Isai 3:26 - Bible azumeina

²⁶ Suma avun agrek ma Siyon-na a mba zam taziya, ndak mba d’i tchi horâ; a mba hurumugu, ndak mba d’i ar kaka kä aduk andagad’a mi.

Isai 3:26 Kruisverwysings

Wana ni mbaktumba hi Job-pa 2:13

A kak kä ki sed’em aduk andagad’a, gak burâ kid’iziya andjege ki faleya, bei dum zla ba, kayam azi we ndak mamba ti kal ngola heî.

Wana ni mbaktumba hi Job-pa 2:8

Job mi i kak kä aduk butna, mi hlazlunga á grik ki tamu.

Isai 14:31

Ang vun agre’â, ang tchi tchi ma hohoud’a, ang azì ma ngolâ, ang tchi wulula. Agi suma Filistê-na zla tagi pet, agi mbud’ugi heheb’ek, kayam andosâ nga mi djï abo ma norâ, aduk mazi djangûna, sama d’es sei ata yam ma tcholina nga d’i.

Isai 29:2

Ma didina mi dala: An mba ni lang ang Ariyel ndaka. Suma a mba yor tazi kurungû, a mba zam tazi kurung mi. Ang azì ma ngol máma, ang mba mbut iran ni d’igi yima ngal ahle suma ngat buzu ma a yum ala Ariyel-lâ na.

Isai 32:14

Kayam a ar azì ma amula kazì ma ngol ma suma a nga le vuna kua gandjauna woyo. Yima ndingâ ki gong nga fiyak ka ndjola, a mba mbut ni domi ma ngeid’a yam koro ma abageina ki iram fafat, a mba mbut ni yima pol d’uwarâ mi.

Isai 33:9

Ambasa ti nga kur yor tad’a ki hur ma wurana, Liban ti mbut zulona, ti tchuk susub’ok, Saron ti mbut ni d’igi hur fulâ na. Basan ki Karmel agu mazid’a humat yak keyo.

Isai 47:1

Ma didina mi de kua ala: Ndak gor wei d’a Babilon-nda, ndak tchuk asek kä, ndak i kak kä aduk andaga d’a gugud’upa. Ndak gor wei d’a Kalde-d’a, ndak i kak kä andaga bei zlamba. Sa dok mi yak ala d’a djif fa wile pipid’ika d’uo d’a.

Isai 6:11

Ata yi máma an djobom ala: Salad’a, ni mindja ba, ang mba ar ahle ndazina ge? Mi hulong dan ala: Gak azì ma ngolâ mi b’lak kei kakazeî bei fe sa kurum ba, azina mi ar hawa kolohong, ambasa ti mbut ni hur fulâ mbeî.

Jeremi 14:2

Suma Juda-na a nga kur yor tad’a, azì mazi ma nglona mi b’lak keyo, a tchuk susub’ok, a nga bululul kä andaga. Tchina hi suma Jerusalem-ma mi tchol nga mi i akulo.

Jeremi 15:8

An zul arop suma modonod’a avo hatazi kal les ma avun alum ma ngolîna, an tin grangâ asum tchina falei d’ad’ar, an mba ki ndaka kahle suma mandarâ kat atogo zak mi.

Hor ma tchina 1:1

Alë! Jerusalem mba suma a nga oîd’a kurut adjeud’a, ti mbut wa d’a sa nga kurut tuo d’a. Ndat tala ti nazì ma ngolâ aduk andjaf suma d’a, ti mbut wa d’igi atcha d’a modonod’a na. Amul la yam andaga d’a dingid’a, ti mbut wa d’a le sun magomba mi suma.

Hor ma tchina 1:4

Lovot ta i Siyon-nda nga d’i yor tat d’igi sana na, kayam suma a nga mba á le vun tilâ kua d’uo d’a. Vun agrek matna pet mi b’lak keyo, mat suma ngat buzuna a nga zam taziya, yugunei matna a mbut wa hohoud’a, ndat tata ti nga kur hat hur ma ngolâ mi.

Hor ma tchina 2:10

Suma nglo suma Jerusalem-ma a kak nga kä aduk andagad’a ki vunazi ma du’â, a nga ko andagad’a kaziya, a tchuk baru ma ndjondjorona ataziya. Yugunei suma Jerusalem-ma a tchok yazi kä andaga mi.

Hor ma tchina 2:8

Ma didina mi nga hurum á b’lak gulumun ma Jerusalem-ma woyo, mi yo ziyo ma nga ahlena, mi ngamu, mi hle nga abom mbei bei mi b’lagam mbei d’i. Mi mbut gulumuna ki gong nga ndjol la kamba d’igi suma a nga tchi horîna na, mi b’lagazi woi ki zla tazi djak.

Ezekiyel 12:20

Azì ma nglo ma suma a nga kaka kurâ mba mi b’lak keyo, ambasa mba d’i ar djona. Hina wani, azi mba wala an ni Ma didina.

Ezekiyel 26:16

Amulei suma avun alum ma ngolîna pet a mba tchuk asezi kä woi yam zlumiyô mazi suma amula, a mba fok baru mazi d’a nglod’a woyo, a mba ar baru mazi ma d’udjod’a woi mi, a mba tchu’î mandarâ atazi d’igi baruna na, a mba ka’î kä andaga. Ata yima lara pî a mba zlaga, a mba mbut hohoud’a kang mi.

Mise 1:9

Ka d’a a ka azì ma ngol ma Samari-na mbilîd’a, mbil mama mi mbut ni mbil ma bei tchila gak mi i yam ambas sa Juda-d’a, gak mi i avun agrek ma Jerusalem-ma ata yima sum mana a nga kaka kuana.

Matiye 11:17

Ami nga bugi taulâd’a, agi nga luwugi d’i; ami nga tchimi horâ, agi nga tchigi d’uo mi.

Wana ni Zla d’a Djivi d’a Luc mi b’irita 19:44

Azi mba b’lagagi woi ki sum magina pet, a mba ar ahina yam ndrat akulo d’i, kayam me agi wagi nga bur ma Alona mi mba á ndjunugina d’i.