Isai 47:6 - Bible azumeina

⁶ Gola! An hurun zal adjeu ata sum mana, an mbut man suma an tazi djonina zulona, an haksi hur abogu. Ndak wazi nga hohowozi d’i, ndak ge djuk mak ma ane’â kel momorogeina.

Isai 47:6 Kruisverwysings

2 Samuel 24:14

David mi de mi Gat ala: An nga kur ndak ka ngola! An min ndabo Ma didina, kayam we hohou mamba ti ngola heî. Ar an ndabo suma d’i.

2 Sunda Hamuleinid’a 10:11

Abun mi tinigi sun nda aneka kagi d’igi magumeina na, wani an mba ni tinigi sun nda aneka kagi kala! Abun mi togi ni ki blafâ, wani an mba ni togi ni ki blaf ma sinam mbàna!

2 Sunda Hamuleinid’a 28:9

Ma djok vuna hi Ma didinina mi nga avo Samari, a yum ala Odet. Mi nde mi d’ugol azigar suma a nga mbei avo Samari-na, mi dazi ala: Gola! Ma didina Alona habuyogi ngolona, hurum zal yam suma Juda-na, mi hagizi abogiya, wani agi tchagizi ki hur ma zala gak mi i akulo hur alona.

2 Sunda Hamuleinid’a 36:17

Kayam ndata, Ma didina mi sunï amul ma Babilon-na ataziya. Mi tchi azungeî mazina ki mbigeu d’a fiyaka kur gong mazi d’a kud’ora. Alona mi ar nga gor azong ngoze gor wei d’oze mamar roze ma yam abus si, mi hazi woi abo amul ma Babilon-na pet.

2 Sunda Hamuleinid’a 36:20

Nebukanezar mi yo suma a sut tei avun ayînina, mi i ki sed’ezi Babilon, mi mbud’uzi magumei mama ki magumeina hi gromina mi gak a mba kur atchogoi d’a amul ma Perse-na mi mba á te leud’id’a.

Esdras 5:12

Wani bugol la abuyomi ngolo a zal Alo ma akulona hurumba, mi hazi abo Nebukanezar amul ma Babilon ma Kalde-na. Ni mam ba, mi to gong ndata kä woi mi yozi mi izi Babilon.

Sawal la giled’a 69:26

Ar yi mazi ma kaka mi mbut djona, ar sa mi kak kur aziyazi d’uo mi.

Isai 10:6

An sunuzi ata andjaf ma le sun nda ndjendjed’ina, an hazi lovota á kak djangûna ki suma a nga zalan huruna á hurumuzi ahligiyeziya, á yozi ahligiyezi kad’enga, á mired’ezi kä d’igi suma a miret lubuna kä kasezi na mi.

Isai 13:16

A mba tchazi grozi suma tchapona kä woi iraziya, a mba hurum ahle mazina, a mba tchuguzi kur bud’omeina, a mba bur kamiyôzina kad’enga mi.

Isai 14:17

ma mbut andagad’a fulâ ma pleî azì mat ma nglona woi ma nga mi tchuk mam suma dangeina akulo d’uo na d’uo zu?

Isai 14:6

Kur ayî mama mi to suma to d’a bei ara ba d’a, mi te yam andjaf suma kur ayî mama, mi nga mi i avogovok bei sa mi d’elem ba mi.

Isai 43:28

Kayam ndata, an mbut suma nglo suma ata Yima a tinim iram vama vama ndjendjed’a, an ni mbut suma hi Jakob-ma ni vama a gum vunina, an mbut Israel-lâ vama ngula mi.

Jeremi 50:42

A nga piget yeû mazid’a kasubiyo mazina. Azi ni suma murud’um suma bei we hohowa suma suma delezi nga d’i ngir kä d’igi alum ma ngolâ vunam mi tchi wü na na. A nga akulo yam akulumei mazina, a ndjar á dur ayîna d’igi sama tuna na á duruk ndak Babilon.

