Isai 5:5 - Bible azumeina

⁵ Ki tchetchemba an tak vama an mba ni lum ki guguzlu mandina woyo: An mba ni hô kangâ ma katna woyo, an mba ni ar ahlena a tad’u, an mba ni to gulumun ma katna kä woi á bong suma lovota á mired’et kä kaseziya.

Isai 5:5 Kruisverwysings

Ad’u Tinda 11:4

A de tazi kua ala: Ei i mini azì ma ngolâ ki gong nga ngol la fiyak ka yat do hur alonid’a, ar simiyeî mi yiya, kayam ei b’rawei woi yam andagad’a d’i.

Ad’u Tinda 11:7

Ar ei tchugi asei kä, ei walazi vunazi woi teteng, ar sa mi hum vun ndram mbi.

Nehemi 2:3

An hulong de mamulâ ala: Amulâ, ar va mi lang ngi! An hineî tan nduo ni nana ge? An hum ala azì ma ngol ma asud’a hi simiyênda nga kuana mi b’lak wa woyo, vunam mi ngal lei mi.

Sawal la giled’a 89:40

Ang b’lak vun ma djin ma ang djinim kazong mangîna woyo, ang gum avaval mamba kä woi andaga.

Sawal la giled’a 89:41

Ang tcho ir kangâ mama teteng, ang b’lak gulumun mam ma ad’eng ma ngunguna woyo.

Zla d’a d’ogolâ 24:31

Kekerezeuna mi oî kua ndinding, asuna mi hlum mbei pet, kangâ ma ahina ma a gumzi kama mi dris kä woi mi.

Ma tchi wala 3:3

yima tchi matna mi nga, yima tchil sana mi nga mi; yima a to azina kä woina mi nga, yima min azinina mi nga mi;

Isai 10:6

An sunuzi ata andjaf ma le sun nda ndjendjed’ina, an hazi lovota á kak djangûna ki suma a nga zalan huruna á hurumuzi ahligiyeziya, á yozi ahligiyezi kad’enga, á mired’ezi kä d’igi suma a miret lubuna kä kasezi na mi.

Isai 25:10

Kayam Ma didina abom nga tinda yam ahina ndata, a mba miret suma Mowap-ma kä ata yazi d’igi sana mi miret asuna kä kur zul la a kat á tchuk siligitna kuad’a na.

Isai 28:18

Vun magi ma djin ma agi djinim ki matnina, mba mi but teyo, bana d’a agi vat ki yima azuleinid’a, mba d’i but tei mi. Fata tugud’ei d’a tcho d’a tchi matna ti ndja abot tei ti kala, mba d’i mired’egi kä kased’u.

Isai 28:3

Mba mi miret avaval la subur tad’a hi suma Efraim suma a gurut ki sümina kä kasemu.

Isai 32:10

Ar bizad’a tu ki burâ tcha, agi arop suma nga kaka halasâ, agi mba zlagagiya, kayam sa mba mi dut vud’a guguzlu d’oze awu d’uo d’a.

Jeremi 18:11

Ki tchetchemba, ang i de mi suma Juda-na ki suma a nga kaka avo Jerusalem-ma ala: Gola! Ma didina mi dala: An nga hurun á lagi tchod’a, an min nga zlad’a kurun á lagi ndaka. Ar nge nge pî adigagi mi ar tit mam mba tchod’a woyo, ar agi djogogi tit magid’a ki sun magi d’a led’a.

Jeremi 21:4

Ma didina Alona hi Israel-lîna mi dala: Gola! An nga ni mbut ahle suma dur ayî suma a nga abogi suma agi durugi kamul ma Babilon-na ki suma Babilon suma a nga nguid’a abuna ahle suma hawa ya’â, an mba ni tok ahle suma ayî ndazina kur azì ma ngol ma wana krovo.

Jeremi 28:8

Suma djok vun suma a mba avoreina a djok vuna yam ambasa ablaud’a, yam leu d’a nglod’a ala: Ayî ma durâ, baktarad’a ki tugud’ei d’a tcho d’a tchi matna a nga mba.

Jeremi 45:4

Jeremi, ang dum ala: Ma didina mi dala: Gola! An mba ni b’lak vama an minima woyo, an mba ni pat vama an puma woi mi. Nala, an mba ni b’lak ambas sa wanda woi ki zla tat pet.

Hor ma tchina 1:15

Salad’a mi noî suma gangrang suma dur ayî suma a nga ki sed’ena woyo, mi yi tok ka ngola hi azigarîd’a kan á b’lak azungeî mana woyo. Salad’a mi mired’en an gor wei d’a Juda-d’a kä kasem d’igi a miret vud’a guguzlud’a ata yat ma mireta na.

Hor ma tchina 2:6

Mi hô kangâ mama woi kad’enga d’igi kangâ ma a gum yam asinenina na, mi b’lak yi mam ma toka woyo. Ma didina mi zut suma kur Siyon-na á mar yam tok ka vun tilâ ki bur ma sabatna. Kur hur mam ma zala, mi hamulâ ki ma ngat buzuna abo suma á lazi ndaka.

Hor ma tchina 4:12

Amulei suma yam andagad’ina ki suma a nga kaka yam andagad’ina pet, a he nga gagazid’a ala ma djangûna d’oze ma huneîd’a mba mi kal avun agre’â hi Jerusalem-ma d’i.

Daniel 8:13

An hum malaikana tu mi de zlad’a. Malaika ma dingâ mi djobom ala: Vama nde tam mbei yam vama ngat buzu ma burâ ki burîna, yam tchod’a hi ma b’lak yina, yam miret ta a mba miret gong nga kud’ora hAlonid’a ki azigar suma akulona kä d’a, a mba mba ni mindja ge?

Wana ni mbaktumba hi Oze-d’a 2:12

Ki tchetchemba, an nga ni fogot baruna woi atat ir buniyôtna, sama mba mi sud’ut abona nga d’i.

Wana ni mbaktumba hi Oze-d’a 2:14

An mba ni kizagat guguzlu mata ki tulumei mat suma ndat nga d’i dala: Wana ni wurak ka buniyôna a handji á ted’a d’a woyo. An mba ni ndjoyôzi woi aduk agud’a, azurei suma abageina a mba taziya.

Wana ni Zla d’a Djivi d’a Luc mi b’irita 21:24

A mba tchi suma dingâ ki mbigeu d’a fiyaka, a mba yo suma dingâ magomba aduk andjaf suma pet. Andjaf suma dingâ a mba miret Jerusalem kä kasezi gak atchogoi mazid’a ndaga.

Vama ndum mbeina 11:2

Wani ang ar yima huyok gong nga kud’ora hAlonid’a bei ngad’a, kayam a humî mi suma bei wAlona. Azi mba miret azì ma ngolâ hAlonina kä kasezi gak tilâ dok fid’i yam mbà.