Isai 44:3 - Bible azumeina

³ Kayam an mba ni vo mbina yam andaga d’a sod’a, an mba ni ge toliyonda yam andaga d’a sod’a, an mba ni vo Muzuk mana yam grogina, an mba ni b’e vunan yam andjavagi mi.

Isai 44:3 Kruisverwysings

Wana ni mbaktumba hi Job-pa 5:25

Ang mba we sum mangâ a mba zul avogovogo, andjavang mba mi d’ufî d’igi asu ma yam andagad’ina na.

Sawal la giled’a 107:35

Mi mbut fulâ apo d’a ngola, mi mbut andaga d’a gangrasa golong nga laud’a mi.

Sawal la giled’a 63:1

Ni sawal la gile d’a David mi hlat kid’a mi ring ngei tam abo Saul hur ful ma Juda-nid’a.

Zla d’a d’ogolâ 1:23

Agi hulongôgï á hum ngop manda. Gola! An mba ni vogi muzuk mana kagiya, an mba ni tagagi zla manda mi.

Isai 27:3

Ni an Ma didina ba, ni ngomod’u, an nga ni vot mbina ad’ut burâ ki burâ, an nga ni ngomot andjege ki falei kayambala va mi lat tuo d’a.

Isai 32:15

Wani bur tu Ma didina mba mi voï Muzuk mama kei kä. Hur fulâ mba mi mbut nandaga d’a a pagu ma vuta kuad’a, mba mi mbut nagu d’a ndindika mi.

Isai 32:2

Nge nge pî adigazi mba mi mbut ni d’igi anguzu ma mi d’el simetnina na, d’oze yima ngei ma mi d’el babar ma ngolîna na, d’oze d’igi mbiyo ma mi djang yam andaga d’a so d’a gangrasina na, d’oze d’igi anguzu ahina d’a ngol la yam andaga d’a sod’id’a na mi.

Isai 41:17

Suma hohoud’a ki suma houd’a a nga hal mbina, a nga fum mbi. Sinazi ti so abo vun ma sod’a. An Ma didina mba ni humuziya, an Alona hi Israel-lîna mba ni arazi woi d’i.

Isai 48:19

Grogi suma kurugina a mba zulî d’igi lesâ na, grogi ngolona a mba zulî d’igi les ma avun alum ma ngolîna na mi. An mba ni hazazi simiyêzi woi d’i, d’oze an mba ni tchazi simiyêzi woi avoron nduo mi.

Isai 48:21

Vunazi mba mi so yam andaga d’a so d’a gangras sa mba mi tinizi kuad’a d’i, mba mi djangâzi mbina ata ahinad’a, mba mi wak ahinad’a, mbina mba mi djang ngei mi.

Isai 49:10

Meid’a mba d’i tchazi d’i, vunazi mba mi so d’i. Yima aku ma huwa’â kafata a mba lazi ndaka d’i, kayam an ma wazi hohowozina mba ni ndjunuziya, mba ni tinizi ata mbiyo ma laud’a mi.

Isai 55:1

Ma didina mi dala: Êhê, agi suma vunagi sona, agi pet mbeyegi ata mbina. Le sa nga ki va abom mbuo pî, agi mbeyegiya, agi guzugiya, agi tagiya. Agi mbeyegi ata süm guguzlud’a kambira bei beged’a bei gusa ba.

Isai 59:21

Ma didina mi dala: Wana ni vun ma djin ma an djinim ki sed’egina: Muzuk mana mba mi kak kagiya, an mba ni tinigi zla manda avunagiya. Mba d’i wal lei ki sed’egi d’oze grogina d’oze grogi ngolona d’uo mi, arî hina gak didin. An Ma didina ni de na.

Isai 61:9

A mba wazi andjavazi aduk suma, a mba wazi grozi ngolona aduk suma mi. Suma pet suma a mba wazina a mba wala azi nandjaf ma Ma didina mi b’e vunam kama.

Isai 65:23

Azi mba le sun nda hawa yaka d’i, a mba vut grona bei mandarâ. Kayam azi nandjaf ma an Ma didina ni b’e vunan kama, grozina a mba kak zlapa ki sed’ezi mi.

Ezekiyel 34:26

An mba ni mbud’uzi azi tazid’a ki yima ngui yi man ma nding ma an tinim iram vama ni yima b’e vuna, an mba ni salona ata yamu, mba mi mbut nalo ma b’e vuna.

