Isai 49:7 - Bible azumeina

⁷ Ma didin ma wurak yam suma ma tin tam irat vat yam Israel-lîna, mi de mi sama suma a golom isâ, mi sama andjaf suma a golomî vama ndjendjed’ina, mi magoma hi suma te yambina ala: Amuleina a mba wangû, a mba tchol akulo avorong mi. Suma nglona a mba grif kä avorong yam an Ma didin ma d’engzeng ma an tin tan irat vat yam Israel ma ni manangâ.

Isai 49:7 Kruisverwysings

Ad’u Tinda 27:29

Ar andjaf suma a mbut ni magumei mangâ, suma yam andagad’ina a grif kä avorong mi. Ang ka’î ma ngolâ hi b’oziyongîna. Ar asung grotna a grif kä avorongû. Sama mi gang vunina, Alona mba mi gum vuna mi; sama mi b’e vunam kangâ, Alona mba mi b’e vunam kam mi.

Sawal la giled’a 47:9

Ni mam ba, nga mi te yam andjaf suma, mi nga kaka yam zlam mam mba amul la a tinit irat vata.

Sawal la giled’a 68:31

Ang ngop ambur ma aduk tchereunina, nala, Ezipte, ang ngop ades amuzlei suma andjofâ ki grozina, nala, andjaf suma dingâ, ang hulongôzi yazi kä gak a mba á hang bege d’a hapa he d’a hawad’a, ang ndjoî andjaf suma a min dur ayînina woyo.

Sawal la giled’a 69:19

Ang hud’ï geven go á ndjununu, ang prud’un ndei abo man suma djangûna mi.

Isai 14:1

Ma didina mba mi we hohowa andjafâ hi Jakob-ma, mba mi man suma hi Israel-lâ kua, mba mi hulong tinizi kur andaga mazid’a. Andjaf ma dingâ mba mi zlap ki sed’eziya, mba mi zlap ki suma hi Jakob-ma.

Isai 19:21

Ata yi máma Ma didina mba mi we Ezipte-na, Ezipte-na a mba we Ma didina, a mba kud’urom kahle suma ngat buzuna ki he d’a hawad’a, a mba hle vunazi mi Ma didina, a mba ndak vun vun mazi ma hled’a mi.

Isai 19:23

Kur bur máma suma Ezipte-na a mba ge lovota avo Asiri, suma Asiri-na a mba i avo Ezipte. Suma Ezipte-na a mba i avo Asiri mi, suma Ezipte-na ki suma Asiri-na djak a mba kud’or Ma didina.

Isai 27:13

Kur bur máma a mba bu adif fa ngola. Ata yi máma suma a vit tei yam ambas sa Asiri-d’a ki suma a ndjoî woi yam ambas sa Ezipte-d’ina pet a mba mba, a mba grif kä avok Ma didina yam ahina d’a a tinit irat vat ta avo Jerusalem-mba.

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Isai 48:17

Ma didin ma wurak kagi ma tin tam irat vat kagi Israel-lîna mi dala: An Ma didina Alo magina, an nga ni had’agi yam djivi magid’a, an nga ni tinigi kur lovot ta agi nga tid’igi kuad’a.

Isai 48:7

Nga nahle suma adjeuna d’i. Ki tchetchemba, a nga le. Ni suma agi humuzi zlazi adjeu deina ba, agi mba dagi ala agi wazi dä d’i.

Isai 49:1

Agi suma nga kaka yam tilina, agi humundiya. Agi suma sä deina, agi tinigi humagi humugi mi. Ma didina mi yanï ni kur asun dei, mi de zlad’a ki simiyên ni kid’a an nde woi kur asunda dei mi.

Isai 49:23

Amuleina a mba mbut nabuyok suma a wulu’â, amulei suma aropma a mba mbut nasuyok suma a wulu’â, a mba grif kä avorok ki irazi andaga, a mba trâk gugum ma huyok ase’â woyo. Ndak mba d’i wala an ni Ma didina. Suma a tin huruzi kana a mba mbut zulona d’i.

Isai 49:26

Suma a nga djobok vuna’â, an mba ni hazi hliwizi tamba á mutna, a mba gurut ki buzuwazi d’igi sana mi gurut ki süm guguzlu d’a ayîna na. Suma pet a mba wala an ni Ma didin ma sud’uk ma ad’engêm kal petna hi Jakob ma mi wurak ka’â.

Isai 50:6

An tin huyogon mi suma a tona, an tin agozlon mi suma a ndjud’un duduman ndeina, an ngei nga iran abo ngula d’oze abo ayô ma a tuvondji irana d’uo mi.

Isai 52:15

Andjaf suma ablaud’a a mba le atchap kamu, amuleina a mba duk vunazi yam zla mamba, kayam azi mba wäd’u vama a dazizi nga zlam yam tu d’uo na, a mba hum vama azi humum nga yazi tu d’uo na mi.

