Isai 3:14 - Bible azumeina

¹⁴ Nga mi ka sariyad’a yam mam suma nglona, yam suma avok sumina, nga mi dala: Agi b’lagagi guguzlud’a woyo, ahle suma agi hurumuzi abo suma houd’ina a nga avo hatagi mi.

Isai 3:14 Kruisverwysings

Wana ni mbaktumba hi Job-pa 22:4

Ang djib’er ala ni kayamba ang lum mandaramba ba, nga mi ngobong mi kang sariyad’a kangî na zu?

Wana ni mbaktumba hi Job-pa 24:14

Ma tchi matna nga mi tchol akulo ki pipira á tchi suma houd’a ki suma kid’aka woyo, mi kul andjege mi.

Wana ni mbaktumba hi Job-pa 24:9

Suma a nga ve gor ma hokuyod’a woi avun apona, a nga vahle suma denga abo sama houd’a mi.

Wana ni mbaktumba hi Job-pa 34:23

Alona mi ndak nga d’ala mi djib’er tatâ yam sana tala mi kal ki sed’em ata yima ka sariyad’a tua d’a d’i.

Sawal la giled’a 10:9

Mi nga ngeid’a gumun d’igi azlona mi nga ngeid’a ata yam ma domina na, mi nga ngeid’a á ve suma hohoud’a, nga mi lop vun suma hohoud’a á ve kabei mamba.

Sawal la giled’a 14:4

Ma didina mi dala: Na ni suma le tchod’a a nga wad’ud’a d’uo zu? Azi nga te sum mana d’igi azi tavuna na, azi nga yan simiyên ndi.

Sawal la giled’a 143:2

Ang ka sariyad’a yam an azong mangâ d’i, kayam sama d’ingêr nga yam andagad’a avorong ngi.

Zla d’a d’ogolâ 30:14

Suma dingâ a nga, siyazi mi ni d’igi mbigeu d’a fiyak ka siyat mbàd’a na, agingâzi ti ni d’igi mbigeud’a na á b’lak suma hohou suma kur ambasina woyo, á tchi suma kid’aka woi aduk suma mi.

Isai 10:1

Ni zla d’a hohoud’a yam suma a nga he vun ma ata yam mbuo na, yam suma a nga tin gat ta d’ingêr ruo d’a

Isai 10:2

á tos lovot ta ka sariyad’a woi ir suma hohoud’id’a, á b’lak sariya d’a d’ingêra hi man suma hohoud’ina, á mbut arop suma modonod’a te mazina, á mbut suma hokuyod’a va mazi ma hurumba mi na!

Isai 11:4

Wani mba mi ka sariyad’a yam suma houd’a ki d’ingêra ki gagazid’a, mba mi we hohowa suma hohou suma yam andagad’ina, zla mam mba ded’a mba d’i mbut ni totogo d’a mi to ki suma yam andagad’ina, mba mi tchi ma asa’atna woi ki fo d’a avunamba mi.

Isai 14:30

Kayam ndata, suma houd’a a mba kak ki halasa, wani an mba ni tchagi andjavagi woi ki meid’a, sum magina ad’uzi d’a mba d’i ara a mba tchazi woi mi.

Isai 26:6

Suma hohou suma amangeîna a nga mired’em kä kaseziya.

Isai 29:19

Suma lulumana a mba le furîd’a ngola yam Ma didina, suma hou suma aduk sumina a mba le hur ma hapma yam Ma tin tam irat vat yam Israel-lîna mi.

Isai 30:12

Kayam ndata, Ma tin tam irat vat yam Israel-lîna mi dala: Kayamba agi noyôgi zla manda, agi tinigi hurugi yam asa’ata ki zla d’a ka d’a ata yat tuo d’a, agi mbud’uzi nahle suma agi dengêgi tagi atazina,

Isai 5:7

Guguzlud’a hi Ma didin ma ad’engêm kal petnid’a ni Israel-lâ. Guguzlu d’a djivi d’a mam pat ta tam lum djivid’a heî kata ni suma Juda-na. Mi tin hurum ala azi mba le ni sun nda d’ingêra; gol wani, azi nga tchi ni suma! Mi halî d’ingêra; gol wani, mi humî tchi ma hohoud’a zang!

