Isai 7:13 - Bible azumeina

¹³ Ata yi máma Isai mi dum ala: Agi suma hi David-na, agi humugiya! Kau d’a agi kawagi suma ki ve tad’id’a ndagagi nga d’uo tua ba, agi min kawagi Alo mana kua ki ve ta mamba mi zu?

Isai 7:13 Kruisverwysings

Ad’u Tinda 30:15

Lea ti hulong dat ala: Ndak hle ndjuvun abon wani ndagak nga d’uo tua ba, ndak hal á hle mandragorâ hi goronina kua d’ei zu? Rachel ti dat ala: Djiviya! Jakob mi bur ini ki sed’ek yam mandragorâ hi goro’îna d’ang.

2 Sunda Hamuleinid’a 21:7

Wani Ma didina mi min á dap suma hi David-na woi d’i, kayam mam djin vunam ki sed’em mi hlum vunam ala mam mba mi aram mi tamula kandjavam gak didin.

Sawal la giled’a 45:5

Ki subur manga, ang nga yam akulum mangâ. Ni yam gagazid’a ki lulumad’a ki d’ingêra ba, ang nga kus ayîna, ni kad’eng manga ba, ang mba hle bangâna.

Isai 1:14

Tan nga d’i lan djivid’a yam vun til ma agi lagizi kur bur ma deîd’a hi tilîna d’i, yam vun til ma agi lagizi kur bur ma vun til magi ma teteng ma a ngama d’uo mi. Kayam azi nga tchan aneka, an kau wa abo zi d’a ni zizid’a mi.

Isai 1:24

Kayam ndata, Salad’a Ma didin ma ad’engêm kal pet ma ad’enga hi Israel-lîna mi dala: An mba ni ka ir zla manda ki man suma djangûna! An mba ni sä atchugulun ki man suma djangûna!

Isai 22:22

An mba ni hum lakle d’a avun azina hi David-nid’a abomu. Le mi malamu ni, sama duguma nga d’i, le mi dugumu ni, sama malama nga d’uo mi.

Isai 25:1

Ma didina, angî Alo mana, an nga ni gilengû, an nga ni suburung simiyêngû, kayam ang lahle suma atchapma. Nga hur mang ma ang ngam dedeina, ang ndagam wa memet!

Isai 43:24

Agi guzugi nga mbul ma his ma afufuîna ki bege d’a ngola kan ndi, agi hobon nga ki mbul ahle magi suma ngat buzuna d’i, wani agi b’lagan ndi djib’er manda ki tcho magid’a, agi kawan ndi ki tchila magid’a mi.

Isai 63:10

Wani azi som vunamu, a zal hur Muzuk mam ma bei tchod’ina, mi mbut mazi ma djangûna, mi mbut sama mi duruzi ayînina mi.

Isai 7:12

Ahas mi hulong dum ala: An nga ni djop va d’i, an min kuk Ma didina d’i.

Isai 7:2

Suma a mba de zla ndata mi Ahas ma ad’u andjafâ hi David-nina ala suma Siri-na a ve nga kang mazina yam ambas sa Efraim-mba. Ahas ki sum mama huruzi mi ka mbina, a nde giget d’igi agud’a ti giget abo babarâ na.

Jeremi 21:12

Agi suma hi David-na, Ma didina mi dala: Agi kagi sariya d’a d’ingêra yorogo, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Le d’uo ni, ayî mana mba mi fo d’igi akud’a na, mba mi ngal ahlena woi pet bei sana ndak á tchum mbei ba, kayam sun magi d’a asa’at ta agi lata.

Jeremi 44:22

Ma didina mi ndak á ve tam yam asa’at ta agi lata ki sun nda ndjendje d’a agi lata d’uo mi. Ni kayam ndata ba, ambas magid’a ti mbut vama b’laka, vama atchapma, vama a golom isâ bei fe sama kaka kurâ gak ini wana.

Jeremi 6:11

Kayam ndata, an oî kayîna hi ang Ma didinina, an ndak á vum kä d’uo mi. Ma didina mi dala: Ang vomza woi yam gugureina ir palumba, yam toka hi gro azungeînid’a, kayam mandjufâ kamamba a mba yozi zlapa ki mamarâ ki mamar ma kikrana mi.

Ezekiyel 16:20

Ndak yo grok suma andjofâ ki grok suma arop suma ndak vud’undjina, ndak hazizi ahle suma ngat buzuna á ngalazi woyo. Wana ndagak nga yam gaulang ma’â d’uo tua zu?

Ezekiyel 16:47

Ndak tit nga ni kur lovot mazid’a kur sun mazi d’a ndjendjed’a hina go d’i. Kayam tcho mazid’a ni vama akid’eina iragu! Wani ndak le tchod’a ngola kalazi azi d’ö!

Ezekiyel 34:18

Na ni ni vama yâna iragi á te hatna ata yima te hat ma djivina ba, agi i mired’egi hat magina ad’um mba ara kä kasegi zu? Ni vama yâna iragi á tche mbiyo ma d’igila ba, agi i mbud’ugi ma arâ dodopa kasegi zu?

Ezekiyel 6:9

Suma a mba sut tei ndazina a mba djib’er kan aduk andjaf suma a mba izi magomba kuana. A mba djib’er kan ata yi máma, kayam an ni tozi huruzi ma mizeuna ki irazi d’a nga sod’a á le gaulangâ ki filei mazinid’a woyo. Azi tazi mba gol tazi ni suma ndjendjed’a yam sun nda tcho d’a azi lata ki sun mazi d’a ndjendje d’a lara ge pet mi.

Amos 3:13

Salad’a Ma didina Alo ma ad’engêm kal petna mi dala: Agi humugiya, agi i dagi zla d’a wanda woi mandjafâ hi Jakob-ma:

Malatchi 2:17

Agi nga kawagi Ma didina ki zla magi d’a ded’a. Wani agi nga dagi ala: Ami kawamî ki me ge? Ni ki zla d’a agi nga dagi ala: Sama lara pî ma mi le tchod’ina ni ma djivina ir Ma didina, nata sama hina na ba, tam mbi lum djivid’a kam mi! d’oze, Alo ma ka sariyad’a mi nga ni lara ge d’a.

Ndumba 16:13

Na ni ni vama gorâ irang d’a ang buzugumï woi kur ambas sa ambira ki mbul ayuma a nga sor kä kua d’a á tchami woi abagei hur fulâ ka hî d’a zu? Tua ba ang min á te kami kad’enga kua zu?

Ndumba 16:9

Na ni ni vama gor iragi tala Alona hi Israel-lîna mi tinigi iragi vagi kablaud’a hi Israel-lîd’a, mi hud’ugi go ki sed’em á le sun nda zlub’u mamba, á tchol avok ablaud’a hi Israel-lîd’a á lat sundid’a zu?

Wana ni Zla d’a Djivi d’a Luc mi b’irita 1:69

Mi tcholei Ma Sut ma ad’engâ adigei ad’u andjafâ hazong mama David-na

Sunda hi suma a sunuzinid’a 7:51

Agi suma delegi ad’engina, agi suma b’alagi hurugi suma dugugi humagi woi á hum yid’a hAlonid’ina, agi nga zud’ugi Muzuk ma bei tchod’a ba na woi teteu, agi lagi ni d’igi abuyogi ngolo a le na mi.

Hebre-na 3:10

Kayam ndata, hurun zal ngola yam sum ndazina. An dazi ala: Azi nga vit tei burâ ki burâ kur djib’er mazid’a, a we nga lovot manda yazi tu d’i.