Isai 53:4 - Bible azumeina

⁴ Doli na ni mi zi ni ndak meid’a kamu, mi hle ni pupuluk meid’a kamu, ei golomî d’igi sama Alona mi ngoboma na, d’igi ma Alona mi tom mi hulongôm yam kä na na mi.

Isai 53:4 Kruisverwysings

Sawal la giled’a 69:26

Ar yi mazi ma kaka mi mbut djona, ar sa mi kak kur aziyazi d’uo mi.

Sawal la giled’a 69:27

Kayam azi nga djop vun suma ang gad’azina, azi nga de woi yam ndaka hi suma ang duruzi mbuleinina.

Sawal la giled’a 69:8

Ni kayam ang ba, an nga ni ve tan kur ngula, an mbut zulona mi.

Isai 53:10

Ma didina tam lum djivid’a á tom ki ndaka. Bugol la mi he tam vama ngat buzuna yam tchod’id’a, mba mi we andjavamu, burum mba mi i avogovogo, mba mi i ki minda hi Ma didinid’a avogovok mi.

Sunda hi suma hi Levi-nid’a 16:10

Mi tchol ma togina nde kam á hum mi Azazel-lâ avogon an Ma didina á zlup yam tchod’a, á digim mbei abagei hur fulâ mi Azazel.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Matiye 26:37

Mi yo Pierre azi ki Zebede grom suma mbàna. Tam mbi nde lum a’alî, hurum hat mi.

Matiye 8:17

Ahle ndazina a le hina á ndak vun zlad’a hi ma djok vun Alona Isai d’a mi dat ala: Mi zi amangeî meid’a kamu, mi hle ni tugud’ei meid’a kamu d’a.

Jean 19:7

Juif-fâ a hulong dum ala: Ami nga ki gata. Kur gat ndata djivid’a mi mid’a, kayam mam mbut tam ala mam mi Alona Goroma.

Romê-na 4:25

Alona mi hum mbei á tchid’a yam tcho meid’a, wani mi tcholom akulo aduk suma matna á mbud’i suma d’ingêrâ avoromu.

Galat-na 3:13

Ata yima Christ mi mbut sama Alona mi gum vuna keina, mam pad’ei woi ad’u vun ma ge ma gata ti geizina. Kayam mbaktumba hAlonid’a ti dala: Sama a gabam akulo ata agunina, ni sama Alona mi gum vunina.

Hebre-na 9:28

Hina mi, Christ mi he tam vama ngat buzuna yam tu á yo tchod’a hi suma ablaud’a woyo. Mam mba mi hulongî yam á mbàd’a ná yo tchod’a d’uo d’a, wani ná sut suma a nga djubuma.

1 Pierre 2:24

Christ tamba mi zi tcho meid’a kam akulo ata agu ma b’ala, kayam ei boi woi ata tchod’a á kagei karid’a á le d’ingêra. Ni yam to d’a a tomba ba, agi fagi ki suta.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.

1 Jean 2:2

Ni ma he tam mbei vama ngat buzuna kei kayambala Alona mi vat hurum mbei yam tcho meid’a d’a. Nga ni yam tcho meid’a hol li, wani ni yam tchod’a hi suma pet mi.