Isai 53:10 - Bible azumeina

¹⁰ Ma didina tam lum djivid’a á tom ki ndaka. Bugol la mi he tam vama ngat buzuna yam tchod’id’a, mba mi we andjavamu, burum mba mi i avogovogo, mba mi i ki minda hi Ma didinid’a avogovok mi.

Isai 53:10 Kruisverwysings

Sawal la giled’a 110:3

Kur bur ma ang tok b’rang mangina, mang suma huruzi vangâ a tap ki sed’eng mi, gro azungeî mangâ a mba mba geveng yam ahuniyô suma a tinizi irazi vazina d’igi mbad’ïd’a ti ge pipir na.

Sawal la giled’a 147:11

Ma didina tam nga d’i lum djivid’a ni yam suma a nga lum mandarama, ni yam suma a tin huruzi yam o mam mba didindina mi.

Sawal la giled’a 149:4

kayam Ma didina tam nga d’i lum djivid’a yam sum mama, nga mi sut suma lulumana á suburuziya.

Sawal la giled’a 21:4

Ang d’ugulom wa, ang b’e wa vun ma djivi ma kal teglesâ kamu, ang kulubum wa avaval la lor ra kal teglesa kam mi.

Sawal la giled’a 22:30

Suma bege suma yam andagad’a a te na a mba a kud’uromu, suma a mba a bona pet suma a ndak nga a ngom ari mazid’a d’uo na a mba kud’urom mi.

Sawal la giled’a 22:31

Andjavazi mba mi lum sunda, mba mi de zla Salad’a woi mandjavazi ma kur atchogoi d’a nga d’i mbad’ina.

Sawal la giled’a 69:26

Ar yi mazi ma kaka mi mbut djona, ar sa mi kak kur aziyazi d’uo mi.

Sawal la giled’a 72:17

Ar simiyêm mi yï didin, ar simiyêm mi yï yam andagad’a gak dabid’a hatchogoid’id’a. Ar suma a b’e vuna yam tazi ni ki simiyêmu, ar andjaf suma pet a yum ala amul ma furîd’a!

Sawal la giled’a 72:7

Kur atchogoi mamba, suma d’ingêrâ a mba zul avogovogo. Suma a mba kak ki b’leng nga halasa gak dabid’a hatchogoid’id’a.

Sawal la giled’a 89:29

An mba ni tagam o manda burâ ki burâ; vun ma djin ma an djinim ki sed’ema mba mi ka’î hina ngingring.

Sawal la giled’a 89:36

Yam bei tcho manda an ni gun tan ni ki iran fafat, na ni an ndak á ka zlad’a mi David tchu?

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Isai 46:10

An nga ni de woi kad’u tinda dei yam vama nga mi mbana, an nga ni de woi avok dei yam vama nga bei mbad’a tua na mi. Nga hur mana mba mi le djivid’a, an mba ni ndak vun ahle suma an nga hurun kazina pet mi.

Isai 49:4

Wani an dala: An kau tan ni hawa; ni hawa hina yak ba, an nga ni dap ad’engên ndeyo; doli wani zla manda nabo Ma didina, wurak manda nabo Alo mana mi.

Isai 53:12

Ni kayam ndata ba, an mba ni hum b’rau mamba ki suma nglona. Mam mba mi b’rau ahle suma a hurumuzï avun ayînina ki suma sib’ika kayam mi he tam mbei á matna. A ndumum zlapa ki suma tchila yam gata, kayam mi hle tchod’a hi suma ablaud’a kamu, mi tchen yam suma zlad’a nga kazina mi.

Isai 54:3

Kayam ndak mba d’i i yam bigak ka ndjufa, yam bigak ka gulad’a, gro’â a mba hlandjaf suma, a mba kak kur azì ma ngol ma mi ar djonina mi.

Isai 61:9

A mba wazi andjavazi aduk suma, a mba wazi grozi ngolona aduk suma mi. Suma pet suma a mba wazina a mba wala azi nandjaf ma Ma didina mi b’e vunam kama.

Isai 66:22

Ma didina mi dala: D’igi akulo d’a awilid’a kandaga d’a awilid’a a mba kak avoron tatâ na, andjavagi ki simiyêgi mba mi ka’î hina tatâ mi.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Jeremi 32:41

Tan mba d’i lan djivid’a á lazi djivid’a, an mba ni kagazi kur ambas sa wanda ki hurun tu ki muzugan tu mi.

Ezekiyel 33:11

Ang dazi ala: An Salad’a Ma didin ma bei matna ba na ni dala: An min nga d’ala sama tchona mi mid’a d’a d’i, ar mi mbut hurum yam tcho mamba, ar mi kak karid’a. Agi hulongôgiya, agi hulongôgi woi kur sun magi d’a tchod’a. Agi Israel-lâ, ni kayam me ba, agi tchagi tagi woi ge?

Ezekiyel 37:25

Azi mba kak yam andaga d’a an hat mazong mana Jakob pa abuyozi ngolo a kak kuad’a. Azi tazid’a, grozina ki grozi ngolona a mba kak kua ki irazi fafat. Azong mana David mba mi tamula kazi gak didin mi.

Daniel 9:24

A nga biza d’a kid’iziya kid’iziya dok kid’iziyad’a, ni yam sum mangâ kazì mang ma ngol ma a tinim iram vama tala a ar so vuna woyo, a ar tcho d’a led’a woyo, a fe hur ma vata yam tcho d’a led’a, a le sun nda d’ingêr ra didinda, a ndak vun vama nde tam mbei irangâ ki zla d’a djok vuna kata, a tin yima a tinim iram vam ma kal teglesâ tin nda dinga kua d’a.

Mise 7:18

Ma didina, nalo ma lara ba, mi hle tam d’igi ang na ge? Ni ang tu ba, nga vat hurung ngei yam tchilad’a, yam tchod’a á we hohowa suma a ar suma ang tazi djonina. Ang nga ngom ayîna kurung baba d’i, kayam tang ngi lang djivid’a ni yam we hohoud’a.

Sofoni 3:17

Ma didina Alo magina mi nga ki sed’egiya, Mam mi grang ma sud’ugina, mba mi mbud’ugi vama furî ma ngolâ yam o mam mba kagid’a, mba mi mbud’ugi awilid’a, mba mi le hur ma hapma ngola kagi mi.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Matiye 17:5

Kid’a nga mi de zla ndata tua d’a, d’ugula ti b’o ti kulubuziya, dela ti ndeï kur d’ugula, ti dala: Wana ni Goron ma an hurun vum heîna, ni ma tan ndi lan djivid’a heî kama; agi humugiziya.

Matiye 3:17

Dela ti tcholï akulo, ti dala: Wana ni Goron ma an hurun vum heîna, ni ma tan ndi lan djivid’a heî kama.

Wana ni Zla d’a Djivi d’a Luc mi b’irita 1:33

Mam mba mi te leud’a yam Israel-lâ gak didin, leu mamba mba d’i dap pi.

Jean 1:29

Tcha ndjivinda Jean mi we Jesus nga mi djï gevemu, mi dala: Agi gologi Gor timina hAlona ma nga mi hle tchod’a hi suma duniyad’a kama.

Jean 12:24

Gagazi, an nga ni dagiya, le ir awuna nde kä, le mi mit tuo ni, mba mi arî ki tumba. Le mi mid’a ni, mba mi le irâ ablaud’a.

Jean 13:32

Le subura hAlonid’a ti nde woi kanu ni, Alona mba mi nde subura hi an Gor Sanid’a woi kam mam tamba, mba mi le atogo zak mi.

Romê-na 6:9

Kayam ei wei ala Christ mi tchol akulo aduk suma matna, mi dok mi mit tuo d’a, matna nga kad’enga kam mbuo d’a.

Romê-na 8:32

Mam ma mi d’el nga Goroma bei hed’a d’i, wani mi hum mbei á matna kei pet, ni nana ba, mi mba mi hei ahlena pet zlapa ki Goroma d’uo ge?

Romê-na 8:8

Suma a nga tit yam minda hi sa mazi ma adjeunid’ina, Alona tam nga d’i lum djivid’a kazi d’i.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Galat-na 3:13

Ata yima Christ mi mbut sama Alona mi gum vuna keina, mam pad’ei woi ad’u vun ma ge ma gata ti geizina. Kayam mbaktumba hAlonid’a ti dala: Sama a gabam akulo ata agunina, ni sama Alona mi gum vunina.

Efes-sâ 1:5

Ni yam o mamba ba, mi nga hurum avok dei á mbud’i groma zlapa tu ki Jesus Christ. Ni kur min mamba á lum tam djivid’a.

Efes-sâ 1:9

Kayam ndata, mi tagei zla d’a mudurid’a hi min mam mba mi ngat kurum avok dei á ndagat memet yam Christ-sa.

Efes-sâ 5:2

Ar agi tid’igi kur od’a d’igi Christ mi le kei na mi. Mi he tam mbei kei d’igi vama he ma ngat buzu ma his ma afufuî ma lAlona tam djivid’ina na.

2 Tasaloni’â 1:11

Kayam ndata, ami nga tchenemi Alo meina kagi teteu, kayam mi ndjunugi kad’eng mamba á tit ndak ata yi d’a mi yagi ki d’a á lum tam djivid’a, á le sun nda djivid’a yam he gagazi magid’a kad’eng mamba mi.

Hebre-na 2:13

Mi de kua ala: An mba ni tin hurun yam Alona. Mi de kua ala: Gola! An nga zlapa ki gron suma Alona mi handjina.

Hebre-na 7:27

Wani Jesus mi le nga d’igi suma nglona hi suma ngat buzuna suma dingâ na d’i. Azi ni suma a nga ngat buzuna burâ ki burâ yam tcho mazid’a avogo, bugol yam mba hi sumid’a mi. Wani ata yima mi he tam mbei vama ngat buzuna yam tchod’a hi sumina, mi le hina ni yam tu.

Hebre-na 9:14

buzuna hi Christ ma he tam mAlona bei ndala yam minda hi Muzuk ma gak didinina, mi ndak á mbuzi djib’er ra kurid’a hi sun nda hawa yaka woi á le sunda mAlo ma arina kal luo zu?

1 Pierre 2:24

Christ tamba mi zi tcho meid’a kam akulo ata agu ma b’ala, kayam ei boi woi ata tchod’a á kagei karid’a á le d’ingêra. Ni yam to d’a a tomba ba, agi fagi ki suta.

Vama ndum mbeina 1:18

An ma arina, an ma mit adjeuna, wani ki tchetchemba an nga karid’a gak didin. An nga kad’enga yam matna, an nga kad’enga yam yima zuleina mi.