Isai 53:3

Ni ma a golom is a noyôm mbeina mi. Ni sama kur pupulukina, ni ma hat kur ndakina mi. Mi hle tamî d’igi sama suma a hle yazi woi kam á golom mbuo na na. A golom is, ei golomî va d’uo mi.

Isai 60:10

Ma didina mi dala: Andjaf suma dingâ grozina a mba hulong á minik gulumun ma’â akulo, amulei mazina a mba lak sunda, kayam kur hur man ma zala an togu, wani yam djivi manda an nga ni wak hohowogu.

Isai 60:16

Andjaf suma kamulei mazina a mba wulugu. Ata yi máma ndak mba d’i wala an Ma didina ni ma sud’u’â, an ni ma sib’ika hi Jakob-ma, an ni ma wurak ka’â mi.

Isai 60:3

Andjaf suma a mba mba kur b’o maka, amuleina a mba mba kur wile mak ka nga d’i wile kaka mi.

Isai 66:23

Ma didina mi dala: Kur deîd’a hi til ma lara ge pet, kur bur ma sabat ma lara ge pet, andjaf suma pet a mba kud’uronu.

Zakari 11:8

An dik suma pol suma hindina woi kur til ma tuna, an ve nga tan kazi d’i. Azi tazi a golon an ni vama ndjendjed’a mi.

Matiye 20:28

Hina mi, an Gor Sana ni mba nala suma a lan sunda d’i, wani an tanda ni mba ná le sunda mi suma, ná he tan á matna á wurak yam suma ablaud’a mi.

Matiye 26:67

Kayam ndata, a tuvom ayôna iramu, a tomu. Suma dingâ a tom kaboziya,

Wana ni Zla d’a Djivi d’a Luc mi b’irita 22:27

Ni nge ba, ni ma ngolâ ge? Ni ma nga kaka kä avun tenina, d’oze ni ma nga mi he tenina zu? Wani an nga adigagi ni d’igi ma le sunda na.

Wana ni Zla d’a Djivi d’a Luc mi b’irita 23:18

Wani azi pet de ki delezi akulo ala: Ang tchi sa máma, ang gami Barabas akulo.

Wana ni Zla d’a Djivi d’a Luc mi b’irita 23:23

Wani azi de ki delezi akulo ala: B’alam akulo ata aguna. Siwel mazid’a kal kamu.

Wana ni Zla d’a Djivi d’a Luc mi b’irita 23:35

Suma a nga tchola á golomu, wani suma te yamba a nga lazamu, a nga dala: Mi sut suma dingâ; le mi ni Mesi ma Alona mi manama ni, ar mi sut tamu!

Jean 18:40

Ata yi máma, azi hulong de ki delezi akulo kua ala: Hawa! Ang gami ni mam mbi, wani ang gami ni Barabas akulo. Barabas máma ni ma kul ma tchi matna.

Jean 19:15

Kayam ndata, azi de ki delezi akulo ala: Tchum mbeyo, tchum mbeyo, b’alam akulo ata aguna. Pilat mi djobozi ala: An b’alagi amul magina akulo zu? Nglo suma ngat buzuna a hulong dum ala: Ami nga kamul ma ding ngi, ni Sesar tu.

Jean 19:6

Kid’a nglo suma ngat buzuna ki suma a ngom yina a wumba, a de ki delezi akulo ala: B’alam akulo ata aguna, b’alam akulo ata aguna. Pilat mi dazi ala: Agi tagi vagiziya, agi b’alagizi akulo, kayam an fe nga zla kam mbi.

1 Korente-na 1:9

Alona ni Ma d’engzeng ma yam vun mam ma hled’ina, ni ma yagi á kagagi zlapa tu ki Goroma Jesus Christ Saleinina.

Gat ta a hat á mbàd’id’a 7:9

Agi wagi ala Ma didina Alo magina nAlona, nAlo ma d’engzeng ma nga mi ngom vun mam ma djinda ki djivi mamba yam suma a nga le kam suma a nga ngom vun mam ma hed’a gak kur atchogoi d’a dubud’ina.

1 Pierre 2:4

Ar agi hud’ugi gen Salad’a, ahina d’a ari d’a suma min gonga a gat teid’a, wani ni d’a guzut kal tegles sa Alona mi manata.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Vama ndum mbeina 3:7

Ang b’ir mbaktumba mi malaika ma nga yam Tok ka Filadelfi-d’ina. Wana nahle suma Ma bei tchod’a ma gagazi ma nga ki lakled’a hamulâ David-ta aboma, le ni mala, sama ndak á duka nga d’i, le ni duga, sama ndak á mala nga d’uo mi na mi dazina: