Isai 5:7 - Bible azumeina

⁷ Guguzlud’a hi Ma didin ma ad’engêm kal petnid’a ni Israel-lâ. Guguzlu d’a djivi d’a mam pat ta tam lum djivid’a heî kata ni suma Juda-na. Mi tin hurum ala azi mba le ni sun nda d’ingêra; gol wani, azi nga tchi ni suma! Mi halî d’ingêra; gol wani, mi humî tchi ma hohoud’a zang!

Isai 5:7 Kruisverwysings

Ad’u Tinda 4:10

Alona mi hulong dum ala: Ni kayam me ba, ang le hina ge? An hum buzu wiyengâ nga mi tchi d’igi del sana na, ei kä andaga dei, ti fan sä, kayam an sam atchugulumu.

2 Samuel 7:10

An b’rau yina mi man suma Israel-lâ, an hazi yima kaka, kayam azi giget ti, an ar suma tchona a hulong djobozi nga vunazi d’igi a djobozi vunazi adjeu na d’uo d’a.

Wana ni mbaktumba hi Job-pa 34:28

A le suma kid’aka gagak tchi mazina mi i fAlona, mam tam pî mi hum tchina hi suma hohoud’ina mi.

Sawal la giled’a 147:11

Ma didina tam nga d’i lum djivid’a ni yam suma a nga lum mandarama, ni yam suma a tin huruzi yam o mam mba didindina mi.

Sawal la giled’a 149:4

kayam Ma didina tam nga d’i lum djivid’a yam sum mama, nga mi sut suma lulumana á suburuziya.

Sawal la giled’a 80:15

Alo ma ad’engêng kal petna, ang mbud’ï irangû, ang golï akulo, ang we, ang mbeï we hohowa guguzlu ndata.

Buzuk ka Abud’a 3:7

Mi dum kua ala: An we djop vuna hi man suma avo Ezipte-na, an hum tchi mazi ma abo suma a nga djobozi vunazina, kayam an we ta mazi d’a ted’a.

Zla d’a d’ogolâ 21:13

Sama mi tos humam mbei á hum tchina hi sama houd’ina, fata mam tam mi tchid’a, sa nga mi hulongôm humba d’uo mi.

Ma tchi wala 4:1

An we djop vun ma suma a nga djobom mi suma yam andagad’a ka hina kua. Gola! Suma a nga djobozi vunazina a nga tchiya, sama mba mi d’igilizi irazina mi nga d’i. Suma a nga djobozi vunazi burâ ki burîna a nga kad’enga kaziya, wani sama mi mba á d’igilizi irazina mi nga d’i.

Sawal la kal teglesa 7:6

Ya’î tinda akulo d’igi ahina d’a Karmel-la na. Tumus sa kaka ni d’igi baru d’a hleud’a na, amulâ mi hak sä tam akulo ata ngangam ma ndak b’alam kuana.

Isai 1:21

Ang azì ma amul ma d’engzengâ, ni nana ba, ang mbut d’igi atcha d’a gaulangâ na ge? Angî ma a nga ka sariya d’a d’ingêra kurung adjeuna, angî ma a nga le sun nda irata kurung adjeuna mi. Wani ki tchetchemba, suma tchi matna a nga kaka kurungî aziya.

Isai 1:6

Tin ad’ud’a kä ata asema dei gak i akulo ata yamba, vama djivi nga d’i, ni mbilâ vam tu ki zlita ki mbil ma ngadja’eî ma bei sana mi mbuzum mbei d’oze mi vom mbulâ iram mboze mi djinim ba na.

Isai 27:2

Kur bur máma agi mba hlagi sawala yam guguzlu d’a süm matna ayîna heîd’a.

Isai 3:14

Nga mi ka sariyad’a yam mam suma nglona, yam suma avok sumina, nga mi dala: Agi b’lagagi guguzlud’a woyo, ahle suma agi hurumuzi abo suma houd’ina a nga avo hatagi mi.

Isai 3:15

Salad’a Ma didin ma ad’engêm kal petna mi dala: Ni kayam me ba, agi mired’egi sum mana kä, agi ndjirebegi suma hohoud’a kä woi na ge?

Isai 3:17

Kayam ndata, Ma didina mba mi yozi yazi woyo, mba mi arazi gandilad’a mi.

Isai 30:12

Kayam ndata, Ma tin tam irat vat yam Israel-lîna mi dala: Kayamba agi noyôgi zla manda, agi tinigi hurugi yam asa’ata ki zla d’a ka d’a ata yat tuo d’a, agi mbud’uzi nahle suma agi dengêgi tagi atazina,

Isai 46:12

Agi suma hurugi b’ala suma walagi woi dei ki d’ingêrina, agi humugiya.

Isai 5:2

Mi dilabam kä, mi pat ahuniyôna woyo, mi pe guguzlu d’a djivi d’a kal teglesa kua, mi vazangâ akulo fiyaka adugu, mi djugot zul la miret guguzlud’a kua mi. Bugola, mi tin hurum ala mba d’i vud’um guguzlu d’a djivid’a, wani ti vud’umî vut ta tchod’a zang.

