Isai 6:2 - Bible azumeina

² Serafêna a nga tchola kam akulo. Ma lara pî, mi nga ki gigingâ karagaya karagaya, mbà á zlup iraziya, mbà á zlup aseziya, mbà á pir ki mi.

Isai 6:2 Kruisverwysings

Ad’u Tinda 17:3

Abram mi ge tam kä ki iram andaga avoromu. Alona mi hulong dum ala:

1 Amuleina 19:13

Ata yima Elie mi hum zla ndatina, mi duk iram mbei ki baru mam mba ngola, mi nde mi tchol lei avun zul ahinad’a, mi hum del la dinga nga d’i dum ala: Elie, ang mba ka hî le ni me ge?

1 Amuleina 22:19

Wani Mise mi dum ala: Ang hum zla d’a Ma didina mi data. An we Ma didina mi nga kaka yam zlam mam mba amula, azungeî mam suma sä akulona pet a nga tchola gevem yam bigam mba ndjufa ki d’a gulad’a.

1 Amuleina 6:24

Ma avo’â gigingâm fiyagamî metred’a mbà ki nusa, dabid’a hi giging ma lara pî ni metred’a vavahl.

1 Amuleina 6:27

Salomon mi tchol tcherebêna kur gong nga zandu’â mi nga kuad’a. Gigingâzi nga ganga woyo, kayam giging ma avo’â mi do gonga, giging ma mbàna mi do gonga abo hî mi, giging ma mbà hina, mi ngruf hur gonga d’ad’ar yam yi máma mi.

1 Amuleina 8:7

Kayam tcherebêna gigingâzi nga ganga woi yam yima a minim yam zandu’îna, a duk yam zandu’â kä kagu ma a zim ki na.

Nehemi 9:6

Ni ang Ma didina tu ba, lakulod’a kahle suma kurutna pet, andagad’a kahle suma kurutna pet, alum ma nglona kahle suma kuruma pet mi. Ahle ndazina pet ang hazi arid’a, ahle suma akulona pet a nga grif kä avorong mi.

Wana ni mbaktumba hi Job-pa 1:6

Wani bur tu malaika suma hAlonina a mba ki zla mazid’a avok Ma didina, Seitan ma tchuk zlad’a yam sumina mi mbeï adigazi mi.

Wana ni mbaktumba hi Job-pa 15:15

Le Alona mi tin nga hurum yam malaika mama d’uo, le akulod’a ti nga yed’et avorom mbuo mi ni,

Wana ni mbaktumba hi Job-pa 4:18

Le Alona mi tin nga hurum yam azungeî mama d’uo, le mi fe tchod’a ata malaika mama mi ni,

Sawal la giled’a 103:20

Agi malaikana hi Ma didina suma ad’eng suma kal papa suma nga lagi sunda yam zla mamba suma nga gagi yagi kä ad’u zla mam mba ded’ina, agi gilemu!

Sawal la giled’a 104:4

Ang mbut simetna ni d’igi sama ang sunuma na, ang mbut sin akud’a ni d’igi sama lang sundina na mi.

Sawal la giled’a 18:10

Mi hud’ï akulod’a kä, mi tchuk asem kä kad’u; d’ugul la wurad’a nga ad’um kä.

Sawal la giled’a 89:7

Ma didina, ma kur akulod’a ma mi nga tam ki sed’engâ nga d’i, alo ma hle tam d’igi ang na na nga d’uo mi.

Buzuk ka Abud’a 25:20

Tcherebê suma mbà ndazina, agi tinizi gigingâzi iram akulo á duk yam zandu’â vunam ma duka, agi tinizi irazi ngrufa ir taziya, agi arazi irazi ped’a kä yam zandu’â vunam ma duka.

Buzuk ka Abud’a 3:6

Mi dum kua ala: Ni an Alona habungâ, Alona hi Abraham-ma, Alona hi Isa’â, Alona hi Jakob-ma mi. Moise mi zlup ahlena iramu, kayam nga mi le mandarâ á gol Alona.

Buzuk ka Abud’a 37:9

Tcherebê suma mbà ndazina, mi tinizi gigingâzi akulo á duk yam zandu’â vunam ma duka, mi tinizi irazi ngrufa ir taziya, mi arazi irazi ped’a kä yam zandu’â vunam ma duka.

