Isai 47:8 - Bible azumeina

⁸ Ndak ka djifâ heîd’a, ndak ka nga kaka halasa, ndak ka nga de kuruk ala: Sama d’igi an na na nga d’uo an mba ni ar modonod’a d’uo grona a mba dap pei d’uo mi d’a, ndak huma!

Isai 47:8 Kruisverwysings

Isai 14:14

An mba ni djak akulo yam d’ugula yat ta dabid’a, an mba ni mbut d’igi Ma sä akulo ma kal teglesâ na.

Isai 32:11

Agi arop suma nga kaka en na, agi lagi mandarâ! Agi arop suma nga kaka halasâ, agi zlagagiya! Agi fogogi baruna woi atagiya, aragi gandilad’a, agi djinigi d’i’â furugi mi.

Isai 32:9

Agi arop suma nga kaka hawa en na, agi tchologi akulo humundiya! Agi gro arop suma nga kaka halasâ, agi tinigi humagi humagi zla manda!

Isai 45:18

Ma didina Alo ma tu gid’engâ ni ma lakulod’a, ni ma landagad’a, mi minit mi sirat tala ti kak hawa d’uo, suma a kak kurud’u na, mi dala: An ni Ma didina, alo ma ding nga woi keng vam mbi, ni an tu.

Isai 45:5

An ni Ma didina, ma ding nga d’i. Alo ma ding nga woi keng vam mbi, ni an tu. An djining ad’enga atang d’igi sana mi djin d’i’â furum na avok bei ang wan ba,

Isai 45:6

kayambala tinï ad’ud’a abo ma yorogona dei gak nde sä woi abo ma fladegena tala suma a wala Alo ma ding nga woi keng vam mbuo d’a. An ni Ma didina, ma ding nga d’i.

Isai 47:10

Ndak tin huruk yam asa’at maka, ndak dala: Sa nga mi wan ndi. Ne maka ki we mak ka heîd’a a b’lagak yagu, ndak nga d’i de kuruk ala: Sama d’igi an na na nga d’i.

Jeremi 49:31

Ma didina mi dala: Agi tchologi akulo, agi igi ata andjaf ma nga kaka tchugotna, ata suma a nga kaka halasâ. Azi nga ki bapma d’oze kawei ma murgulina atam mbi, a ni kaka woi vazi hina tchilang.

Jeremi 50:11

Agi suma hurumugi sum manina, djiviya, agi kagagi ki furîd’a, agi ayâgiya, agi dubaragi d’igi amuhl hla wei d’a afefeta na, agi togi breîd’a d’igi akulumei suma sib’ika na.

Jeremi 51:53

Ladjï Babilon ti djak gak ti i akulo, ladjï ti min azì mat ma ad’eng ma ngunguna gak nga mi giget tuo pî, suma b’lak yina a mba durut yam vun man ma hed’a. An Ma didina ni de na.

Ezekiyel 16:49

Wana ni tcho d’a wiyeka Sodom ti lata: Ti le yam mba ad’enga, ti kak kur duzîd’a, ti kak bei djib’era ba. Azi ki grot suma aropma a ndjun nga suma hohoud’a ki suma houd’a d’i.

Ezekiyel 28:2

Ang gor sana, ang de mamul ma Tir-râ ala: Salad’a Ma didina mi dala: Ang hle yang akulo, ang dala: An nAlona! An nga ni kak yam zlamba hAlonid’a kä kur alum ma ngolâ. Ang mbut tang d’igi Alona na! Wani angî sana, ang nga nAlona d’i!

Ezekiyel 30:9

Kur bur máma an mba ni sun suma sunda avoron ki batod’a á mbut suma Etiyopi-na mandarâ kur kak mazi d’a tchugota. Ndaka mba d’i mba kazi ngola kur bur ma an mba ni ka sariyad’a yam suma Ezipte-nina. Gola! Ahle ndazina a nga mba.

Daniel 11:36

Amulâ mba mi le vama hurum minima, mba mi hle yam akulo, mba mi djib’er ala mam kal alo ma dingâ pet. Mba mi de zla d’a ndak á ded’a d’uo d’a yam Alo ma yam alona petna, mba mi i avogovok kur sun mamba, gak Alona mba mi tak ayî mama woyo. Ata yi máma Alona mba mi ndak vun vama mam nga hurum kama.