Isai 59:13

Ami lami tchod’a avorongû, ami mbud’ung irangû, ami walami woi dei ki ang Alo mamina, ami dami ni zla d’a asa’ata, ami ni suma so vuna, ami dami ni zla d’a kad’a, ami ni suma guruyômi kä kurumi krovona.

Isai 59:14

Sariya d’a gagazid’a ti nga d’i, d’ingêra ti nga d’uo mi, kayam gagazid’a ti nga aduk suma d’i, d’ingêra ti nga d’uo mi.

Isai 59:4

Agi nga kalagi yam tagi ata lovod’ot ti, agi nga dagi zlad’a ki gagazid’a d’i, agi tinigi hurugi ni yam ahle suma hawa ya’â, agi dagi ni zla d’a kad’a, agi nga vagi wir ra tchod’a, agi vud’ugi ni murud’umba.

Isai 62:5

D’igi gor azongâ mi ve gor weid’a na, hina mi, gro’â a mba mbut ni d’igi ndjuvuk na, d’igi gor weid’a a teleta ti ni furîd’a hi ndjuvut ma mi teletna na, hina mi, ndak mba d’i mbut ni furîd’a hAlo ma’îd’a mi.

Jeremi 12:10

Suma pola ablaud’a a b’lagan asine man ma guguzlud’a, a mired’em kä kaseziya, a mbud’un asine man ma an hurun vun heîna hur ful ma va nga kua d’uo na.

Jeremi 24:2

Tulum ma kur gagalaga d’a tud’ina ni tulum ma djivina d’igi tulum ma mi ne avo’â na. Ma kur gagalaga d’a mbàd’ina ni tulum ma tcho ma mi ndak nga á ted’a d’uo na.

Jeremi 50:46

Andagad’a ti giget abo siwel la a siwelet á hle Babilon-nda, wulula ti ndezi woi aduk andjaf suma mi.

Ezekiyel 22:29

Suma kur ambasina a nga djop vun suma, a nga kula, a nga b’at ahlena abo ma hohoud’a ki ma houd’a, a nga kid’eî ir angeina, a kak djangûna ki zla d’a d’ingêra mi.

Wana ni mbaktumba hi Oze-d’a 10:1

Adjeu Israel-lâ a ni guguzlu d’a djivid’a vut heîd’a. Le d’i vut ngola kala ni, a min yima ngal ahle suma ngat buzuna ablaud’a kal mi. Le ambas mazid’a ti mbut ambas sa djif fa heî d’a kala ni, azi tin ahle suma ge humba teteng kal mi.

Mise 6:12

Suma ndjondjoî suma kur azì mámina huruzi mi ni oîd’a ki murud’umba, suma a nga kaka kuruma a ni suma ka zlad’a, sinazi ti de ni zla d’a mbut ira.

Mise 6:8

Nga na d’i! Ang sana, a tagang wa vama djivina, vama Ma didina mi halam atangâ ba wana: Ang tit ni yam d’ingêra, ang le yam djivid’a, ang ge yang kä avok Alo mangâ luluma.

Habakuk 1:3

Ni kayam me ba, ang aran an nga ni gol tchod’a, ang nga gol djop vuna ki irang na ge? Hurumba ki huwaka a nga avoronu, ayîna ki yalâ a tchol akulo mi.

Sofoni 3:17

Ma didina Alo magina mi nga ki sed’egiya, Mam mi grang ma sud’ugina, mba mi mbud’ugi vama furî ma ngolâ yam o mam mba kagid’a, mba mi mbud’ugi awilid’a, mba mi le hur ma hapma ngola kagi mi.

Matiye 23:23

Ni zla d’a hohoud’a kagi agi suma hat gata ki Fariziyê suma lop ira, kayam agi nga hagi dim d’utna, nala, mêta ki aneta ki kumina. Agi aragi ahle suma kal tegles kur gatina woi ta, nala, d’ingêra ki we hohowa suma ki d’engzenga. Djivid’a agi lagi ahle ndazina bei ar suma hiuna woi mi.

Wana ni Zla d’a Djivi d’a Luc mi b’irita 18:7

Wani Alona mba mi ka sariyad’a hi suma mi manazi suma a nga tchi kam andjege ki faleina d’uo zu? Mba mi le lilinga á ndjunuziya?

Jean 15:2

Abo ma lara pî ma nga atana, le nga mi vut tuo ni, mam mba mi kam mbeyo. Abo ma nga mi vutna, mam nga mi tchawam abom mbeyo, kayam mi hulong mi vut vut ta kala.

Gat ta a hat á mbàd’id’a 15:9

Agi gologi tagi djiviya, ar agi djib’eregi djib’er ra tchod’a kurugi ba, agi dagi ala: Biza d’a kid’iziya d’a hulong ahlena akulod’a ar go, agi gologi wiyegi ma houd’a is á wum hohowom á hum va d’uo d’a d’i. Mam mba mi tchi avok Ma didina kagiya, tcho ndata mba d’i arî kagiya.

Jacques 5:4

Gola! Agi wuragagi nga beged’a hi suma a le sunda kur asinegina d’i. Wurak mazi d’a kagid’a ki tchina hi suma a nga fet awu maginina, mi kal gak mi nde sä hum Ma didin ma ad’engêm kal petna.