Hor ma tchina 1:14

Mi djinin tcho manda kelen d’igi dju’â na, ti mol yam tat gak ti mba kelen mbeî, mi daban ad’engên ndeyo. Salad’a mi han abo suma an ndak á tchol avorozi d’uo na.

Hor ma tchina 1:21

A hum zam ta manda, wani sama b’lengên huruna nga d’i. Man suma djangûna pet a hum zla hohou manda, a le furîd’a yam vama ang luma. Ar ang hulongî ki bur ma ang dum zlam adjeuna, ar azi mbut d’igi an na mi.

Hor ma tchina 2:2

Salad’a mi b’lak yima kaka hi suma hi Jakob-ma woi bei mi wum hohowom ba. Kur ayî mama mi to azì ma nglo ma ad’eng ma ngunguna hi Juda-na woyo, mi tom kä woi andaga, mi mbut leud’a zulona ki mat suma nglona pet mi.

Hor ma tchina 4:16

Ma didina tamba mi ndjoyôzi woi vivreng, mi min wazi d’uo d’a. Sa nga mi he ngola mi suma ngat buzuna d’oze sa nga mi we hohowa momorogeina d’uo mi.

Hor ma tchina 5:12

A yo suma nglona, a tchuguzi ziyona kelezi a gabazi akulo, aduk suma momorogeina, ma a hum ngolina tu pî nga d’i.

Ezekiyel 24:21

Ang de mi Israel-lâ ala: Salad’a Ma didina mi dala: An mba ni mbut yi man ma an tinim iram vam mala nad’eng nga agi nga suburugi tagi kat ta hurugi vat heî d’a tagi lagi djivid’a kat heîd’a ndjendjed’a. Grogi suma andjofâ ki grogi suma arop suma agi arazi woi avo Jerusalem-ma, a mba tchazi ki mbigeu d’a fiyaka.

Ezekiyel 28:16

Yam abo mang ma mbut ma kal teglesâ, ang mbut sama asa’atna, ang le tchod’a. An nga ni zud’ung kä woi yam ahina manda. Ang tcherebê ma ngom yina, an nga ni vid’ing ngei aduk ahina d’a akud’a.

Abdiyas 1:10

Kayam murud’um mba agi lat mi b’oziyogi suma hi Jakob-mid’a, zulona mba mi lagiya, a mba dabagi woi ki iragi fafat.

Abdiyas 1:16

Agi Israel-lâ, agi tchagiya wa kur kop man ma ayîna yam ahina man nda a tinit irat vata. Andjaf suma dingâ a mba tchumî hina baba, azi mba tchum gak a gurut kiya. Bugola, azi mba dap pei ki irazi fafat.

Zakari 1:12

Ata yi máma malaika máma mi dala: Ma didin ma ad’engêng kal petna, ni mindja ba, ang mba we hohowa suma Jerusalem-ma ki suma kur azì ma nglo ma Juda suma ang hurung zal kazi gak bizad’a dok kid’iziyana ge?

Zakari 1:15

Wani hurun mi zal ngola yam andjaf suma a nga subur tazina, kayam an hurun mi zalî hina nde ganang yam Israel-lâ, wani azi lazi tchod’a ngola.

Matiye 7:2

Alona mba mi kagi sariyad’a kagi ni d’igi agi nga kat yam suma dingâ na mi. Mi mba mi ngagi ni ki nga d’a agi nga ngagi ki mi suma dingîd’a mi.

Gat ta a hat á mbàd’id’a 28:50

Ni suma irazi ti d’us hina gugurup suma a nga ge yazi kä avok momorogeina d’uo suma a nga we hohowa gogor ruo mi na.

Jacques 2:13

Sama we nga hohowa ndrama d’uo na, fata Alona mi kam sariyad’a kamba, mba mi wum hohowom mbuo mi. Wani we hohoud’a ti kus yam sariya d’a kad’a.