Isai 7:2 - Bible azumeina

² Suma a mba de zla ndata mi Ahas ma ad’u andjafâ hi David-nina ala suma Siri-na a ve nga kang mazina yam ambas sa Efraim-mba. Ahas ki sum mama huruzi mi ka mbina, a nde giget d’igi agud’a ti giget abo babarâ na.

Isai 7:2 Kruisverwysings

2 Samuel 7:16

Sama ad’u andjavangâ mba mi tamula blagang gak didin; amul manga mba d’i giget ti gak didin.

1 Amuleina 11:32

An mba ni aram andjafâ tu, kayam azong mana David, kayam Jerusalem azì ma ngol ma an manam aduk andjafâ hi Israel-lâ petna mi.

1 Amuleina 12:16

Ata yima Israel-lâ pet a wala amulâ mi min nga zla mazid’a d’uo na, a dum ala: Va mi ndolomi nga ki David ti. Ami nga tami djona ki Jesse gorom mbi! Agi Israel-lâ, ar nge nge pî mi hulong avo kur zlub’u mamba! A dum kua ala: Ki tchetchemba, ang David goroma, ang tamul manga! Ni hina ba, Israel-lâ a i avo hataziya.

1 Amuleina 13:2

Mi de zlad’a hi Ma didinid’a mi yima ngal ahle suma ngat buzuna ala: Ang yima ngal ahle suma ngat buzuna, ang yima ngal ahle suma ngat buzuna, ang hum zla d’a de d’a Ma didina mi data. Mi dala: Gor mandjufâ mba mi vut aduk suma hi David-na, a mba yum ala Josiyas. Mam mba mi ngal suma ngat buzu suma a tinizi ata yima nding mámina woyo! A mba ngal asok suma kang mi!

2 Sunda Hamuleinid’a 25:10

Ata yi máma Amasiya mi wal ir azigar suma Efraim suma a mbeïna ala a hulong avo hataziya. Wani azi huruzi zal ngola yam suma Juda-na, a hulong avo hatazi kayîna.

2 Sunda Hamuleinid’a 28:12

Ata yi máma suma nglo suma avok andjafâ hi Efraim-mina, nala, Azariya Johanan goroma, Berekiya Mesilemot goroma, Ezekiyas Salum goroma ki Amasa Hadalai goroma, huruzi zal ata suma a tcholï yima ayînina,

Sawal la giled’a 11:1

Ni sawal la David mi hlat mi hat mi ma ngolâ hi suma hle sawalina. Ma didina ni ma an ngei tan atama. Ni nana ba, agi dan ala: Ang pir i yam ahuniyô mangâ d’igi aleina na ge?

Zla d’a d’ogolâ 28:1

Sama asa’atna mi ringî bei sa mi digim ba, wani sama d’ingêrâ, mayîna ni d’igi azlo ma azongâ na.

Isai 11:13

Andjafâ hi Efraim-ma mba mi le yungôrâ yam andjafâ hi Juda-na d’uo d’a, andjafâ hi Juda-na mba mi kak djangûna kandjafâ hi Efraim-ma d’uo mi.

Isai 22:22

An mba ni hum lakle d’a avun azina hi David-nid’a abomu. Le mi malamu ni, sama duguma nga d’i, le mi dugumu ni, sama malama nga d’uo mi.

Isai 37:27

Suma kuruma ad’engêzi ndak á tchol avorong ngi. A le mandarâ ngola, a mungôr mi. Azi mbut ni d’igi asu ma abageina na, azi mbut ni d’igi asu ma d’uf awilina na, azi ni d’igi asu ma deî yam gongîyona akulo ma so woi bei mi djeng ba na na mi.

Isai 37:35

An mba ni ngom suma kur azì ma ngol ma wanina, an mba ni sud’uzi yam simiyênu, yam azong mana David ma d’engzengâ mi.

Isai 6:13

Le ma dogona mi ar adigazi pî, mba mi kalî aduk akud’a, wani ni d’igi agu terebêna d’oze agu sena sideyezi mi hud’ur ata yima a kazi woi kuana na. Nala, sidiyem mba mi vut nandjaf ma yed’etna.

Isai 7:13

Ata yi máma Isai mi dum ala: Agi suma hi David-na, agi humugiya! Kau d’a agi kawagi suma ki ve tad’id’a ndagagi nga d’uo tua ba, agi min kawagi Alo mana kua ki ve ta mamba mi zu?

Isai 7:17

Ma didina mba mi mba ki ndaka kang ang ki sum mangâ kandjaf habung ngolona. Tinï ad’ud’a kur bur ma suma Efraim-ma a wal lei ki suma Juda-na dei gak ini, ndak ka hina d’a ti le nga yat tu d’i. Zla ndata ni ngad’a yam mbad’a hamul ma Asiri-nid’a.

Isai 7:5

Kayam suma Siri-na a de zla d’a tchod’a kangû, zlapa ki suma Efraim-ma ki Remaliya goroma ala:

Isai 8:12

Agi ndjagagi vunagi ki suma a nga de zla d’a tchod’a yam suma a nga de zla d’a tchod’a yam gatina d’i, agi lagi mandara vama azi nga lum mandarama d’i, agi zlagagi abom mbuo mi.

Isai 9:9

Derengel ma mi to kä woina, ami mba hulong minim kahina d’a tcheta; diyaga d’a a kat teid’a, ami mba hulong pami agu sedrena blangâd’u!

Jeremi 21:12

Agi suma hi David-na, Ma didina mi dala: Agi kagi sariya d’a d’ingêra yorogo, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Le d’uo ni, ayî mana mba mi fo d’igi akud’a na, mba mi ngal ahlena woi pet bei sana ndak á tchum mbei ba, kayam sun magi d’a asa’at ta agi lata.

Wana ni mbaktumba hi Oze-d’a 12:1

Suma Efraim-ma a nguyun kä ki zla d’a kad’a, andjaf suma Israel-lâ a nguyun kä ki mbut ira. Suma Juda-na a nga zlapa ki an Alona tua, a ni suma d’engzengâ avogon an Alo ma bei tchod’a ba na mi.

Matiye 2:3

Kid’a amulâ Herot mi hum zla ndatid’a, vunadigam mbi pat fek ki suma Jerusalem-ma pet mi.