Isai 6:7 - Bible azumeina

⁷ Mi dondji avunanu, mi dan ala: Ang gola! An dongzi avunang wana, tchila manga a hlat tei da’, tcho manga a hazat tei da mi!

Isai 6:7 Kruisverwysings

Isai 40:2

Agi b’lengêgi hur suma Jerusalem-ma, agi dazi zlad’a ki delegi d’a ngola ala: Sun magi d’a magomba dap da’. Alona mi vat wa hurum mbei yam tchila magid’a, mi wuragagi wa yam tcho magi d’a lara ge yam mbà mi.

Isai 43:25

Ni an ba, nga ni has tcho magid’a woi yam o man nda kagid’a, an mba ni djib’er yam tcho magid’a bugol luo d’a.

Isai 53:10

Ma didina tam lum djivid’a á tom ki ndaka. Bugol la mi he tam vama ngat buzuna yam tchod’id’a, mba mi we andjavamu, burum mba mi i avogovogo, mba mi i ki minda hi Ma didinid’a avogovok mi.

Isai 53:5

Wani mi fe mbilâ yam tcho meid’a, a mired’emî yam tchila meid’a. Ni to d’a a tomba ba, ti mbeï ki b’leng nga halasa; ni kayam duru mamba ba, ei fei ki suta.

Isai 53:6

Adjeu ei pet ni d’igi tumiyô suma a vit teina na, nge nge pî mi tit ni kur lovot mamba. Ma didina mi tinim tchila meid’a kam pet.

Isai 57:19

Ma didina mi de kua ala: An mba ni tin giled’a avun suma a mba dala: Halasa, halasa yam sama sä deina, yam sama gona mi. An mba ni sud’uziya.

Jeremi 1:9

Bugola, Ma didina mi mat abom mi don vunanu, mi dan ala: Gola! An tining wa zla manda avunangû.

Daniel 10:16

An gol sama dingâ mi hle tam d’igi sana na, mi don vunanu. Vunan mi hulong mal leyo, an de mi sama nga tchola vorona ala: Salana, ni kayam vama nde tam mbei irana ba, djib’er manda b’lak ngola, ad’engên nga d’uo wana.

Sofoni 3:9

Ata yi máma an mba ni mbut andjaf suma woi yed’et tala azi tchenen an Ma didina a kud’uron ki hur ma tuna mi d’a.

Zakari 3:4

Malaika máma mi de mi suma a nga tchola avoroma ala: Agi fogogi baru ma zozota woi atamu. Bugola, mi de mi Josue ala: An hazang wa tcho manga woyo, an tchugung wa baru ma vun tilâ atang mi.

Ndumba 16:46

Moise mi de mi Aron ala: Ang hle vama yo aku mang ma kaweina, ang tchuk aku d’a nga yam yima ngal ahle suma ngat buzunid’a kuru, ang tchuk dubang ma his djivid’ina kad’u, ang i gen ablaud’a atogo zak á zlubut yam tcho mata, kayam Ma didina hurum zal wa, tugud’ei d’a tcho d’a tchi matna ti tin wa ad’ud’a da’!

Matiye 9:2

A mbamï sama gugutud’a, mi nga burâ kä kur zlatna. Ata yima Jesus mi we he gagazi mazid’ina, mi de mi sama gugutud’a ala: Gorona, ang ve tangû! An vat wa hurun ndei yam tcho manga da’.

1 Jean 1:7

Wani le ei nga tid’i kur b’od’a d’igi mam tamba nga mi tit kur b’od’a na ni, ei lei darigïd’a aduk teya, buzuna hi Goroma Jesus-na nga mi mbuzi woi yed’et kur tcho meid’a pet mi.