Isai 48:1 - Bible azumeina

¹ Agi suma hi Jakob suma nga yagi tagi ki simiyê Israel-lîna, agi suma buzugugi ad’u andjafâ hi Juda-nina, agi suma nga gunugi tagi ki simiyê Ma didinina, agi suma nga tchenegi Alona hi Israel-lâ bei gagazid’a bei d’ingêra ba na, agi humugiya.

Isai 48:1 Kruisverwysings

Ad’u Tinda 32:28

Sa máma mi hulong dum ala: A dok yang ala Jakob puo d’a, wani a mba yang ala Israel. Kayam ang ndjiget kAlona ki sumuna, ang kuza.

Ad’u Tinda 35:10

mi dum ala: Simiyêng ala Jakob; a dok yang ala Jakob puo d’a, wani a mba yang ala Israel. Ni hina ba, Alona mi yum ala Israel.

2 Amuleina 17:34

Gak ini a nga tit ni yam zla mazi d’a adjeud’a, wani a nga le mandara Ma didina d’i. Azi nga tit yam vun mazi ma hed’a ki gat mazi d’a adjeud’a memet ti, a nga tit yam gata ki vun ma he ma Ma didina mi hum mandjafâ hi Jakob ma mam yum ala Israel-lâ na d’uo mi.

2 Amuleina 5:20

Gehazi azongâ hi Elise-na mi de tam ala: Salana mi ve nga vama Näman ma Siri-na mi humzina d’i. Wani gagazi, avok Ma didin ma bei matna, an i ad’umu, an i ni ve va abom nde.

Sawal la giled’a 63:11

A mba tchazi ki mbigeu d’a fiyaka, a mba mbut ni vama ved’a hi ngûnina.

Sawal la giled’a 66:3

Agi dagi mAlona ala: Sun manga ni sun nda ndandala. Yam ad’eng manga, mang suma djangûna a hulong yazi kä avorongû.

Sawal la giled’a 68:26

Suma hle sawala a nga i avogo, suma bu adingâ a nga bugolo, gro yugunei suma a bu tchigiyeud’ina a nga adigaziya.

Sawal la giled’a 68:27

Agi suma ad’u andjafâ hi Israel-lîna, agi gilegi Alona kur toka, agi gilegi Salad’a.

Buzuk ka Abud’a 23:13

Agi ngomogi ahle suma an dagizina pet. Ar agi yagi simiyê alo ma ding ngi, ar a humum simiyêm avunagi d’uo mi.

Zla d’a d’ogolâ 5:16

Ar mbiyo matna mi djang ngei ir palumba, mi b’rau woi ata yima suma a tok kuana d’i.

Isai 26:13

Ma didina Alo mamina, suliyo d’a dinga a te kamiya, wani ni yam suma manga ba, ami nga yang simiyêng wana.

Isai 44:5

Ma dingâ mba mi dala: An ni ma hi Ma didinina, ma hina mba mi yi tam ki simiyê Jakob, ma hina mba mi b’ir simiyê Ma didina huyok abomu, ma hina mba mi yi tam ki simiyê Israel-lâ mi.

Isai 45:23

An nga ni gun tan ki an tanda. Zla d’a ndavunda ni zla d’a irata. An mba djok vunan ndi. Suma pet a mba tchuk guguvazi kä avoronu, suma pet a mba gun tazi ki simiyên mi.

Isai 46:12

Agi suma hurugi b’ala suma walagi woi dei ki d’ingêrina, agi humugiya.

Isai 51:1

Ma didina mi dala: Agi suma nga tid’igi bugol d’ingêrina, agi humundiya! Agi suma nga halan an Ma didinina, agi mbud’ugi iragi gologi ahina d’a a buzugugi kuad’a, ki zul ahina d’a a buzugugi kuad’a.

Isai 51:2

Agi gologi abugi ngolo Abraham azi ki Sara d’a vud’ugid’a. Ata yima mam mi vam tuna, an yumu, an b’e vunan kamu, an zulum andjavam mi.

Isai 58:2

Burâ pet azi nga halanu, a min á we lovot manda d’igi andjaf suma a nga tit yam d’ingêra suma a nga wal lei ki gat ta Alo mazina mi tinizizid’a d’uo na na, a nga halan ala an tinizi gat ta d’ingêra, azi min ala an hud’ï geveziya.

Isai 62:8

Ma didina mi gun tam kabom ma ndjufâ ki bigam mba sib’ika ala: An mba ni ar mak suma djangûna a mba tawu ma’â d’uo d’a, an mba ni ar andjaf suma dingâ grozina a mba tche süm guguzlu d’a ndak zumuta d’uo mi.

Isai 64:6

Sama mi yang simiyêng ma mi tchol akulo á reî ki sed’engâ nga d’i. Ang ngei tang ngei iramiya, ang arami ami pugumi kä kur tcho mamid’a yam tchila mamid’a.

Isai 65:16

Sama mi min ala mi b’e vuna kam ki simiyê ambasa na, mba mi b’e vuna kamî ki simiyên an Alo ma gagazina. Sama mi min gun tam ki simiyê ambasina mba mi gun tamî ki simiyên an Alo ma d’engzengâ, kayam ndak ka kal leid’a a mba mar rei kad’u, a mba ngeyet tei iran mi.

