Isai 48:3 - Bible azumeina

³ An dagi adjeu dei yam ahle suma kalâ, an hlagi vunanu, an dagi woi kazi mi. Atogo hina zak an laziya, azi le mi.

Isai 48:3 Kruisverwysings

Isai 29:5

Mang suma djangû suma mimiyâ’â a mba mbut ni d’igi gugum ma fefelâ na, suma mimiyâk suma a nga te yam sum ndazina kad’engina, a mba mbut ni d’igi bra d’a simetna mi felet teid’a na, ahle ndazina a mba le natogo hina zak bei sa mi we ba.

Isai 30:13

tcho ndata mba d’i ari kagi d’igi gong nga ti wak zizirik ti hal á dris kä woid’a hina, d’igi gulumun ma fiya’â mi wak mi zirik kä atogo zak na mi.

Isai 37:29

Ang nga gurut ki sed’enu. An hum ngul la ang nga ngulunda. Kayam ndata, an mba ni tchong atchinangû, an mba ni tchugung djamad’a avunang mi, an mba ni tanang hulongông avo hatang kur lovot ta ang hlad’ïd’a.

Isai 37:7

An mba ni hum djib’er ra dinga. Ata yi máma mam mba mi hum zla d’a dinga, mba mi hulong yam andaga mamba. An mba ni tchum sä hî ki mbigeu d’a fiyaka.

Isai 41:22

Ar agi dagi zlad’a, ar agi vami ad’ud’a woi yam vama mba mi mbana. Wal la avok ka agi tchata ni wal la me ge? Agi dagi woi kat kayambala ami kagami ki ned’a, ami wami ad’u vun zla mat ta ti ndagata mi d’a. Le d’uo ni, agi dami zlad’a yam vama avina. Hina wani, ami mba wami ala agi nalo ma gagazina!

Isai 41:27

Ni an ba, mba ni de zlad’a avok mi Siyon, ni sunï ma mba ki zla d’a djivid’a avo Jerusalem mi.

Isai 42:9

Gola! Ahle suma avo’â a ndak wa, an nga ni dagi yam suma dingâ kua. Avok ka azi bei led’a, an nga ni dagizi zlazi woyo.

Isai 43:9

Ar andjaf suma pet a toga, ar suma a tok taziya. Ni nge adigazi ba, mi de woi yam ahle ndazina ge? Ni nge ba, mi de woi yam ahle suma a kalâ ge? Ar azi mbeï ki glangâs mazina, a de woi ala: Azi ni suma d’ingêrâ! Ar suma a huma a dala: Ni zla d’a gagazid’a!

Isai 45:21

Agi tchagi wala agi dagi woi yam ahle ndazina. Ar suma a tok tazi a de tazi d’alâ. Ni nge ba, mi de woi yam ahle ndazina kad’u tinda mi de woi kazi avok dedei ge? Nga ni an Ma didina d’uo zu? Alo ma ding nga woi kengên ndi. An tu nAlo ma d’ingêr ma sut suma. Alo ma ding nga d’i.

Josue 21:45

Ahle suma djivi suma Ma didina mi hle vunam kazi mi Israel-lîna pet, mi ndagazi vunaziya; ma ar kä bei mi ndagam vunama nga d’uo mi.