Isai 57:1 - Bible azumeina

¹ Wani ma d’ingêrâ nga mi ba woyo, sama mi djib’er yam zla ndatina nga d’i. Suma djivina a nga yozi woyo, wani sama mi wad’ud’a ala a hle sama d’ingêrâ woi ná prud’um mbei kur asa’ata na nga d’i.

Isai 57:1 Kruisverwysings

1 Amuleina 14:13

Israel-lâ pet a mba tchimu, a mba tozom mi. Aduk suma hi Jerobowam-ma pet ni mam tu ba, a mba tozomu, ni mam tu aduk suma avo hi Jerobowam-ma ni vama djivi ma le Ma didina Alona hi Israel-lîna tam djivid’ina.

2 Amuleina 22:20

Ni kayam ndata ba, an mba ni arang ang mit ki halasa, a mba tozong kur zul manga bei ang we ndak ka an mba ni mbat yam azì ma Jerusalem-mid’a ba. Ngol ma ngat buzuna ki ndrom suma a sunuzina a mba de zla ndata mamulâ hina.

2 Sunda Hamuleinid’a 32:33

Ezekiyas mi mit mi i kä azulei ad’u abuyom ngolo, a tozom ata yima akulo nding ma kal tegles ma a tos David andjavam kuana. Suma Juda-na ki suma a nga kaka avo Jerusalem-ma pet a suburum kur mat mama ngola. Goroma Manase mi vrak tamula blangâmu.

2 Sunda Hamuleinid’a 34:28

An mba ni arang ang mba mit ki halasa, a mba tozong kur zul manga bei ang we ndak ka an nga ni mbat yam azì ma Jerusalem-ma ki suma a nga kaka kurumid’a ba. Ma ngol ma ngat buzuna Hilkiya ki ndrom suma ki sed’ema a mba väd’u zla ndata mamulâ Josiyas.

2 Sunda Hamuleinid’a 35:24

Azungeî mama a hlum kur pus mama, a mba djogom mbei kur pus mam ma mbàna, a im avo Jerusalem. Mi mit sä kua kolâ, a tozom gen abuyom ngolo. Suma Juda-na ki suma Jerusalem-ma pet a tchi horâ Josiyas.

Sawal la giled’a 12:1

Ni sawal la David mi hlat kading ma ziyom klavandina, mi hat mi ma ngolâ hi suma hle sawalina.

Sawal la giled’a 37:37

Ang tin irang yam sama iratna, ang gol sama d’ingêrâ, kayam sama halas máma mba mi i avogovogo.

Isai 42:25

Kayam ndata, mi mba kayî mam ma bibiliuna kaziya, mi mba kayî ma dur ma tchona kazi mi. Nga mi ngalazi ata yima lara ge pet, wani azi min nga á we va tu d’i. Mi nga mi ngalaziya, wani a nga tin humazi kam mbi.

Isai 47:11

Ndaka mba d’i mba kak bei ndak we lovota á d’elet ba, djop vuna mba mi mba kak bei ndak fe lovota á kengêm bei ba, b’laka mba d’i surop kak atogo hina zak bei ndak we ba mi.

Isai 47:7

Ndak dala: An mba ni ka’î d’a kal teglesa hina gak didin! Ndak djib’er nga yam ahle suma a lena d’i, ndak nga djib’er yam ahle suma a nga mbana d’uo mi.

Isai 57:11

Agi lagi mandarâ nabo nge ba, agi kandi zlad’a, agi djib’eregi kan nduo, agi walagi woi dei ki an nge? An kak bei de zlad’a ni dedei. Ni kayam ndata ba, agi nga gagi yagi kä avoron nduo wana.

Jeremi 18:11

Ki tchetchemba, ang i de mi suma Juda-na ki suma a nga kaka avo Jerusalem-ma ala: Gola! Ma didina mi dala: An nga hurun á lagi tchod’a, an min nga zlad’a kurun á lagi ndaka. Ar nge nge pî adigagi mi ar tit mam mba tchod’a woyo, ar agi djogogi tit magid’a ki sun magi d’a led’a.

Jeremi 22:10

Agi suma Juda-na, agi tchigi yam sama mitna d’i, agi yorogi tagi kam mbuo mi, wani agi tchigi ni yam sama mi i yinina, kayam nga mi hulongî d’i, mba mi hulong á we ambas sa a vud’um kura d’uo d’a.

Ezekiyel 21:3

Ang de magu d’a abo ma sutnid’a ala: Ndak hum zlad’a hi Ma didinid’a. Salad’a Ma didina mi dala: An nga gakud’a adigagu, mba d’i ngal agu ma arina ki ma sod’a woi adigagu. Sin aku ndata mba d’i mit tei d’i, mba d’i ngal ahle suma a wazi ki irina, tinï ad’ud’a abo ma sutna dei gak ndeza woi abo ma norâ.

Mise 7:2

Sama d’engzeng nga kur ambasa d’i, sama irat nga d’uo mi. Azi pet ni suma a bur suma kä á tchid’ina, nge nge pî nga mi gun dauna kä yam wiyema.

Malatchi 2:2

Le agi humugi d’uo, le agi tinigi nga hurugi á suburun simiyên nduo ni, an mba ni gagi vuna, an mba ni b’lagagi djivi magid’a woyo. Gagazi, an mba ni b’lagat teyo, kayam agi vagi nga zla manda kurugi d’i.

Ndumba 23:10

Ni nge ba, mi ndak á ndum andjafâ hi Jakob-ma ge? Ni nge ba, mi ndak á ndum abo Israel-lâ sop ke? Ar an mit ni matna hi suma d’ingêr sum ndazinina. Ar dabi manda ti dap mi d’igi mazid’a na mi.