Isai 61:3 - Bible azumeina

³ á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Isai 61:3 Kruisverwysings

Ester 8:15

Mardose mi nde woi kur azì ma amula ki baru d’a ndal la botlozid’a ki d’a hapa atamu, baru d’a ngol la luluî d’a hleud’a atam kavaval la ngol la lora nga kulupa kam mi. Suma kur azì ma ngol ma Sus-sâ a nga le furîd’a.

Ester 9:22

Kayam bur máma ni bur ma agi sagi atchugulugi ki magi suma djangûnina. Ni til ma hur ma wura magina mi mbut hur ma hapmina, yor ta magid’a ti mbut furîd’ina mi, ni bur ma agi lagi te ma luna á lagi furîd’ina. Nge nge pî adigagi mi sun ahlena mi ndrama, mi he he d’a hawad’a mi suma houd’a mi.

Sawal la giled’a 104:15

Ang hazi süm guguzlud’a kayam mi lazi tazi djivid’a, ang hazi mbulâ kayam tazi d’i mbut aklongîd’id’a, ang hazi avuna kayam azi fad’enga mi.

Sawal la giled’a 149:4

kayam Ma didina tam nga d’i lum djivid’a yam sum mama, nga mi sut suma lulumana á suburuziya.

Sawal la giled’a 23:5

Ang nga minin te mana kä avoron ir man suma djangûna. Ang b’e vunang kanu; angot man nda tche mbina ti oî nga d’i sulul kä woyo.

Sawal la giled’a 30:11

Ma didina, ang humunu, ang wan hohowonu; Ma didina, ang ndjununu!

Sawal la giled’a 30:12

Ang mbud’un wa tchi mana sanda, ang fogon wa dodor manda woyo, ang tchugun wa baru d’a vun tilâ atanu,

Sawal la giled’a 45:7

Alona, zlam mang nga amula ni d’a gak didinda. Ang nga te leu manga ni ki d’ingêra.

Ma tchi wala 9:8

Ar ang tchuk baru ma djivina atang burâ ki burâ, ang le mbulâ kang teteu mi.

Isai 12:1

Kur bur máma ang mba dala: Ma didina, an nga ni gilengû, kayam hurung zal kanu, wani hurung vat tei kanu, ang b’lengên hurun mi.

Isai 26:2

Ar agi malagi vun agre’â woyo, agi aragi andjaf suma d’ingêr suma d’engzengâ a tchuk avo.

Isai 44:23

Ndak akulod’a, ndak ayâ, kayam Ma didina mi le wa va. Ndak andaga d’a ad’ut ta kä yiyika, ndak er ad’uk akulo ki furîd’a. Agi ahuniyôna, agi eregi ad’ugi akulo, agi ayâgiya. Ndak agud’a kagu ma adiga’â pet, agi lagi furîd’a mi. Kayam an Ma didina ni wurak wa yam suma hi Jakob-ma, nga ni tak subur manda woi aduk Israel-lâ mi.

Isai 46:13

An nga ni hud’ï d’ingêr manda, ti nga dei d’i. An nga ni le lilinga ki sut manda d’uo mi. An nga ni mba ki suta kur Siyon, an nga ni mba ki subur manda yam Israel-lâ mi.

Isai 52:1

Ndak Jerusalem, ndak zlit akulo, ndak zlit akulo atogo, ndak hulong fad’eng maka. Ndak Siyon, azì ma ngol ma a tinim iram vama, ndak tchuk baru mak ma djifâ atagu, kayam angoyogeina d’oze suma ndjendjed’a a mba tin asezi avo hatak kuo d’a.

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

Jeremi 31:13

Ata yi máma yuguneina a mba buzuk ndjongâ ki furîd’a, gro azungeîna ki momorogeina a mba le na mi. Ma didina mi dala: Yor ta mazid’a, an mba ni mbud’ut aîd’a, an mba ni b’lengêzi huruziya, an mba ni vragazi hur ma hapma balum hur mazi ma wurana.

Ezekiyel 34:29

An mba ni vazi asine ma simiyêm nde yinina, meid’a mba d’i tchazi kur ambasa d’uo d’a, andjaf suma dingâ a mba kragazi ngula d’uo mi.

Ezekiyel 47:7

Ata yima mi hulongônina, an waguna ablaud’a nga avun toliyonda abo hî abo hî.

Zakari 3:5

Malaikana mi dazi ala a d’ud’um kadamul la bei zozota ba d’a kamu. A d’ud’um kadamula kamu, a tchugum baru ma bei zozota ba na atam kä ir malaikana mi.

Matiye 15:13

Wani mi hulong dazi ala: Vama Abun ma sä akulona mi pum nga d’uo na, a mba pad’am mbeyo.

Matiye 5:16

Ar b’o magid’a ti b’o woi avok suma, kayam a we sun magi d’a djivi d’a led’a, a subur Abugi ma sä akulona mi.

Wana ni Zla d’a Djivi d’a Luc mi b’irita 15:22

Wani abum mi de mazungeî mama ala: Agi mbeyegï atogo ki baru d’a djif fa kal teglesa, agi tchugumzi atamu, agi nigim ngangama abomu, agi tchugum atuguruna asem mi.

Jean 15:8

Le agi nga vud’ugi ngola ni, agi mba suburugi Abunu. Hina, agi mba tagagi woi ala agi ni man suma hata.

Jean 16:20

Gagazi, an nga ni dagiya, agi mba tchigi tchi ma hohoud’a, wani suma kur duniyad’ina a mba le furîd’a. Agi mba kagagi ki hur ma wurana, wani hur ma wura magina mba mi mbut hur ma hapma.

1 Korente-na 3:9

Kayam ami nAlona ndrom suma sunda, agi nasinena hAlonina mi. Agi ni gong nga minda hAlonid’a mi.

1 Korente-na 6:20

Alona mi guzugi ni ki gus sa kal teglesa. Kayam ndata, ar agi suburugi Alona ki hliu tagiya.

Filip-ma 1:11

Agi oyôgi ki sun nda d’ingêra kurugi kayam agi suburugi Alona, agi gilem mi.

2 Tasaloni’â 1:10

Kur bur máma suma hAlonina a mba suburumu, suma he gagazid’ina pet a mba humu. Agi nga adigazi mi, kayam agi hagi gagazid’a yam glangâs ma ami lagizina.

Hebre-na 1:9

Ang min ni d’ingêra, ang noî asa’ata. Ni kayam ndata ba, Alona, Alo mangâ mi manangû, mi vong mbul ma furîd’a kangû, mi hang yima hud’a kal ndrongâ mi.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

1 Pierre 4:14

Le suma a nga ngulugi kayam agi ni suma hata hi Christ-sâ ni, agi lagi furîd’a, kayam Muzuk ma subura hAlonina mi nga kaka kagiya.