Daniel 4:22

Amulâ, agu máma ni angû! Ang mbut ngola, ang mbut ad’enga mi. Ngol manga ti i akulo gak ti do hur alona, yam mang nga ted’a ti i gak avun dabid’a handagad’id’a mi.

Daniel 4:27

Ni kayam ndata ba, amulâ, ar ang ve d’al ma an nga ni dangzina, ang ar tcho manga ki tchila manga woyo, ar ang le sun nda d’ingêra, ang we hohowa suma hohoud’a. Hina wani, dam kak mang nga djivid’a mba d’i i avogovok kla!

Daniel 4:30

mi de ki delem akulo ala: Wana ni Babilon nda ngol la an minit yima kaka hamulîna ki sib’ika had’eng manda yam ngol manda ki subur mandid’a d’uo zu?

Daniel 4:4

Adjeu d’a an Nebukanezar ni nga kaka tchugot an nga ni le furîd’a kur aziyan ma amulid’a,

Daniel 5:23

Wani ang hle yang akulo avok Alo ma sä akulona, ang yo kop ma a tinim iram vam ma kur gong mam mba kud’orina, ang ki mang suma nglona, amiyôngâ kamiyông suma gureina, agi tchagi ki süm guguzlud’a. Bugola, ang gile alo ma a lumî ki kawei ma hapma, ki lora, ki ma kawei ma hleuna, ki ma kawei ma wurana, kaguna kahinad’a suma a nga we d’i, a nga hum mbi, a nga wad’ud’a d’uo mi na. Ang subur nga Alo ma muzuk manga ki sun mang nga led’a pet nga aboma d’i.

Daniel 5:30

Kur andjege ndata, a tchi Baltazar amul ma Babilon-na woyo.

Nahum 1:10

Azi le nga hitiud’a ata tazi d’igi aweid’a na, le a nga gurut ni d’igi suma a gurut ki süma hina pî, a mba ngal lei d’igi asu ma sod’a na papana.

Nahum 3:4

Ahle ndazina a mba ni kayam gaulang ma ablau ma Ninif atcha d’a gaulang nga djif heî ndata ti luma. Ti we mboli ma led’a ki kuma matna, ti gus andjaf suma woi ki gaulang matna, ti gus andjaf suma woi ki mboli matna mi.

Habakuk 1:7

Azi ni suma tcho suma kal lei papa suma suma a nga lazi mandarazina, kur subur ta mazid’a gat mazid’a tcholî ata azi tazid’a.

Sofoni 2:15

Wana nazì ma ngol ma suma kuruma a nga subur tazi a nga kaka ki halasa a nga de kuruzi ala: Nazì meina wan tu go! Ma ding ma d’igi mam na na nga d’uo na. Suma a mba de kam ala: Ni nana ba, mi mbut djona ge? Mi mbut wa yima kaka hahle suma abageina. Suma a nga kal kuana pet a mba le atchap, a mba tchabozi kukup mi.

2 Tasaloni’â 2:4

Ni ma mba kak djangûna kahlena pet suma a nga yazi ala Alona na d’oze ahle suma a nga kud’urozina, mba mi hle yam akulo gak mi i kak kur gong nga kud’ora hAlonid’a ala mam tamba nAlona.

Suma ka sariyad’a 18:27

Suma hi Dan-na a yo ahle suma Mika mi lazina, a ve ma ngat buzu ma nga mi lum sundina mi, a nde yam suma Layis suma a nga kaka tchugot ki halasina, a tchazi ki mbigeu d’a fiyaka, a ngal azì ma ngolâ woi mi.

Suma ka sariyad’a 18:7

Suma vahl ndazina a iya, a mbaza Layis, a fe sumazina a nga kaka ki halasa tchugot d’igi suma Sidon-na na, ki halasa bei djib’era ba. Sa mi nga gevezi á lazi ndak koze á te kazi d’uo mi. Azi ni kaka woi dei ki suma Sidon-na, azi ve nga bana ki suma ding nguo mi.