Isai 40:1 - Bible azumeina

¹ Alo magina mi dala: Agi b’lengêgi hur sum mana! Agi b’lengêgi hur sum mana!

Isai 40:1 Kruisverwysings

Nehemi 8:10

Esdras mi dazi ala: Agi mud’ugi hliu ma mbulâ, agi tchagi süm ma ab’lengâ, agi i sunugi hliuna mi suma a nga ki va d’uo na, kayam bur ma inina ni bur ma a tinim iram vam yam Salad’ina. Agi yorogi tagi d’i, kayam furîd’a hi Ma didinid’a mba d’i mbut nad’eng magid’a.

Sawal la giled’a 85:3

Ang hle tchod’a hi sum mangîd’a woyo, ang vat hurung ngei yam tcho mazid’a pet mi. Tchol ndjö

Sawal la giled’a 85:8

Ma didina, ang tagami o mang nga didinda, ang sud’umiya.

Ma tchi wala 3:4

yima tchina mi nga, yima sanda mi nga mi; yima tchi horâ mi nga, yima lü ndjongâ mi nga mi;

Isai 12:1

Kur bur máma ang mba dala: Ma didina, an nga ni gilengû, kayam hurung zal kanu, wani hurung vat tei kanu, ang b’lengên hurun mi.

Isai 3:10

Agi nga dagi yam ma d’engzengâ ala mam mba mi kak ki djivid’a; ahle suma mi lazina, mba mi faziya.

Isai 41:27

Ni an ba, mba ni de zlad’a avok mi Siyon, ni sunï ma mba ki zla d’a djivid’a avo Jerusalem mi.

Isai 50:10

Ni nge adigagi ba, mi le mandar Ma didina, mi hum del azong mama ge? Sama lara ma nga mi tit kur nduvunda ma mi kid’ak b’od’ina, ar mi tin hurum yam simiyê Ma didina, ar mi deng tam ata Alo mama mi.

Isai 51:12

Ma didina mi dala: Ni an ba ni b’lengêgi hurugiya. Angî nge ba, le mandara sama mba mi mitna d’oze sana gorom ma d’igi asuna na na ge?

Isai 51:3

Ma didina mi we hohowa Siyon, mi we hohowa yi mat ma b’lak keina, mba mi min asine ma djivi ma kalâ ata yi mat ma mi mbut d’igi fulâ na na, mba mi min asine ma d’igi Eden na na ata yi mat ma so ma gangras máma. Ni kua ba, a mba hum del la sor ra furî d’a kal lei nded’a ki sawal la giled’a ki del la hle sawala mi.

Isai 52:9

Ang yima teteng ma Jerusalem ma b’lak keina, ang er ad’ung akulo ki furîd’a, kayam Ma didina nga mi b’leng hur sum mama, nga mi wurak yam mam Israel-lâ mi.

Isai 60:1

Ndak Jerusalem, ndak tchol akulo, ndak wile kayam b’o maka nga d’i nde woyo, subura hi Ma didinid’a nga d’i tchol akulo kagu, nga d’i b’o kak d’igi afat ta ti deî d’a na.

Isai 61:2

á tchi wala ala biza d’a Ma didina mba mi tak suma mamba woi yam bur ma sä atchugula hAlo meina, á b’leng hur suma pet suma ang yor tazina,

Ezekiyel 16:42

An mba ni ar hur man ma zal ma ka’â, an mba ni ar yungôr man ma ka’â, an mba ni vat hurun ndeyo, an mba ni zal hurun nduo d’a.

Zakari 1:13

Ma didina mi hulong ki zla d’a de d’a djivid’a ki zla d’a b’leng hurâ mi malaika mám ma nga mi de zlad’a ki sed’ena.

Zakari 1:17

Malaikana mi dan kua ala: Ang tchi wal la dinga ala: Ma didin ma ad’engêm kal petna mi dala: Azì man ma nglona mba mi fe djivid’a, an mba ni man Jerusalem man nda dinga, an mba ni ndjun Siyon mi.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

2 Korente-na 1:4

Nga mi b’lengêmi hurumi kur ndak mamid’a pet, kayam ami fami ad’enga á b’lengêmi hur suma a nga kur ndak ka lara ge pet ki b’leng hur ma Alona tamba nga mi b’lengêmi ki hurumina.

1 Tasaloni’â 4:18

Kayam ndata, ar agi b’lengêgi hur tagi ki zla ndata.