Jeremi 4:2

Le agi gunugi tagi ki gagazid’a ki d’ingêra ki d’engzenga ala: Ma didina ni ma bei matna ni, ata yi máma andjaf suma dingâ a mba dan ala an b’e vunan kaziya, a mba subur tazi kan mi.

Jeremi 44:26

Kayam ndata, agi suma Juda suma nga kaka yam ambas sa Ezipte-d’ina, agi humugi zlad’a hi Ma didinid’a. Ma didina mi dala: An nga ni gun tan ki simiyên ma ngolâ, sama Juda-na mba mi yan simiyên ki vunam kur ambas sa Ezipte-d’a ala: An gun tan ki simiyê Salad’a Ma didin ma bei matnina na d’uo d’a.

Jeremi 5:2

Jeremi mi dala: Le a nga dala: Ami gunumi tami ki simiyê Ma didin ma bei matna ba na pî, ni gun ta d’a ir gurzulid’a hawa na.

Sunda hi suma hi Levi-nid’a 19:12

Agi gunugi tagi ir gurzula ki simiyên ndala agi lazan simiyên an Alo mangîna d’uo d’a, kayam an ni Ma didina.

Mise 2:7

Agi suma hi Jakob-ma, wana ni zla d’a agi data zu? Ma didina hurum mi zal atogo zu? Mi ndak á le hina zu? Na ni zla manda ni djivid’a ir sama mi tit yam d’ingêrina d’uo zu?

Sofoni 1:5

An mba ni dap suma a djak akulo yam azuweina á kud’or tchitchiud’ina, ki suma a kud’uron suma a gun tazi ki simiyên suma a i gun tazi kalo ma a yum ala Milkom-mina woyo.

Zakari 5:3

Mi dan kua ala: Mbaktum ndata ni vun ma ge ma mba mi ndja abom mbei yam andagad’a petna. A b’ir kurut ala a mba dik suma kula woi kur ambasa, a mba dik suma a gun tazi ir gurzulina woi mi.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Ndumba 24:7

Zlub’u magid’a ti ni d’igi mbiyo ma mi nga kur yam mi sulul lei ma oî ad’u ahle suma a pazinina na. Amulâ hi Israel-lâ mba mi kus yam Agak, leu mamba mba d’i tavok kad’enga.

Matiye 23:13

Jesus mi de kua ala: Ni zla d’a hohoud’a kagi agi suma hat gata ki Fariziyê suma lop ira. Agi suma nga dugugi vun leu d’a akulod’a woi avok sumina, agi tagid’a nga kalagi kua d’i, wani agi nga ar suma a min kal kuana á kal kua d’uo mi. [

Jean 1:47

Kid’a Jesus mi we Natanayel nga mi djï gevemba, mi de kam ala: Agi gologi ma Israel ma gagazi ma bei mbut ira kurum ba na.

Jean 4:24

Alona ni muzu’â. Sumala a kud’uromu na, mbeî a kud’uromî kur muzu’â ki gagazid’a mi.

Romê-na 2:17

Wani ang nga yi tang ala angî ma Juif-fâ, ang nga tin hurung yam gata, ang nga subur tang yam Alo mangâ mi.

Romê-na 9:6

Wani an nga ni de nala vun ma djinda hAlonina mbut ni vama hawana d’i, kayam andjafâ hi Israel-lîna mi nga nandjaf Israel ma gagazina pet ti.

Romê-na 9:8

Nala, gro suma a vud’uzi kur hliunina nAlona groma d’i, wani ni gro suma a vud’uzi yam vun ma hle mámina ba, a ndumuzi ala nandjafâ hi Abraham ma gagazina.

Gat ta a hat á mbàd’id’a 10:20

Agi lagi mandara Ma didina Alo magina, agi lum sunda, agi reyêgi tagi ki sed’emu, agi gunugi tagi ni ki simiyêm mi.

Gat ta a hat á mbàd’id’a 33:28

Israel-lâ a kak ki halasa, andjafâ hi Jakob-ma mi nga ni kaka woi vam yam ambas sa nga d’i wul awuna ki guguzlud’a heîd’a, akulod’a nga d’i ge mbad’ïd’a kazi mi.

Gat ta a hat á mbàd’id’a 5:28

Ma didina mi hum zla d’a agi dandjid’a, mi dan ala: An ni hum zla d’a sum ndazina a dangzid’a. Zla d’a azi data pet ti lan tan djivid’a.

Gat ta a hat á mbàd’id’a 6:13

Agi lagi mandara Ma didina Alo magina, agi lum sunda ni mam tu go, agi gunugi tagi ni ki simiyêm hol mi.

1 Timote 4:2

A mba vit tazi woi yam hata hi suma lop ira ki suma ka zlad’a. Azi ni suma djib’er mazi d’a krovod’a ti mit tei d’igi a niragat ni ki kawei ma a gum kakud’ina na na.

Vama ndum mbeina 2:9

An wang ndak manga ki hou manga, wani angî sama ndjondjoîna. An we zla d’a tcho d’a suma a yi tazi ala azi ni Juif-fâ na a nga dat kanga, wani azi ni Juif-fâ d’i, azi ni toka hi Seitan-nda.

Vama ndum mbeina 3:9

Wana ni vama an mba ni le ki suma toka hi Seitan suma ka zla suma a nga yi tazi ala azi ni Juif-fâ na ba, azi nga ni Juif-fâ d’uo na. An mba ni lazi kad’enga, azi mba grif kä avorong á hungû. Azi mba wala an le wa kangû.