Isai 6:10 - Bible azumeina

¹⁰ Ang b’al sum ndazina huruziya, ang tozozi humazi woyo, ang duguzi irazi woi tala a we ki irazi a hum ki humazi a wat ad’ut a mbut huruzi ba, an sud’uziya d’a d’i.

Isai 6:10 Kruisverwysings

Sawal la giled’a 119:70

Azi huruzi mi ni b’ala d’igi mbul ma b’ala na, wani an nga ni le furîd’a yam gat manga.

Sawal la giled’a 17:10

A b’al huruzi kiki, a nga de zla d’a subur tad’a.

Sawal la giled’a 69:23

Ar te mazina mi mbut ni dauna avoroziya, ar te mazi ma ata yima darigïd’ina, mi mbut nabei d’a vazid’a.

Buzuk ka Abud’a 10:27

Wani Ma didina mi b’al hur Faron kiki; Faron mi min arazi á id’a d’i.

Buzuk ka Abud’a 11:10

Moise azi ki Aron a lahle suma ndandal ndazina avok Faron pet. Wani Ma didina mi b’al hur Faron kiki; mi ar nga Israel-lâ á buzuk kei abu kur ambas mamba d’i.

Buzuk ka Abud’a 14:17

Wani anu, an nga ni b’al hur suma Ezipte-na kiki tala a tchuk tazi tita kä blogogi kur aluma d’a. An mba ni mbut ni vama subura yam Faron ki azigar mama pet ki pus mam ma dur ayîna ki mam suma djang akulumeina mi.

Buzuk ka Abud’a 7:3

Wani an mba ni b’al hur Faron, an mba ni zul ahle man suma simata ki suma ndandalâ kur ambas mamba.

Zla d’a d’ogolâ 16:30

Sama mi duk iram mbeina mi djib’erî djib’er ra tchod’a, sama nga mi tchurot vunam mbeina mi le wa tchod’a da’.

Ma tchi wala 3:3

yima tchi matna mi nga, yima tchil sana mi nga mi; yima a to azina kä woina mi nga, yima min azinina mi nga mi;

Isai 19:22

Ma didina mba mi to Ezipte-na; mba mi tozi mi kazi mbuleina, wani mba mi tchilizi mbiliziya. Azi mba hulongî gevemu, mam mba mi humuzi tchen mazid’a, mba mi sud’uzi mi.

Isai 28:13

Zlad’a hi Ma didinid’a mba d’i mbut atazi ni hina: Vun ma hed’a yam ndram vun ma hed’a, vun ma hed’a yam ndram vun ma hed’a; gata yam ndrat gata, gata yam ndrat gata; ka hî nde, sä hî nde mi. Kayambala kur tit mazid’a a puk kazigazi a kuza d’a tala a nde kur dauna mi vazi kä ndindingû d’a mi.

Isai 29:10

Ma didina mi burugi sen ma ngolâ. Agi suma djok vuna mi dugugi iragi woyo. Agi suma wagi ahle suma a nga mbana, mi zlubugi ahlena woi iragi mi.

Isai 29:14

Kayam ndata, an nga ni zut sum ndazina á le atchap yam ahle man suma yoyouna kahle man suma ndandalâ avogovogo. Ned’a hi mazi suma ned’a mba d’i dap peyo, wed’a hi mazi suma wäd’u ahlenid’a mba d’i vit tei mi.

Isai 29:9

Agi tchologi ndjö, agi lagi atchap, agi dugugi iragiya, agi mbud’ugi suma duka, agi nga gurud’ugiya, wani bei tchagi süm guguzlud’a ba! Agi hlagi titigir, wani bei tchagi süm ma ayîna ba!

Isai 44:18

Sum ndazina a nga ki d’alâ á wad’ud’a d’i, a duguzi irazi woi tala a we d’a d’i, a b’alazi huruzi tala a wad’ud’a d’uo d’a mi.

Isai 63:17

Ma didina, ni kayam me ba, ang arami ami vid’imi woi hina dei ki gat manga ge? Ni kayam me ba, ang b’alami hurumi hina kiki á lang mandarang nge? Ang hulongî yam azungeî mangâ, yam andjaf ma ang tum djonina mi.

