga mi tamulid’a, Peka Remaliya goroma mi kak amula yam Israel-lâ avo Samari, mi tamula bizad’a dok mbà.

2 Sunda Hamuleinid’a 20:17

Ni agi ba, mba durugi ayîna d’i. Agi minigi tagiya, agi i tchologi hina en, agi mba wagi sut ta an mba ni sud’ugid’a. Agi suma Juda-na ki suma Jerusalem-ma, agi lagi mandar ri, ar tagi tchuk lus suo mi! Ndjivin agi i ngavaziya, an mba ni i ki sed’egi mi!

Isai 10:24

Kayam ndata, Salad’a Ma didin ma ad’engêm kal petna mi dala: Agi man suma nga kaka kur Siyon-na, ar agi lagi mandara suma Asiri suma a nga togi ki totogod’a suma a nga hle tatagama kagi akulo d’igi Ezipte-na a ladjeu na na d’i.

Isai 30:15

Salad’a Ma didin ma tin tam irat vat yam Israel-lîna mi dala: Le agi kagagi tchugot agi hulongôgi atanu ni, an mba ni sud’ugiya. Le agi kagagi tchugot agi tinigi hurugi kanu ni, nad’eng magid’a. Wani agi minigi nga d’i!

Isai 30:7

mi Ezipte suma ndjun mazid’a ni d’igi simetna d’oze vama hawa ya’â na na. Ni kayam ndata ba, an yazi ala Rahap, nala, suma abozi nga mi hle á le va d’uo na.

Isai 35:4

Agi dagi mi suma tazi tchuk lusâ ala: Agi siragi ngingring, agi lagi mandar ri. Gola! Alo magina nga mi djï á sagi atchugulugiya, á wurak magi suma djangûna yam tcho d’a azi lagizid’a mi. Mam tamba nga mi djï á sud’ugiya.

Isai 37:6

Isai mi dazi ala: Zla d’a agi i dat mi salaginid’a ba wana: Ma didina mi dala: An hum ngul la suma nglo suma hamul ma Asiri-na a ngulunda, wani ang le mandarâ yam zla d’a azi data d’i.

Isai 41:14

Agi Israel suma hi Jakob-ma, agi suma suma a gologi d’igi ndjuvul ma gorâ na na, agi suma suma a mired’egi kä d’igi ndjuvulâ na na, agi lagi mandar ri! An tan nga ni mba á ndjunugiya! An Ma didin ma tin tan irat vat kagi Israel-lîna, ni dala: An nga ni hle zla magid’a hur abonu.

Isai 7:1

Kur atchogoid’a hi Ahas Jotam gorom ma Oziyas gorom ngolona amul ma Juda-nid’a, Resin amul ma Siri-na mi i asem tazi ki Peka Remaliya goroma amul ma Israel-lâ á dur ayîna ki suma Jerusalem-ma. Wani azi ndak nga á duruzi d’i.

Isai 7:8

kayam Damas nazì ma ngol ma Siri-na, Resin mi te ni kat ndat hol, Samari nazì ma ngol ma Efraim-ma, Peka mi te ni kat ndat hol mi. Ar bizad’a dok karagaya yam vahl, a mba b’lak suma Efraim-ma woyo, a mba ndumuzi andjafâ bugol luo d’a. Le agi tinigi hurugi yam Ma didina d’uo ni, agi ndak á tchologi avorozi d’i.

Isai 8:4

Avok ka gor máma bei mi we á yabum ala Iba d’oze yasum ala Yogo d’a, a mba hurum ndjondjoî d’a Damas-sa kahle suma a yozi avun ayîna avo Samari-na, a mba i ki sed’ezi avok amul ma Asiri-na.

Isai 8:6

Sum ndazina a noî mbiyo ma Silowe ma nga mi djang lalama, a nga le furîd’a yam Resin azi ki Remaliya goroma.

Hor ma tchina 3:26

Djivid’a ang kak tchugot á djup suta hi Ma didinid’a.

Amos 4:11

An b’lagagi woi d’igi an b’lak Sodom ki Gomor rei na, agi sud’ugi ni d’igi sana mi tanï vana woi aduk akud’a na. Hina pet pî, agi hulongôgï nga geven ndi. An Ma didina ni de na.

Habakuk 2:3

Kayam zla d’a ndat teid’a mba d’i ndak vun sun mata kur atchogoi mat ta a ngata, ti nga d’i i ata dabi mata, ti mba d’i ba bei led’a d’i. Le yat nga d’i ve pî, ang djubud’u, kayam mba d’i ndak vun sun mata gagazi, mba d’i ba hawa d’i.

Zakari 3:2

Malaika máma mi de mi Seitan ala: Ar Ma didina mi ngobongû, ar Ma didin ma man Jerusalem-ma mi ngobongû. Sama wana mi ni d’igi vun adjo ma hlumî woi aduk akud’ina na d’uo zu?

Matiye 10:28

Ar agi lagi mandara suma a tchagi hliwigi suma ndak á tchagi muzugagi d’uo na d’i. Kal pet, agi lagi ni mandara Alo ma ndak á tchi hliu tad’a ki muzu’â djak á izi aduk aku d’a Jahanama-d’ina.

Matiye 24:6

Agi mba humugi siwela hayî ma durâ, agi mba humugi zla ayîna mi. Wani agi gologi tagi djiviya, ar vunadigagi d’i pat ti, kayam ahle ndazina mbeî a mba le, wani nad’u dabid’a hi duniyad’id’a d’i.

Gat ta a hat á mbàd’id’a 20:3

mi dazi ala: Agi Israel-lâ, agi humugiya, agi mbagiya wa go ini á dur magi suma djangûna. Ar hurugi ka mbina d’i, ar agi lagi mandar ri, ar vunadigagi pat fek ki, ar agi zlagagi avorozi d’uo mi.

1 Samuel 17:32

David mi de mi Saul ala: Ar sa tam tchuk lus yam ma Filistê máma d’i; an azong mangâ nga ni i dur ki sed’emu.