Isai 47:2 - Bible azumeina

² Ndak hle gor ahinana, ndak lut afuta. Ndak yo baru d’a zlupa kaka woyo, ndak yo vun baru maka akulo, ar vun guguvak keyo, ndak djak aluma.

Isai 47:2 Kruisverwysings

Ad’u Tinda 24:65

ti de mazong máma ala: Sama ndeï kel á d’ugolei ei wana, ni nge ge? Mi dat ala: Ni salana. Ti yo barud’a, ti zlubut kad’u.

1 Sunda Hamuleinid’a 19:4

Ata yi máma Hanun mi yo azungeîna hi David-na, mi welezi dudumazi woi abo tutu, mi ngad’azi baru mazina woi ad’uzi djudjum mi. Bugola, mi yagazi akulo.

Wana ni mbaktumba hi Job-pa 31:10

ar amanda ti lut afuta mi sama dingâ, ar suma dingâ a bur ki sed’et mi.

Buzuk ka Abud’a 11:5

Gro suma Ezipte suma a vut avo’â pet a mba bo, tinï ad’ud’a ni yam ang Faron ma nga kaka yam zlam mba amulina gorong ma ngolâ gak mba yam magom mba lut ahlena kahinad’id’a gorot ma vut avo’â ki d’uwar ma vut avo’â pet mi.

Ma tchi wala 12:4

Ata yi máma afata ki b’od’a ki tilâ ki tchitchiud’a a mbut nduvunda, d’ugula mba d’i mbeï bugol alo ma sed’a bei ara ba.

Isai 20:4

Hina mi, amul ma Asiri-na mba mi yo suma Ezipte-na magomba, mba mi yo suma Etiyopi-na azungeîna ki momorogeina magomba. Azi djak a mba tit bei atuguruna aseziya, bei baruna ataziya, huyogozi woi hawa mi. Ni zulo ma ngolâ yam Ezipte-na.

Isai 3:17

Kayam ndata, Ma didina mba mi yozi yazi woyo, mba mi arazi gandilad’a mi.

Isai 3:23

kotroma, baru d’a irat ndjâd’a, kadamula ki baru d’a tchuk kela.

Isai 32:11

Agi arop suma nga kaka en na, agi lagi mandarâ! Agi arop suma nga kaka halasâ, agi zlagagiya! Agi fogogi baruna woi atagiya, aragi gandilad’a, agi djinigi d’i’â furugi mi.

Jeremi 13:22

Le ndak mba d’i de kuruk ala: Ni kayam me ba, ahle ndazina a mba kan hina ge ni, djivid’a ndak wala ni kayam tcho mak ka ablaud’a ba, a yok vun baru maka akulo, a lak ki murud’umba wana.

Jeremi 13:26

An mba ni yok baru mak ka ad’uka gak ni iksi kak akulo, suma a mba wak gandila maka.

Jeremi 25:10

An mba ni tchi sawal la aîd’a, sawal la furîd’a, sawala hi gor azong ma tel atchad’a awilina, sawala hi gor wei d’a a telet awilid’a, tchina hahina d’a lutna ki b’od’a hi lalamba woi pet adigaziya.

Jeremi 27:7

Andjaf suma pet a mba lum sunda, a mba le sunda mi goroma, a mba le sunda mi gorom ngolona gak atchogoi d’a ambas mamba mba d’i le sunda mandjaf ma ablauna, mamulei suma nglona mi d’a.

Hor ma tchina 5:13

Azungeîna a nga zi ahina d’a lutna, gugureina a nga puk kä abo aneka hagunid’a.

Wana ni mbaktumba hi Oze-d’a 2:3

Agi dagi mi b’oziyogi suma andjofâ ala: Ammi (nala, Ni sum mana!) Agi dagi mi b’oziyogi suma aropma ala: Ruhama (nala, We hohoud’a!)

Mise 1:11

Agi suma Safir-râ, agi igi magomba ki gandilad’a ki zulona, suma Sänan-na a nga so tazi á buzuk kei abu d’i. Tchi ma hohou ma nga avo Bet-Esel-lâ, mba mi aragi lovota á ngei tagi kua d’i!

Matiye 24:41

Le aropma mbà a nga lud’a ni, a mba hle tu, a mba ar tu mi.

Wana ni Zla d’a Djivi d’a Luc mi b’irita 17:35

Le aropma mbà a nga lut ata yima tuna ni, a mba hle tu, a mba ar tu mi. [

1 Korente-na 11:5

Wani atcha d’a lara d’a nga d’i tchen Alona d’oze nga d’i djok vun Alona kur Tokid’a, le ti zlup nga va kat tuo ni, ti mbut ni ndjuvut zulona. Ndat ni d’igi atcha d’a wel yat teid’a na.

Suma ka sariyad’a 16:21

Suma Filistê-na a vumu, a tchom iram mbeyo, a i ki sed’em Gaza, a djinim ki kawei ma hleuna, a tinim á lut awuna kur dangeina.