Isai 47:4 - Bible azumeina

⁴ Ma wurak keina a yum ala Ma didin ma ad’engêm kal pet ma tin tam irat vat yam Israel-lîna.

Isai 47:4 Kruisverwysings

Sawal la giled’a 19:14

Ang ngomon an azong mangâ tala an le tchod’a ki iran á ngangata d’uo d’a, arat ti te kan ndi. Hina wani, an mbut ni sama d’ingêr ma bei ni le tcho d’a ngola ba na.

Isai 41:14

Agi Israel suma hi Jakob-ma, agi suma suma a gologi d’igi ndjuvul ma gorâ na na, agi suma suma a mired’egi kä d’igi ndjuvulâ na na, agi lagi mandar ri! An tan nga ni mba á ndjunugiya! An Ma didin ma tin tan irat vat kagi Israel-lîna, ni dala: An nga ni hle zla magid’a hur abonu.

Isai 43:14

Ma didin ma tin tam irat vat yam Israel-lâ ma wurak kagina mi dala: Ni kayam agi ba, an sunï sana á dur ki Babilon. An mba ni tchuk suma pet suma a nga ringâ kä woi kur alumba, an mba ni tchuk suma Kalde suma a nga le furîd’a kur alum mazid’ina kä woi mi.

Isai 43:15

An ni Ma didina magi ma bei tchod’a ba ma le Israel-lîna, an namul magina.

Isai 43:3

Kayam an Ma didina nAlo magina. An Ma tin tan irat vat kagi Israel-lîna ni magi ma suta. An he Ezipte á wurak kagiya, an he Etiyopi ki Seba á vrak blangâgi mi.

Isai 44:6

Ma didina amulâ hi Israel-lâ ma mi wurak kazi ma ad’engêm kal petna, mi dala: An tu ni Ma avo’â, an ni Ma danana. Alo ma ding nga woi keng vam mbi.

Isai 49:26

Suma a nga djobok vuna’â, an mba ni hazi hliwizi tamba á mutna, a mba gurut ki buzuwazi d’igi sana mi gurut ki süm guguzlu d’a ayîna na. Suma pet a mba wala an ni Ma didin ma sud’uk ma ad’engêm kal petna hi Jakob ma mi wurak ka’â.

Isai 51:15

An ni Ma didina Alo mang ma nga ni hlalum ma ngolâ akulo ma nga ni labil mamina. Simiyên ala Ma didin ma ad’engên kal petna.

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

Jeremi 31:11

Kayam Ma didina mi tchuk Israel-lâ akulo, mi prud’uzi woi abo mazi suma djangû suma kalazi kad’engina.

Amos 4:13

Gola! Mam mi ma lahuniyôna ki simetnina, ni ma nga mi tak djib’er mamba mi sanina, ni ma nga mi mbut yorogod’a nduvundina, ni ma nga mi tit akulo yam fiyaka handagad’ina, simiyêm ala Ma didina Alo ma ad’engêm kal petna.