Isai 57:7 - Bible azumeina

⁷ Ni yam ahina d’a fiyak ka akulo dei ba, agi nga tinigi azang magi ma burâ kua á le tchod’a. Ni kua ba, agi nga djagagi á hagi ahle suma ngat buzuna mi.

Isai 57:7 Kruisverwysings

Isai 57:3

Agi atcha d’a djop fileina grotna, andjaf fa mizeu d’a gaulangâ, agi hud’ugi ka hî.

Isai 65:7

An mba ni wuragagi yam tcho magid’a ki d’a habuyogi ngolod’a. Kayam a ngal dubang ma his djivid’ina yam ahuniyôna, a mbud’un zulona yam yima ndingâ mi. An mba ni wuragazi ndak memet yam sun mazi d’a azi lat adjeud’a.

Jeremi 2:20

Ma didina mi dala: Agi kuzugi djuk ma kelegina woi nadjeu dei, agi bud’ugi vun ma djin ma adigeina woyo, agi dagi ala: Ami min lang sunda d’uo d’a. Kayam ndata, agi igi akulo yam yima ndingâ, ad’u agu ma lara ma angusâ agi grivigi kä ad’um á mbud’ugi tagi gaulangâ mi.

Jeremi 3:2

Agi hlagi iragi akulo yam ahuniyô suma fuyogeina, agi gologiya. Ni yima lara ba, agi lagi nga tchod’a kua d’uo ge? Agi nga kaka kä avun lovota á le mizeuna ki sed’ezi d’igi Arap-ma a nga kaka abagei hur fulâ á hurum ahlena hi sumina na, agi mbud’ugi ambasa ndjendjed’a ki gaulang magina ki tit magi d’a ata yat tuo d’a.

Jeremi 3:6

Kur atchogoid’a hi Josiyas-sa Ma didina mi dan ala: Ang we vama Israel suma a tcha tatana a luma zu? A i yam ahina d’a lara ge d’a fuyogeid’a, ad’u agu ma angus ma lara a mbut tazi gaulangâ.

Ezekiyel 16:16

Ndak yo baru mak ma nga kandjaf d’udjod’a teteng atama, ndak minim akulo yam yima ndingâ ndak le gaulangâ kamu. Wani vama hina mi le nga avok yam tu d’i, vama hina mba mi mba bugol luo mi.

Ezekiyel 16:24

Ndak min azì ma gaulangâ, ndak min yima ndingâ ata yina pet.

Ezekiyel 16:25

Ndak min yima ndingâ avun lovot ta lara ge pet, ndak mbut tak ndjendjed’a ki djif ma’â, ndak he tak mi sama lara ma nga mi kalâ, ndak nga i ki gaulang ma’â avogovogo.

Ezekiyel 23:17

Suma Babilon-na a mba geved’u, a bur ki sed’ed’u, a mbud’ut ndjendjed’a ki gaulang mazina. Ata yima a mbud’ut ndjendjed’a dana, ti wal tat tei ki sed’eziya.

Ezekiyel 23:41

A kak kä yam azang ma djif ma tabulâ nga tinda avoroma, a tin dubang man ma his djivid’ina ki mbul mana kä yam tabul máma.

Ezekiyel 6:13

Azi mba wala an ni Ma didina ni fata mad’azi mba mi tchuk kä aduk filei mazi ma tetengâ gen yi mazi ma ngal ahle suma ngat buzu ma tetengâ, yam yi mazi ma nding ma lara, yam ahuniyô suma fuyogei suma lara, ad’u agu ma lara ma angusâ, ad’u agu sen ma d’uf ma lara ma guguluîna, ata yima azi ngal dubang ma his djivid’ina mi filei mazina kuana pet.