Isai 58:4

Agi d’elegi tagi bei te tena ná tchi tuguyod’a, agi yalagi tagi ná tumugi tagi mi! Agi d’elegi tagi bei te tena ni d’igi d’el ta d’a ini kur bur ma wanid’a na tala an humugi delegi sä akulo d’a d’i.

Jeremi 12:10

Suma pola ablaud’a a b’lagan asine man ma guguzlud’a, a mired’em kä kaseziya, a mbud’un asine man ma an hurun vun heîna hur ful ma va nga kua d’uo na.

Jeremi 5:27

Gola! Aziyazi mi oî ki mbut ira d’igi gong nga ngom aluweina ti oî kaluweina na. Kayam ndata, a mbut ad’enga, a mbut suma ndjondjoîna mi.

Ezekiyel 18:12

le nga mi hulong vama sana mi dengêmzina d’uo, le mi tin iram yam fileina, le nga mi lahle suma ndjendjed’a,

Ezekiyel 20:35

An mba ni i ki sed’egi hur fulâ handjaf suma dingîna; ni kua ba, an mba ni togogi avoron á kagi sariyad’a kagiya.

Ezekiyel 20:36

An mba ni kagi sariyad’a kagi d’igi an ka sariyad’a yam abuyogi ngolo hur ful ma yam ambas sa Ezipte-d’ina na. An Salad’a Ma didina ni de na.

Sunda hi suma hi Levi-nid’a 25:14

Le agi guzugi va woi abo tagi d’oze agi guzugi va abo tagiya ni, ar agi lagi ir tagi d’i.

Sunda hi suma hi Levi-nid’a 25:17

Ar sa adigagi mi le ir ndrama d’i, ar agi lagi mandara an Alo magina, kayam an ni Ma didina Alo magina.

Amos 2:7

a nga miret yam suma kid’aka kä, a nga hum zlad’a hi suma houd’id’a ata yima ka sariyad’a d’i. Gora kabum a nga zlap yam gor atcha d’a tud’a á b’lagan simiyên ma bei tchod’a ba na woyo.

Amos 4:1

Agi arop suma Samari suma nga dub’aragi d’igi amuzlei suma arop suma Basan-na na na, agi suma nga lagi suma kid’aka murud’umbina, agi suma nga mired’egi suma houd’a kä, agi suma nga dagi mandjuvuyogi ala: Agi yogiya, ei tcheya na, agi humugi zla d’a an nga ni data.

Mise 2:1

Ni zla d’a hohoud’a yam suma a nga nga huruzi andjege á le tchod’ina. Ata yima yina fona, azi ndak vun tcho mazi ndata ata yima azi nga kad’enga abozina.

Mise 2:2

A nga le d’od’oka yam asinena hi sumina, a hlumu, a nga le d’od’oka yam azina hi sumina, a hlum mi. A nga hurum suma ki sum mazina, a nga le sana murud’umba á hle djo mama mi.

Mise 3:3

Agi nga tagi hliwa sum mana, agi nga hôgizi babagizi woyo, agi nga kuzugizi asogozi woyo, agi nga tchalagizi woi d’igi hliu ma a tinim aku kur deinina na.

Mise 6:10

Na ni ndjondjoî d’a a fat ki mbut irid’a nga avo hi suma asa’atna tua zu? D’oze vama nga ahle ma a mbud’um gogora mala ni vama ndjendjed’a iran an Ma didina na mi nga tua zu?

Matiye 21:33

Jesus mi dazi kua ala: Agi humugi d’ogol ma dingâ. Sana nga, ni samazina. Mi pe guguzlud’a kur asinemu, mi ge kangâna kamu, mi djugot zula yam ahinad’a á miret guguzlu mamba, mi min gong nga fiyak ka ndjola adugu, mi tchuk suma sunda kur á fe mbiyo mazina kua mi. Mi ge tam mi i yam andaga d’a dinga.

Jacques 2:6

Wani agi nga gologi ma houd’a is. Ni suma ndjondjoîna ba, a b’at ahlena abogi d’uo zu? Ni azi ba, a nga igi avok suma ka sariyad’a d’uo zu?