Isai 53:3 - Bible azumeina

³ Ni ma a golom is a noyôm mbeina mi. Ni sama kur pupulukina, ni ma hat kur ndakina mi. Mi hle tamî d’igi sama suma a hle yazi woi kam á golom mbuo na na. A golom is, ei golomî va d’uo mi.

Isai 53:3 Kruisverwysings

Sawal la giled’a 69:29

Ang hazazi simiyêzi woi kur mbaktumba hi suma arinid’a, ar ang b’irizi simiyêzi zlapa ki suma d’ingêrâ d’i.

Sawal la giled’a 88:4

Kayam an nga kur ndaka ngola, an nga avun matna mi.

Isai 49:7

Ma didin ma wurak yam suma ma tin tam irat vat yam Israel-lîna, mi de mi sama suma a golom isâ, mi sama andjaf suma a golomî vama ndjendjed’ina, mi magoma hi suma te yambina ala: Amuleina a mba wangû, a mba tchol akulo avorong mi. Suma nglona a mba grif kä avorong yam an Ma didin ma d’engzeng ma an tin tan irat vat yam Israel ma ni manangâ.

Isai 50:6

An tin huyogon mi suma a tona, an tin agozlon mi suma a ndjud’un duduman ndeina, an ngei nga iran abo ngula d’oze abo ayô ma a tuvondji irana d’uo mi.

Isai 52:14

Suma ablaud’a a mba golomu, a mba hat huruzi kamu, kayam iram mbut hohoud’a, ti nga d’igi ir sana na d’uo d’a.

Isai 53:10

Ma didina tam lum djivid’a á tom ki ndaka. Bugol la mi he tam vama ngat buzuna yam tchod’id’a, mba mi we andjavamu, burum mba mi i avogovogo, mba mi i ki minda hi Ma didinid’a avogovok mi.

Isai 53:4

Doli na ni mi zi ni ndak meid’a kamu, mi hle ni pupuluk meid’a kamu, ei golomî d’igi sama Alona mi ngoboma na, d’igi ma Alona mi tom mi hulongôm yam kä na na mi.

Mise 5:1

Ang azì ma Betelehem ma Efrat-na, ang ma akid’eid’a aduk azì ma dudubu ma Juda-nina, man ma mba mi te yam Israel-lîna mba mi ndeï ni kurungû, ni ma andjavam tcholï adjeu dedeina.

Zakari 11:8

An dik suma pol suma hindina woi kur til ma tuna, an ve nga tan kazi d’i. Azi tazi a golon an ni vama ndjendjed’a mi.

Matiye 26:67

Kayam ndata, a tuvom ayôna iramu, a tomu. Suma dingâ a tom kaboziya,

Matiye 27:63

a dum ala: Sama ngolâ, humami gami yam zla d’a sama ka zla máma, kid’a mam nga ki iram tua d’a, mi dala: Bugol bur ma hindina, an mba ni tchol akulo aduk suma matna.

Marik 10:33

Mi dazi ala: Gola! Ei nga tubi kur Jerusalem. Suma a mba han an Gor Sana abo nglo suma ngat buzuna azi ki suma hat gata. Azi mba kan sariya d’a matna kanu, a mba han abo andjaf suma dingâ mi.

Marik 10:34

Sum ndazina a mba lazanu, a mba tuvon ayôna iranu, a mba ton ki blafâ, a mba tchan ndeyo. Wani kur bur ma hindina, an mba ni tchol akulo aduk suma matna.

Marik 14:34

Mi dazi ala: Hurun b’lak kakazeî á matna; agi kagagi ka hî ki ndjola.

Marik 15:19

Azi nde tumum yam ki totogod’a, a tuvom ayôna iramu, a grif kä avoromu, a kud’urom mi.

Marik 9:12

Mi hulong dazi ala: Gagazi, Elie mba mi mba avogo, mba mi min ahlena pet ata yazi ma adjeuna. Wani ni kayam me ba, mbaktumba hAlonid’a ti dala an Gor Sana mba ni fe ndaka ngola ki lasa mi ge?

Wana ni Zla d’a Djivi d’a Luc mi b’irita 16:14

Fariziyêna a hum zla ndata pet, a ngulumu, kayam azi ni suma a le yam beged’ina.

Wana ni Zla d’a Djivi d’a Luc mi b’irita 19:41

Kid’a mi mba go kazì ma ngol ma Jerusalem-mid’a, mi wumu, mi tchi kamu.

Wana ni Zla d’a Djivi d’a Luc mi b’irita 8:53

Azi nde lazamu, kayam azi we ti mit da’.

Wana ni Zla d’a Djivi d’a Luc mi b’irita 9:22

Mi dazi ala: Mbeî an Gor Sana mba ni fe ndaka ngola. Suma nglona azi ki nglo suma ngat buzuna ki suma hat gata a mba noyônu, a mba tchanu, wani kur bur ma hindina, an mba ni tchol akulo aduk suma matna.

Jean 11:35

Jesus mi tchiya.

Jean 8:48

Juif-fâ a hulong dum ala: Zla d’a ami dat ala: Angî ma Samari-na, ang nga ki muzuk ma tchona kurungû d’a, ni zla d’a gagazid’a d’uo zu?

Gat ta a hat á mbàd’id’a 32:15

Bugola, azi te, a hopa, a d’or gugundulî. Jesurun mi ndjabom mbei aduk asuna, mi ar Alo mam ma luma woyo, mi gol ahina d’a sud’umba is.

Hebre-na 4:15

Kayam ngol mei ma ngat buzu máma ni ma ndak á hat hurum yam amangeî meid’a d’uo na d’i, kayam a kugum kur ahlena pet d’igi ei na, wani mi le nga tcho d’i.

Hebre-na 5:7

Kid’a Jesus mi nga yam andagad’id’a, mi tchen Alo ma mi ndak á sud’um mbei abo matnina tchen nda hud’a, mi tchi ki simina iram mi. Alona mi humumu, kayam mi ge yam kä ad’umu.