Isai 6:6

Ma dingâ tu aduk serafêna mi pirî gevenu. Mi nga ki gordjo ma mi mbogomî yam yima ngal dubang ma his djivid’a ki madeunina nga abomu.

Ezekiyel 1:11

Wana ni iraziya. Gigingâzi ma mbà hina irambi ni sumota akulo. Nge nge pî gigingâm ma mbà hina mi ni tinda avun tam tata, ma mbà hina ni ma zlup ki tazina.

Ezekiyel 1:24

Ata yima azi nga ina, an hum siwela hi gigingâzid’a d’igi siwela habil alum ma ngolîd’a na, d’igi dela hi Ma ad’engêm kal petnid’a na, d’igi siwela hi azigar suma ablau suma mimiyâ’îd’a na. Ata yima a tcholâ, a sumot gigingâzi kä.

Ezekiyel 1:4

Ata yi máma an gola, an we babar ma ngol ma bibi’â mi tcholï abo ma norâ ki d’ugul la ngola zlapa kakud’a, nga d’i wile ti ngui yina woi gevet d’uhl. Vana nga mi wile adigat d’igi kawei ma hleu ma a hegema na, mi nde woi aduk aku ndata.

Ezekiyel 1:6

Nge nge pî adigazi mi nga ki ira fifid’i, gigingâ fifid’i mi.

Ezekiyel 1:9

Gigingâzi mi nga tinda avun tam tata. Ata yima a nga ina, a nga pret ti. Nge nge pî mi i nata yima mi nga vorom kuana.

Ezekiyel 10:16

Ata yima tcherebêna a nga gigingâzi á pir akulo woi yam andagad’ina, abo pusâ nga mi pret tam mbei yima ding nguo mi.

Ezekiyel 10:21

Ma lara pî, iramî fifid’i, ma lara pî, gigingâmî fifid’i mi. Vana nga ad’u gigingâzi kä d’igi abo sana na.

Daniel 7:10

toliyon nda akud’a nga avoromu, nga d’i djang d’igi mbina na. Suma dubuna a nga gevem á lum sunda, suma bubupma a nga tchola avorom mi. Suma ka sariyad’a a nga kaka kä yam zlumiyô mazina, a mal mbaktumba woi teteng mi.

Daniel 9:21

Kid’a an nga ni de zlad’a abon keid’a, an we Gabriel ma an wum avok ata yima vana nde tam mbei irana, mi pirï atogo zak, mi mba geven ki fladege d’a suma a he he d’a hawad’id’a.

Zakari 3:4

Malaika máma mi de mi suma a nga tchola avoroma ala: Agi fogogi baru ma zozota woi atamu. Bugola, mi de mi Josue ala: An hazang wa tcho manga woyo, an tchugung wa baru ma vun tilâ atang mi.

Wana ni Zla d’a Djivi d’a Luc mi b’irita 1:10

Ablau suma a nga tchen Alona abu ata yima mam nga mi ngal dubang ma his djivid’ina.

Hebre-na 1:7

Wani Alona mi de yam malaikana ala: Mam mbud’uzi simetna, mi mbut suma lum sundina sin akud’a mi.

Vama ndum mbeina 14:6

An we malaika ma dingâ mi pirï akulo dei aduk simetna. Mi nga ki Zla d’a Djivi d’a ari d’a didinda á ded’a mi suma yam andagad’ina, mandjaf suma pet, ad’u andjafâ pet ki vun ma ded’a pet, mi suma pet mi.

Vama ndum mbeina 4:8

Ahle suma ari suma fid’i ndazina, ma lara pî mi nga ki gigingâ karagaya karagaya, azi nga ki ira ata yima lara ge pet, krovo, abu mi. Andjege ki falei azi nga ar bei hle sawala ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna, ni Ma nga adjeu deina, ni Ma nga na, ni Ma nga mi mbana mi.

Vama ndum mbeina 7:11

Malaikana pet a nga tchola a ngui zlam mba amula kä ki suma nglona kahle suma ari suma fid’ina. A grif kä ki irazi avok zlam mba amula, a kud’or Alona,

Vama ndum mbeina 8:13

An gola, an hum dela hagigilau ma pirï akulo kur simetnina nga mi de ki delem akulo ala: Ni zla d’a hohoud’a, ni zla d’a hohoud’a, ni zla d’a hohoud’a yam suma a nga kaka yam andagad’ina, fata malaika suma hindina a bu adif mazid’id’a.