Ezekiyel 36:27

An mba ni hagi Muzuk mana kurugiya, an mba ni mbud’ugi suma tid’igi yam gat manda suma ngomogi vun man ma hed’ina mi.

Ezekiyel 39:29

An mba ni mbud’uzi huyogon nduo d’a, kayam an mba ni vo Muzuk mana yam Israel-lâ. An Salad’a Ma didina ni de na.

Ezekiyel 47:8

Mi dan kua ala: Mbiyo máma mba mi djang iram abo ma yorogona, mi djak mi i kur hor ra Jurdê-d’a gak mi mba kur apo d’a Matna. Ata yima mi kal kur apod’ina, mbiyo mat ma ndjuvuna mba mi mbut adjib’eta.

Wana ni mbaktumba hi Oze-d’a 10:12

Agi zaragi d’engzenga, agi mba dud’ugi djivid’a, agi zumugi asine ma awilina mi. Yina mba wa tala agi hulongôgï gen an Ma didina gak an vogi suta kagi d’igi mbina na d’a.

Joel 2:27

Agi mba wagi ala an nga aduk Israel-lâ, an ni Ma didina Alo magina. Ma ding nga d’i. Agi sum mana, agi mba mbud’ugi zulona d’uo d’a.

Joel 2:28

Ma didina mi dala: Bugol ahle ndazina, an mba ni vo Muzuk mana yam suma pet. Grogi suma andjofâ ki grogi suma aropma a mba djok vuna, momorogei magina adïd’a mba d’i daziya, azungeî magina ahlena a mba nde tazi woi irazi mi.

Joel 3:1

Ma didina mi dala: Gola! Kur bur máma an mba ni hulong suma Juda-na ki suma avo Jerusalem-ma ata blangâzi ma adjeuna.

Joel 3:18

Kur bur máma süm guguzlud’a mba mi djangî kä yam ahuniyôna, ambira mba d’i djangî kä akulo yam yima ndingâ, toliyon nda Juda-d’a pet mba d’i lau mbina, mbina mba mi lawï kur gong nga kud’ora hi Ma didinid’a, mba mi rap yam hor ra Sitim-mba.

Mise 5:7

Andjafâ hi Jakob ma arâ mba mi kak aduk andjaf ma ablauna d’igi azlona aduk amburei suma aduk agud’ina na, d’igi azlo ma azongâ aduk kangâna haho’îna na. Ata yima mi kalâ, mi ve, mi kizak keyo, sama mi prut va woi aboma nga d’i.

Zakari 12:10

Ata yi máma an mba ni vo muzuk ma suma ma hud’a yam andjafâ hi David-na, yam suma Jerusalem-ma. Azi mba mbut irazi kanu, azi mba tchi hor ra sama a tchogoma d’igi a tchi horâ gor ma abo abum tuna na, a mba tchi tchi ma hat hurâ kam d’igi a tchi yam gor ma a vud’um avo’â na mi.

Matiye 12:43

Jesus mi had’azi kua ala: Ata yima muzuk ma tchona mi nde woi kur sanina, mi i ata yima bei mbina á hal yima tuk tama, wani mi fum mbi.

Sunda hi suma a sunuzinid’a 10:45

Juif suma a he gagazid’a suma a mba ki Pierre-râ a le atchap, kayam Alona mi vo Muzuk ma bei tchod’a ba na yam andjaf suma dingâ mi.

Sunda hi suma a sunuzinid’a 2:17

Alona mi dala: Kur bur ma danana, an mba ni vo Muzuk mana yam suma pet. Grogi suma andjofâ ki suma aropma a mba djok vun Alona, azungeî magina ahlena a mba nde woi iraziya, momorogei magina adïd’a mba d’i dazi mi na.

Sunda hi suma a sunuzinid’a 2:33

Alona mi hlum sä akulo, mi tinim ata bigam mba ndjufa. Mi ve Muzuk ma bei tchod’a ba ma Abum mi hlum vunam kama, mi vomizï kami d’igi agi wagizi agi humugizi na mi.

Sunda hi suma a sunuzinid’a 2:39

Kayam vun ma hle mama ni kagi ki grogina ki suma sä deina pet ki suma Salad’a Alo meina mba mi yazina pet mi.

Vama ndum mbeina 21:6

Mi dan kua ala: An le wa da’. An ni Alfa, an ni Omega, an nAd’u tinda, an ni Yam mba dabid’a mi. Sama vunam sona, an mba ni hum mbiyo ma lau ma arina á tched’a hawa.

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.