Isai 41:1 - Bible azumeina

¹ Ma didina mi dala: Agi suma nga kaka yam tilina, agi kagagi mudjuk, agi humundiya. Ar suma a hulong fad’eng mazid’a, ar a i avok á de zlad’a, ar ei togei tu á ka sariyad’a.

Isai 41:1 Kruisverwysings

Wana ni mbaktumba hi Job-pa 38:3

Ang djin d’i’â furungû, ang kak mandjufâ. An nga ni djobongû, ar ang van ad’ud’a!

Sawal la giled’a 46:10

Nga mi d’el vun ayîna gak avun dabid’a handagad’id’a, nga mi kus yeûd’a kasapa woyo, nga mi ngal pus ma dur ayîna woi mi.

Isai 1:18

Ma didina mi dala: Mbeigïya, ei dei tei zlad’a. Le tcho magid’a ti ni hleud’a diliu pî, mba d’i mbut hapa d’igi nesâ na; le d’i ni hleud’a kekeng d’igi gangeîna na pî, mba d’i b’o hapa d’igi b’od’a hi tamasid’a na.

Isai 11:11

Kur bur máma Ma didina mba mi mat abom kua yam á mbàd’a á prut mam suma ad’uzi mba d’i ar abo suma Asiri-na, abo suma Ezipte-na, abo suma Patros-sâ, abo suma Etiyopi-na, abo suma Elam-ma, abo suma Sinar-râ, abo suma Hamat-na, abo suma a nga kaka yam tila halum ma ngolîd’a woi mi.

Isai 34:1

Agi andjaf suma, agi hud’ï go á humba agi suma, agi tinigi humagiya. Ar andagad’a kahle suma kurutna pet a huma, ar duniyad’a kahle suma a nga kurutna pet a hum mi.

Isai 40:31

Wani suma a tin huruzi yam Ma didinina a nga fad’eng nga dinga kam kua, a nga pir d’igi b’aruna na, a nga ringâ, a nga seî d’i; a nga tid’a, a nga kau d’uo mi.

Isai 41:5

Suma a nga kaka yam tilina, a nga le mandarâ; suma sä kaka avun dabid’a handagad’ina a nga zlaga, a nga hud’ïya, a nga djïya.

Isai 43:26

Agi djib’eregiya. Ar ei halei ad’u zlad’a. Agi dagi zla d’a agi pad’agi ki zlad’a woi kagid’a.

Isai 43:9

Ar andjaf suma pet a toga, ar suma a tok taziya. Ni nge adigazi ba, mi de woi yam ahle ndazina ge? Ni nge ba, mi de woi yam ahle suma a kalâ ge? Ar azi mbeï ki glangâs mazina, a de woi ala: Azi ni suma d’ingêrâ! Ar suma a huma a dala: Ni zla d’a gagazid’a!

Isai 48:16

Agi hud’ugï gevenu, agi humugiya. Kad’u tinda dei an de nga zla d’a ngei gumun ndi. Kad’u tinda hahle ndazinid’a dei, an nga. Ki tchetchemba, Salad’a Ma didina mi sununï zlapa ki Muzuk mama.

Isai 49:1

Agi suma nga kaka yam tilina, agi humundiya. Agi suma sä deina, agi tinigi humagi humugi mi. Ma didina mi yanï ni kur asun dei, mi de zlad’a ki simiyên ni kid’a an nde woi kur asunda dei mi.

Isai 50:8

Ma pad’an zlad’a kan ndeina mi nga go ki sed’enu. Ni nge ba, mi min kal ki sed’en ata yima ka sariyad’a ge? Ar ngavami tami kua. Ni nge ba, mi min mi kak djangûna ki sed’en nge? Ar mi ngavanu!

Habakuk 2:20

Wani Ma didina mi nga kaka kä kur gong mam mba kud’ora; ar suma yam andagad’ina pet a seng silil avoromu!

Zakari 2:13

Ar nge nge pî mi kak ki vunam ma du’â avok Ma didina, kayam nga mi nde woi ata yam ma kak ma a tinim iram vama.