Isai 38:3 - Bible azumeina

³ Ma didina, ang djib’er yam tit ta an nga ni tit avorong memet ki hur ma tuna burâ ki burîd’a; an nga ni le sun nda djivid’a avorong burâ ki burâ mi. Ezekiyas mi tchi ngola.

Isai 38:3 Kruisverwysings

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

Ad’u Tinda 6:9

Wana ni zla d’a ded’a yam Noe-d’a: Noe ni sama d’ingêr ma d’engzengâ avok Alona, mi tit zlapa kAlona.

1 Amuleina 15:14

Wani mi b’lak nga yima nding ma a tinim iram vama woi d’i. Hina pet pî, kid’a Asa mi nga ki iramba tua d’a, nga mi le yam Ma didina ki hurum tu.

1 Amuleina 2:4

Hina wani, Ma didina mba mi ndak vun vun ma hle ma mi hlandji ala: Le andjavangî suma d’engzengâ a le min manda ki zlat pet ki gagazid’a mi ni, adigazi a mba fe sama vrak tamula blangâng yam zlamba hi Israel-lîd’a teteu.

2 Amuleina 18:3

Ezekiyas mi le sun nda d’ingêra avok Ma didina ki hurum pet d’igi abum ngolo David na.

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

1 Sunda Hamuleinid’a 29:19

Ang he gorona Salomon hur ma djivina á ngom vun ma he mangâ ki gat mang nga tetenga á tit kaziya, á min gong nga an ni min ahlena pet kata mi.

1 Sunda Hamuleinid’a 29:9

Suma a le furîd’a yam he d’a hawa d’a a hat kur min mazid’id’a, kayam a hat mi Ma didina ni ki hur ma tuna bei gigrita. Amulâ David pî mi le furîd’a ngola mi.

2 Sunda Hamuleinid’a 16:9

Ma didina iram nga tinda yam andagad’a pet á had’enga mi suma a tin huruzi kam ki hur ma tunina. Zla d’a ang lat wanda ang le ni sun nda lilid’a. Ki tchetchemba, ang mba durî ayîna burâ ki burâ.

2 Sunda Hamuleinid’a 25:2

Mi le sun nda djivid’a avok Ma didina, wani nga ni ki hur ma tuna d’i.

Esdras 10:1

Esdras mi grif kä avun gong nga kud’ora hAlonid’a, nga mi tchiya, nga mi tchena, nga mi däd’u tcho mazid’a woyo. Ata yi máma Israel-lâ ablaud’a, nala, andjofâ, aropma ki kemba, a tok gevemu, a tchi ki simina irazi dundulung.

Nehemi 1:4

Kid’a an hum zla ndatid’a, an kak kä nga ni tchiya, an le burâ ablaud’a kur djib’era, an d’el tan bei te tena, an nde tchen Alo ma akulona.

Nehemi 13:14

An tchen Alona ala: Alo mana, ang djib’er kan yam ahlena pet suma an lazina, ang mar yam sun nda an lat yam gong nga kud’ora hi ang Alo manid’a d’i, yam ahle suma ndak á ngombina d’uo mi.

Nehemi 13:22

An he vuna mi suma hi Levi-na ala a mbut tazi yed’et, a i ngom vun azina, a tin bur ma sabatna iram vamu. An tchen Alona kua ala: Alo mana, ang djib’er kanu; kayam we hohou manga, ang ngomonu.

Nehemi 13:31

an he vuna yam he d’a hawad’a hagu ma ngala ala a mbam ata yima a ngama kawu ma ne avo’â mi. An tchen Alona kua ala: Alo mana, ang djib’er kanu, ang wan hohowon mi.

Nehemi 5:19

An tchen Alona ala: Alo mana, ang djib’er kanu, ang wan hohowon yam ahlena pet suma an lazi yam sum ndazinina.

Sawal la giled’a 101:2

An mba ni kak tchugot á hum zla d’a suma d’engzengâ a data. Ni mindja ba, ang mba mba kan nge? An mba ni tit yam gagazi d’a kurunda avo huraziyanu.

Sawal la giled’a 102:9

Burâ ki burâ man suma djangûna a nga halan ki zlad’a kanu, huruzi nga mi zal kanu, azi nga gun tazi kan mi.

Sawal la giled’a 119:80

Ar an kak d’ingêr á tit yam gat manga, kayam an mbut zulona avorong ngi.

Sawal la giled’a 16:8

An nga ni gol Ma didina avoron teteu. Ata yima mi nga tchola yam bigan nda ndjufina, an nga ni giget ti.

Sawal la giled’a 26:3

Djivi manga nga avoronu, an nga ni tit kur gagazi manga.

Sawal la giled’a 32:2

Sama Ma didina mi ndumum nga tcho mamba kam mbuo ma mbut ira nga kurum mbuo mi na, mi le furîd’a.

Sawal la giled’a 6:6

Kayam sama mit teina nga mi djib’er kang nguo d’a; sama suburung ata yima azuleina ni nge ge?

Sawal la giled’a 6:8

Iran zal wa abo tchina, iran gis wa abo tchi ma hohoud’a abo man suma djangûna.

Isai 38:2

Ata yi máma Ezekiyas mi mbut tcha iram sä gumun gonga, mi tchen Ma didina ala:

Isai 38:4

Ata yi máma Ma didina mi de mi Isai Amot goroma ala:

Wana ni mbaktumba hi Oze-d’a 12:4

Jakob mi veï dodogasem wiyema ni kur asum dei. Ata yima mi djeng sanina, mi ndjiget kAlona.

Jean 1:47

Kid’a Jesus mi we Natanayel nga mi djï gevemba, mi de kam ala: Agi gologi ma Israel ma gagazi ma bei mbut ira kurum ba na.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

Gat ta a hat á mbàd’id’a 6:18

Agi lagi nahle suma d’ingêrâ kahle suma djivina ir Ma didina kayambala agi kagagi ki furîd’a á kalagi kur ambas sa djivi d’a Ma didina mi hle vunam kat mabuyogi ngolo á hagizid’a,

Hebre-na 5:7

Kid’a Jesus mi nga yam andagad’id’a, mi tchen Alo ma mi ndak á sud’um mbei abo matnina tchen nda hud’a, mi tchi ki simina iram mi. Alona mi humumu, kayam mi ge yam kä ad’umu.

Hebre-na 6:10

Kayam Alona ni Ma d’ingêrâ, nga mi mar yam sun magid’a ki o magi d’a kam mba agi tagat tei yam simiyêm ata yima agi lagi sunda mi b’oziyogi suma hAlonina d’igi agi nga lagi gak ini na mi d’a d’i.