Isai 7:1 - Bible azumeina

¹ Kur atchogoid’a hi Ahas Jotam gorom ma Oziyas gorom ngolona amul ma Juda-nid’a, Resin amul ma Siri-na mi i asem tazi ki Peka Remaliya goroma amul ma Israel-lâ á dur ayîna ki suma Jerusalem-ma. Wani azi ndak nga á duruzi d’i.

Isai 7:1 Kruisverwysings

2 Amuleina 15:25

Peka Remaliya goroma, azigar mam ma ndjunuma, mi ndjak vunam ki azigar suma Galät-na dok vahl, a ngruvum kur azì ma amula, mi tchum zlapa ki Argop ki Ariye, mi vrak tamula blangâmu.

2 Amuleina 15:27

Kur biza d’a dok vahl yam mbà d’a Azariya amul ma Juda-na nga mi tamulid’a, Peka Remaliya goroma mi kak amula yam Israel-lâ avo Samari, mi tamula bizad’a dok mbà.

2 Amuleina 15:37

Kur atchogoi d’a Jotam nga mi tamulid’a, Ma didina mi nde mi sunï Resin amul ma Siri-na ki Peka amul ma Israel-lâ á dur ayîna ki suma Juda-na.

2 Amuleina 16:1

Kur biza d’a dogo yam kid’iziya d’a Peka Remaliya goroma amul ma Israel-lâ nga mi tamulid’a, Ahas Jotam goroma mi kak amula yam suma Juda-na.

2 Amuleina 16:5

Resin amul ma Siri-na ki Peka Remaliya goroma amul ma Israel-lâ a mba á dur ayîna ki Ahas. A ngui Jerusalem, wani azi ndak nga á kus kam mbi.

Isai 1:1

Mbaktum ndata nga d’i de zla sun nda teteng nga Alona mi ndat tei ir Isai Amot goroma yam leu d’a Juda-d’a kazì ma ngol ma Jerusalem-mid’a. Mi ndumuzi woi ni kur atchogoid’a hi Oziyas ki Jotam ki Ahas ki Ezekiyas amulei suma Juda-nid’a.

Isai 8:6

Sum ndazina a noî mbiyo ma Silowe ma nga mi djang lalama, a nga le furîd’a yam Resin azi ki Remaliya goroma.

Isai 9:11

Suma Siri-na abo ma yorogona, ki suma Filistê-na abo ma fladegena, a mba ngo vunazi woi hagak ata Israel-lâ á ted’a. Hina pet pî, hurum mi b’leng nga d’i, abom mi ar nga zid’a akulo kamzi.

Ezekiyel 27:16

Suma Siri-na a nga mbut abozi ki sed’eng kahle suma ablau suma a nga kurungâ, a nga mba kahina d’a guzut kal tegles sa a yat ala Eskarbukled’a ki baru d’a hleu d’a sisila, ki d’a d’udjod’a ndundub’uka, ki d’a luluîd’a kahina korela kahina d’a a yat ala rubid’a mi.

Wana ni mbaktumba hi Oze-d’a 1:1

Wana ni zla d’a Ma didina mi dat mi Oze Beri goroma kur atchogoid’a hi Jerobowam Jowas goroma amul ma Israel-lîd’a, ni kur atchogoid’a hi Oziyas ki Jotam ki Ahas ki Ezekiyas amulei suma Juda-nid’a mi.

Mise 1:1

Wana ni zla d’a Ma didina mi dat mi Mise ma Moreset-na kur atchogoid’a hi Jotam ki Ahas ki Ezekiyas amulei suma Juda-nid’a, mi ndum ad’u zla d’a yam azì ma ngol ma Samari-nid’a, ki d’a yam azì ma ngol ma Jerusalem-mid’a woyo.