Isai 6:8 - Bible azumeina

⁸ An hum del Ma didina mi dala: Ni nge ba, an sunum ge? Ni nge ba, mba mi i ki zla mamid’a woi abu ge? An hulong dum ala: An wana! Ang sununu!

Isai 6:8 Kruisverwysings

Ad’u Tinda 1:26

Alona mi de kua ala: Ei lei sana d’igi ei na; ma hle tam d’igi ei na na. Ar mi te yam kulufâ, yam aluweina, yam azurei suma nglona, yam ambureina kahle suma gurei suma a dram kä yam andagad’ina pet mi.

Ad’u Tinda 11:7

Ar ei tchugi asei kä, ei walazi vunazi woi teteng, ar sa mi hum vun ndram mbi.

Ad’u Tinda 22:1

Bugol ahle ndazina, Alona mi kuk Abraham, mi yum ala: Abraham! Abraham mi hulong dum ala: An huma!

Ad’u Tinda 22:11

Ata yi máma malaikana hi Ma didinina mi yumï akulo atogo zak ala: Abraham! Abraham! Abraham mi hulong dum ala: An huma!

Ad’u Tinda 3:22

Ma didina Alona mi dala: Gola! Sana mi mbut ni d’igi ei na á we djivid’a ki tchod’a; ki tchetchemba, ei aram mi mat abom á ndot vud’agu ma he arid’a tala mi tum te ba, mi ar bei matna d’a d’i.

2 Samuel 1:7

Mi mbut iram mi wanu, mi yanu. An humum ala: An wana!

1 Amuleina 22:20

Ma didina mi djop ala: Ni nge ba, mba mi lop sa vun Ahap á i dur ayîna ata azì ma Ramot ma Galät-na ni lop ba, á tchumza woi ge? Ma hina mi de zla mamba ni vad’u, ma hina mi de zla mamba ni vat mi.

Isai 65:1

Ma didina mi dala: Suma a djobon nga zlan nduo na, an humuziya. Suma a halan nga d’uo na, a fanu. An de mandjaf ma nga mi yan simiyên nduo na ala: An wana! An wana!

Ezekiyel 1:24

Ata yima azi nga ina, an hum siwela hi gigingâzid’a d’igi siwela habil alum ma ngolîd’a na, d’igi dela hi Ma ad’engêm kal petnid’a na, d’igi siwela hi azigar suma ablau suma mimiyâ’îd’a na. Ata yima a tcholâ, a sumot gigingâzi kä.

Ezekiyel 10:5

Tcherebêna gigingâzi ma nga mi tchina, mi i gak a humum sä woi hur atrang nga abud’a d’igi dela hAlo ma ad’engêm kal petnid’a ata yima nga mi de zlad’ina na.

Ezekiyel 9:1

Bugola, Ma didina mi er ad’um akulo ad’enga ala: Agi suma an tinigi á ngop azì ma ngolîna, agi hud’ugïya! Ar nge nge pî mi hle va mam ma b’lak yina woina abomu!

Sunda hi suma a sunuzinid’a 20:24

Wani an gol tan ni vama kal tegles si, á ndak vun tit manda ki sun nda Salad’a Jesus mi handjid’a, nala, á tchi wal Zla d’a Djivi d’a yam sumad’a hAlonid’a.

Sunda hi suma a sunuzinid’a 22:21

Ata yi máma, Salad’a mi dan ala: Ang iya, kayam an mba ni sunung ngei dei mandjaf suma dingâ.

Sunda hi suma a sunuzinid’a 26:19

Paul mi de kua ala: Kayam ndata, amulâ Agripa, an ndak á so vun vama tcholï akulo nde tam mbei iran na d’i.

Sunda hi suma a sunuzinid’a 9:4

Mi puk kä, mi hum dela ti dum ala: Saul, Saul, ni kayam me ba, ang djobon vunan hina ge?

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,

1 Samuel 3:4

Ata yi máma Ma didina mi yi Samuel. Samuel mi humum ala: Salana, an huma!