Isai 48:5 - Bible azumeina

⁵ Ni kayam ndata ba, an dagi wa woi yam ahle suma a mba le ndazina. An dagi woi kazi avok bei azi le tala agi mba dagi ala: Ni filei mana ba, mi laziya, d’oze ni filei ma an tched’ema d’oze ni filei ma an yoroma ba, mi hazi vuna d’a d’uo mi.

Isai 48:5 Kruisverwysings

Isai 43:19

Gola! An nga ni le vama awilina. Ki tchetchemba, mi nga mi mba. Agi mba wum mbuo zu? An nga ni ge lovota hur fulâ, an nga ni gäluma yam andaga d’a so d’a gangrasa mi.

Isai 44:7

Ni nge ba, d’igi an na ge? Ar mi de, ar mi van ad’ud’a, dedeid’a an tchuk sumid’a: ar mi de woi yam ahle ndazina, yam ahle suma a nga mbana mi.

Isai 44:8

Ar agi lagi mandar ri, ar agi zlagagi d’uo mi. An dagi yam ahle ndazina avok kuo zu? An dagizi woi avok mi d’uo zu? Agi ni glangâs mana. Alo ma ding nga woi keng vam zu? Ahina d’a ngom ta d’a ding nga d’i, an wat nga d’uo mi.

Isai 45:20

Ma didina mi de kua ala: Agi andjaf suma a prud’ugi woina, agi mbeyegïya, agi hud’ugïya, agi togogïya. Suma a nga zï agu mazi ma a tched’em fileina d’oze suma a nga tchen alo ma ndak á sut sa d’uo na ni suma yazi nga kazi d’uo na.

Isai 46:10

An nga ni de woi kad’u tinda dei yam vama nga mi mbana, an nga ni de woi avok dei yam vama nga bei mbad’a tua na mi. Nga hur mana mba mi le djivid’a, an mba ni ndak vun ahle suma an nga hurun kazina pet mi.

Isai 48:3

An dagi adjeu dei yam ahle suma kalâ, an hlagi vunanu, an dagi woi kazi mi. Atogo hina zak an laziya, azi le mi.

Wana ni Zla d’a Djivi d’a Luc mi b’irita 1:70

d’igi mi davok dei avun mam suma djok vun suma mi tinizi irazi vazi kur atchogoi d’a kal leid’ina na.

Sunda hi suma a sunuzinid’a 15:18

Gola! An Ma didin ma tak ahle ndazina woi kur atchogoi d’a kalina, ni de na.