Isai 53:1 - Bible azumeina

¹ Ni nge ba, mi he gagazid’a yam zla d’a ami tchat walata ge? Ni nge ba, Ma didina mi tagam ad’eng mamba ge?

Isai 53:1 Kruisverwysings

Isai 40:5

Subura hi Ma didinid’a mba d’i nde woyo, suma pet a mba wad’u, kayam Ma didina mi de zlad’a ki vunam da’.

Isai 51:9

Ma didina, ang zlit akulo atogo zak kad’eng manga, ang zlit akulo d’igi ang zlit adjeu kur atchogoi d’a kal lei dedeid’a na. Ni ang ba, tchi ambur ma Ezipte-na, ang tchok ambur ma a yum ala Dragon ma kur alum ma ngolîna mbilâ mi d’uo zu?

Isai 52:10

Ma didina mi tak abom ma bei tchod’ina woi ir andjaf suma pet. Suma avun dabid’a handagad’ina pet a mba we suta hAlo meinid’a.

Isai 59:16

Ma didina mi we nga sa d’i, mi le atchap kayam sama mi mba á ndjundina nga d’i. Kayam ndata, abom mi ndjunumu, mi mbut vama mam deng tam kama.

Isai 62:8

Ma didina mi gun tam kabom ma ndjufâ ki bigam mba sib’ika ala: An mba ni ar mak suma djangûna a mba tawu ma’â d’uo d’a, an mba ni ar andjaf suma dingâ grozina a mba tche süm guguzlu d’a ndak zumuta d’uo mi.

Matiye 11:25

Ata yi máma, Jesus mi hulong dala: Abun ma Sala akulod’a kandagad’ina, an lang mersi, kayam ang ngei ahle suma wana woi ir suma ned’a ki suma wed’a, wani ang tagazi woi mi gugureina.

Matiye 16:17

Jesus mi hulong dum ala: Ang Simon Jonas goroma, ang le furîd’a, kayam ni sana ba, mi tagang gagazi ndata d’i, wani nAbun ma sä akulona.

Wana ni Zla d’a Djivi d’a Luc mi b’irita 18:31

Jesus mi yo suma dogo yam mbàna gevemu, mi dazi ala: Gola! Ei nga djak i Jerusalem, ahlena pet suma suma djok vun Alona a b’irizi yam an Gor Sanina a mba landjiya.

Jean 1:12

Wani suma hiu suma a vat atazi a he gagazid’a katna, sum ndazina ti hazi ad’enga á mbut Alona groma.

Jean 1:7

Mi mba á le glangâsâ yam b’o ndata, kayam suma pet a he gagazid’a kad’u.

Jean 12:38

Ni kayam zla d’a ma djok vun Alona Isai mi dat ala: Salad’a, ni nge ba, mi he gagazid’a yam zla d’a ami tchat walata ge? Ni nge ba, Ma didina mi tagam ad’eng mamba ge d’a ndak memet.

1 Korente-na 1:18

Kayam wal la tchid’a yam matna hi Christ ma ata agu ma b’alina ni vama lilid’a ir suma a nga ba woina, wani ir ei suma fei sutina, ndat nad’enga hAlonid’a.

1 Korente-na 1:24

Wani ir suma Alona mi yazi aduk Juif-fâ kandjaf suma dingîna, Christ máma nad’enga ki ned’a hAlonid’a.