Isai 3:11 - Bible azumeina

¹¹ Wani ni zla d’a hohoud’a yam sama asa’atna! Mam mba mi fe ndaka, kayam a mba wuragam yam sun nda mam tam mi lat kabomba.

Isai 3:11 Kruisverwysings

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

2 Samuel 3:39

An namulâ pî ni, namangeîd’a tua. Sum ndazina Seruya grotna, azi ad’enga kalanu. Ar Ma didina mi wurak sama tcho máma ndak yam tcho mam mba mi lata.

1 Amuleina 21:21

Wana ni zla d’a mam data: Gola! An nga ni sun ndaka kangû, an nga ni b’lagang ngeyo. An mba ni dabang andjavang ngeyo, magumeina d’oze gro vut ta avo Israel-lâ,

2 Sunda Hamuleinid’a 6:23

ang Ma didin ma sä akulona, ang huma, ang ka sariyad’a yam sama tchona yam tcho mam mba mi lata, ang ar sama d’ingêrâ mi wala mam mi sama bei zlad’a kam ba na mi.

Wana ni mbaktumba hi Job-pa 10:15

Le zlad’a vanu ni, ni zla d’a hohoud’a kanu! Le an ni sama bei zlad’a kana ni, an ndak á hle yan akulo d’i. Abo zulo ma tok kana, an ka guruta woi abo ndak manda mi.

Sawal la giled’a 28:4

Ang wuragazi yam sun mazid’a, yam murud’um mba azi lata, ang wuragazi yam sun nda a lat kabozid’a, ang wuragazi ndak yam sun nda azi tazi lata.

Sawal la giled’a 62:12

Alona mi de zlad’a yam tu; an hum yan mbà mi dala: Ad’enga ni manda!

Zla d’a d’ogolâ 1:31

Kayam ndata, agi mba tagi vud’a sun magid’a, agi mba hobogi ki ndjak vun magina tamba mi.

Zla d’a d’ogolâ 11:31

Le sama d’ingêrâ nga mi fe wurak mamba yam andagad’a ka hî ni, sama asa’atna ki ma le tchod’a a mba fe wuraka ngola kal luo zu?

Zla d’a d’ogolâ 12:14

Sana mi fe djivid’a ni yam zla d’a de d’a ndavunamba, nge nge pî nga mi fe wuraka ni yam sun nda mi lat kabomba.

Zla d’a d’ogolâ 26:27

Sama mi djugot zula kä avok ndramina, mam tam mba mi nde kuru; sama nga mi ligat ahinad’ina, mba d’i hulongî sulogota kä kamu.

Ma tchi wala 8:13

Wani sama asa’atna nga mi kak ki halasa d’i, mba mi te tatâ yam andagad’a d’uo mi, mba mi kal lei atogo d’igi anguzuna mi pretna, kayam mam nga mi le mandarâ avok Alona d’i.

Isai 13:11

Ma didina mi dala: An mba ni ngop suma yam andagad’ina yam asa’at mazid’a, an mba ni ngop suma asa’atna yam tchila mazid’a, an mba ni hulong suma yam mba ad’enga yazi kä, an mba ni hulong suma subur tazi suma te yam suma kad’engina yazi kä mi.

Isai 48:22

Ma didina mi dala: B’leng nga halasa ti nga ni yam suma asa’atna d’i.

Isai 65:20

Kur azì máma a mba fe gogor ma mi mit atogo hina za’â nga d’i, mamar ma mit avok bei bizam mbi nda’â nga d’uo mi. Gogorâ mba mi mit ni bizad’a kis mbeî, sama mi mit avok bizad’a kisina, a mba golomî d’igi sama tcho ma Alona mi gum vunina na.

Isai 65:6

Gola! Ahle ndazina a nga b’ira kä avoronu. An mba ni kak mudjuk ki. An mba ni min zla mazid’a, an mba ni wuragazi ndak yam sun mazid’a memet.

Isai 65:7

An mba ni wuragagi yam tcho magid’a ki d’a habuyogi ngolod’a. Kayam a ngal dubang ma his djivid’ina yam ahuniyôna, a mbud’un zulona yam yima ndingâ mi. An mba ni wuragazi ndak memet yam sun mazi d’a azi lat adjeud’a.

Jeremi 21:14

An nga ni mba á ngobogi yam sun nda agi lata, an nga ni do agu magid’a akud’a; mba d’i ngal ahle suma a nguyugi kä na woi pet. An Ma didina ni de na.

Jeremi 31:30

Wani nge nge pî mba mi mit ni yam tcho mamba tata. Sama lara ma mba mi te guguzlu d’a bei ned’ina, siyam mba mi zleyâ.

Ezekiyel 16:59

Salad’a Ma didina mi dala: Jerusalem, ndak ka gol gun tad’a isa, ndak ka but vun man ma djinda woid’a, an mba ni la’î d’igi ndak le hina mi.

Ezekiyel 18:20

Ni sama nga mi le tchod’ina ba, mba mi mid’a. Gorâ nga mi zi tchod’a habumba d’i, abud’a nga mi zi tchod’a hi goromid’a d’uo mi. A mba wurak sama d’ingêrâ ni yam sun mam mba d’ingêra, wani a ngop sama asa’atna ni yam sun mam mba asa’ata mi.

Ezekiyel 2:10

Mi b’er mbaktum ndata woi avogonu. A b’ir kurut mi na, a b’ir huyogot mi. Zla d’a a b’irit kuad’a ni hor ma tchina, yor tad’a ki zam tad’a mi.

Ezekiyel 24:14

An Ma didina le ni de va, va máma mba mi mba. An mba ni lumu, an mba ni hulong bugol li, an mba ni wak hohowok koze ni mbut hurun ndi. A mba kak sariyad’a kak yam tit maka, yam sun mak ka led’a mi. An Salad’a Ma didina ni de na.

Ezekiyel 33:8

Le an de mi sama asa’atna ala: Ang mba mit gagazi, le ang gum nga humam á mbut hurum yam tit mamba d’uo ni, mba mi mit kur sun mam mba ata yat tuo d’a, wani an mba ni djobom mad’am natang angû.

Mise 3:4

Kayam ndata, fata agi tchigi yam Ma didinid’a, mam mba mi hulongôgi humba d’i, mba mi hagi azigam ata yi máma yam sun nda tcho d’a agi lata.

Mise 7:13

Andagad’a handjaf suma dingîd’a mba d’i mbut djona yam suma a nga kaka kurutna, yam sun mazi d’a le d’a tchod’a.

Ndumba 32:23

Wani le agi lagi nga hina d’uo ni, agi lagi ni tchod’a avok Ma didina, agi wagi woi tetet ala tcho magid’a mba d’i hulong kagiya.

2 Korente-na 5:10

Kayam ei pet mba tcholei avok zlam mba ka sariyad’a hi Christ-sa, nge nge pî mba mi ve vama ndak yam sun nda mi lat kur hliu tamba, le ni djivid’a, d’oze tchod’a.

Jacques 2:13

Sama we nga hohowa ndrama d’uo na, fata Alona mi kam sariyad’a kamba, mba mi wum hohowom mbuo mi. Wani we hohoud’a ti kus yam sariya d’a kad’a.

Suma ka sariyad’a 9:57

Alona mi hulong tcho d’a suma Sikem-ma a lata kazi mi. Mi ndak vun vun ma ge ma Jotam Jerubäl goroma mi gazizina mi.