Isai 6:3 - Bible azumeina

³ A nga er ad’uzi akulo aduk tazi ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna! Subur mamba ti oî yam andagad’a pepet.

Isai 6:3 Kruisverwysings

Esdras 3:11

A nga hle sawala, a nga gile Ma didina, a nga suburum ki delezi akulo ala: Mam mi Ma djivina, kayam we hohou mam mba yam Israel-lîd’a nga d’i dap pi. Suma pet a nga gile Ma didina ki delezi akulo ki furîd’a, kayam suma sunda a gum ad’u gong mamba kä da’.

Sawal la giled’a 57:11

kayam o mang nga didinda ti kal gak ti i akulo hur alona, gagazi manga ti kal gak ti i do d’ugula mi.

Sawal la giled’a 66:2

Agi hlagi sawala á gilegi simiyêm ma subura, agi suburum ki sawal la giled’a.

Sawal la giled’a 72:19

Ei gilei simiyêm ma subura gak didin! Ar subur mamba ti oî yam andagad’a pet! Amin! Amin!

Sawal la giled’a 8:2

Ma didina, Salad’a, simiyêng ni ma kal tegles yam andagad’a petna. Ang nga tak ngol mang nga kal teglesa woi kur akulod’a.

Sawal la giled’a 90:16

Ang ar ami azungeî mangâ wami sun mang nga ad’enga, ar gromi ngolona a we subur manga mi.

Sawal la giled’a 97:6

Akulod’a nga d’i de woi yam d’ingêr mamba, suma yam andagad’ina pet a nga we subur mamba mi.

Sawal la giled’a 99:3

Ar azi gileng simiyêng ma ngol ma suma le mandarâ aboma. Gagazi, angî ma bei tchod’a ba na.

Sawal la giled’a 99:9

Agi hagi ngola mi Ma didina Alo meina, agi grivigi kä yam ahina mam mba a tinit irat vata, kayam Ma didina Alona ni ma bei tchod’a ba na!

Buzuk ka Abud’a 15:11

Ma didina, ni nge ba, aduk alo ma tetengâ d’igi ang na ge? Ni nge ba, ma kal papa ma yed’et ma kal tegles ma ndak á hud’a ma lahle suma ndandalâ d’igi ang na na ni nge ge?

Isai 24:16

Ami nga humumi sawala avun dabid’a handagad’id’a ala: Hei ngola mi Ma d’ingêrâ! Wani an nga ni dala: An ba wa woyo, an ba wa woyo! Ni zla d’a hohoud’a kanu! Suma mbut ira a nga mbut ir suma, suma mbut ira a nga mbut ir suma ngola!

Isai 40:5

Subura hi Ma didinid’a mba d’i nde woyo, suma pet a mba wad’u, kayam Ma didina mi de zlad’a ki vunam da’.

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

Ezekiyel 43:2

Ata yi máma an we subura hAlona hi Israel-lîd’a ti tcholï abo ma yorogona. Ti nga d’i siwel d’igi mbiyo alum ma ngolâ vunam nga mi tchi wü na, wile mata nga d’i b’o yam andagad’a mi.

Ezekiyel 44:4

Bugola, sa máma mi hlan avun agrek ma norâ, mi mban avun gong nga kud’ora hAlonid’a. An gol yina, ni we subura hi Ma didinid’a ti oî gong mam mba kud’ora. An grif kä avoromu.

Habakuk 2:14

Kayam andagad’a pet mba d’i oî ki wed’a hi Ma didin ma subura, d’igi mbiyona mi oî kur alum ma ngolâ na.

Zakari 14:9

Ma didina mba mi ka’î amul ma yam andagad’a petna. Kur bur máma mba mi ar Ma didina ni mam tu go, simiyêm mba mi arî mam tu go mi.

Ndumba 14:21

Wani gagazi, an ni Ma bei matna, subur manda mba d’i oî yam andagad’a pet mi.

Efes-sâ 1:18

An nga ni tchenem ala mi malagi djib’er magid’a woi á wagi vama mam yagi á tinigi hurugi kama, kahle suma djivi suma ndjondjoî suma mam nga mi ngomozi akulo yam sum mamina,