Jeremi 17:9

Vama mbut ira d’igi hur sana na na nga d’i. Sana mi ndak á minim mbi, sana mi ndak á wum ad’um mbuo mi.

Jeremi 5:21

Agi suma lilid’a, agi suma bei wad’ud’a, agi humugiya. Agi nga ki ira, wani agi nga wagi d’i; agi nga ki humba, wani agi nga humugi d’uo mi.

Jeremi 6:10

Jeremi mi dala: An de zlad’a ni mi nge ge? An le glangâsâ ni mi nge ba, mba mi humun nge? Gola! A duk humazi woyo, a ndak á hum mbi. Zlad’a hi ang Ma didinid’a ti mbut ni vama ngula ataziya, tazi nga d’i lazi djivi kat tuo mi.

Hor ma tchina 3:65

Ang b’alazi huruzi kiki, ang gazi vuna mi.

Zakari 11:15

Ma didina mi dan kua ala: Ang hulong yo ahlena hi ma pol ma lilid’a.

Zakari 7:11

Wani azi noî á humba, azi han azigaziya, a tos humazi woi á humba mi.

Matiye 13:15

Kayam sum ndazina, huruzi ni b’ala, a tos humazi woi á humba, a duk irazi woyo, kayam a we ki irazi d’i, a hum ki humazi d’uo mi tala a wad’ud’a kuruzi a mbut huruzi mbut ba, an ni sud’uziya d’a.

Jean 12:40

Alona mi duguzi iraziya, mi b’alazi huruzi mi, kayam azi we ki irazi d’i, azi wad’ud’a kuruzi d’uo mi tala azi mbut huruzi mi sud’uziya d’a.

Sunda hi suma a sunuzinid’a 28:27

Kayam sum ndazina huruzi mbut tib’iri’â, a tos humazi woyo, a duk irazi woyo, tala azi we ki iraziya, a hum ki humaziya, a wad’ud’a kuruziya, tala a mbut huruzi an sud’uziya d’a.

Sunda hi suma a sunuzinid’a 3:19

Kayam ndata, agi mbud’ugi hurugi yam tcho magid’a, agi hud’ugi gen Alona mi, kayam mi hazagi tcho magid’a woyo.

2 Korente-na 2:16

Ir suma a nga ba woina, ami ni his ma tcho ma tchi matna. Ir suma a nga fe sutina, ami ni his ma djivi ma sut sumina. Sama ndak á le sun ndata ni nge?

Gat ta a hat á mbàd’id’a 2:30

Wani Sihon amul ma Hesbon-na, mi arei nga á kala kur ambas mamba d’i, kayam Ma didina Alo magina mi b’alam hurum ad’enga ngingi, kayambala mi hagizi abogi ini d’igi agi tagi wagi na d’a.

Gat ta a hat á mbàd’id’a 29:3

Agi wagi ahle suma kuk suma nglona kahle suma simata kahle suma atchap suma nglona ki iragi mi.

Gat ta a hat á mbàd’id’a 29:4

Wani gak ini Ma didina mi hagi nga muzuk ma wäd’u ahle ndazina d’oze ira á wed’a d’oze humba á humba d’i.

Gat ta a hat á mbàd’id’a 31:20

Kayam an mba ni kal ki sum ndazina kur ambas sa an hle vunan kat mabuyozi ngolo á hazizid’a, nambas sa ambira ki mbul ayuma a nga sor kä kuad’a. Azi mba te, a mba hoba, a mba d’ora. Bugola, azi mba mbut irazi ata alo ma dingâ á kud’uromu, a mba lan tchod’a, a mba but vun ma djin ma an djinim ki sed’ezina woi mi.

Gat ta a hat á mbàd’id’a 32:15

Bugola, azi te, a hopa, a d’or gugundulî. Jesurun mi ndjabom mbei aduk asuna, mi ar Alo mam ma luma woyo, mi gol ahina d’a sud’umba is.