Isai 26:8 - Bible azumeina

⁸ Gagazi, Ma didina, ami tinimi hurumi ni kayam angû. Lovot mang nga ang tagata ni d’a d’ingêra. Ami nga yangû, ami nga tchenengû. Wana ni djib’er ra kurumi d’a ami minita.

Isai 26:8 Kruisverwysings

2 Samuel 23:5

Alona mi le hina ki sum mana d’uo zu? Mi djin vun ma didina ki sed’enu; vun ma djin ma djivi máma mi nga mi ngomomu. Sut manda kahle suma djivina pet suma an minizina, a mba tcholï natam mam mbuo zu?

Sawal la giled’a 106:3

Suma a nga tit yam gatina a le furîd’a, suma a nga le sunda yam d’ingêra teteu na a le furîd’a mi.

Sawal la giled’a 130:5

An nga ni tin hurun yam Ma didina ki tan pet, an nga ni djup mi zla mam mba ded’a.

Sawal la giled’a 18:23

An nga ni tit yam vun ma he mama pet, an nga ni tchila yam gat mamba d’i.

Sawal la giled’a 42:2

Alo mana, an nga ni hat hurun kang d’igi pandrid’a nga d’i hat hurut yam mbiyo ma toliyona na.

Sawal la giled’a 65:6

Alo man ma suta, kayam d’ingêr manga ang nga hulongômi humba nata ahle suma atchapma. Ni ang tu ba, suma yam andagad’ina pet ki suma avun dabid’a halum ma ngolîna, a tin huruzi ni kangû.

Sawal la giled’a 73:25

An nga ni ki nge ma ding sä akulo ge? Ni ang tu d’uo zu? Ata yima an nga ki sed’engâ, an nga ni le furîd’a yam vama ding ka hî yam andagad’a d’i.

Sawal la giled’a 84:2

Ma didin ma ad’engêng kal petna, gong manga djivi mata kal tegles.

Buzuk ka Abud’a 3:15

Alona mi de mi Moise kua ala: Ang i de mi Israel-lâ ala: Ma didina Alona habuyogina, Alona hi Abraham-ma, Alona hi Isa’â, Alona hi Jakob-ma, mi sununï gevegi ni mamu. Wana ni simiyên ma a mba yan ki kur atchogoi d’a lara ge petna.

Sawal la kal teglesa 5:8

Agi yugunei suma Jerusalem-ma, an nga ni djobogiya: Le agi fagi ma an hurun vum heîna ni, agi mba duma na ge? Agi dum ala an mbut wa amangeîd’a kur od’a.

Isai 12:4

Kur bur máma agi mba dagi ala: Agi gilegi Ma didina, agi dagi woi yam simiyêmu, agi tagam sun mam mba nglo d’a mam lata woi aduk andjaf suma. Ar agi wagi ala simiyêmî Ma kal papana.

Isai 24:15

a dala: Agi suma abo ma yorogona, agi suburugi Ma didina; agi suma avun alum ma ngolîna, agi suburugi simiyê Ma didina Alona hi Israel-lîna.

Isai 25:1

Ma didina, angî Alo mana, an nga ni gilengû, an nga ni suburung simiyêngû, kayam ang lahle suma atchapma. Nga hur mang ma ang ngam dedeina, ang ndagam wa memet!

Isai 25:9

Kur bur máma a mba dala: Alo meina ba wana, ni mam ba, ei tini huri kamu. Ni mam ba, mi sud’iya. Ni Ma didina ba, ei tini huri kamu. Ar ei lei hur ma hapma, ar ei lei furîd’a yam sut mamba mi!

Isai 26:13

Ma didina Alo mamina, suliyo d’a dinga a te kamiya, wani ni yam suma manga ba, ami nga yang simiyêng wana.

Isai 30:18

Kayam ndata, Ma didina nga mi djup á vagi sumad’a, mba mi tchol akulo á wagi hohowogi mi, kayam Ma didina nAlo ma d’ingêrâ. Suma a tin huruzi kama pet a nga le furîd’a!

Isai 33:2

Ma didina, ang wami hohowomiya. Ami tinimi hurumi ni kang angû. Ang mbut ad’eng mamid’a ki yorogo d’a lara ge pet, ang mbut ni ma sud’umina kur bur ma ndaka mi.

Isai 49:23

Amuleina a mba mbut nabuyok suma a wulu’â, amulei suma aropma a mba mbut nasuyok suma a wulu’â, a mba grif kä avorok ki irazi andaga, a mba trâk gugum ma huyok ase’â woyo. Ndak mba d’i wala an ni Ma didina. Suma a tin huruzi kana a mba mbut zulona d’i.

Isai 51:4

Ma didina mi dala: Sum mana, agi humugi djiviya. Agi andjaf mana, agi tinigi humagiya. Ni an ba, nga ni de gata; sariya d’a an nga ni kata mba d’i mbut ni b’od’a hi sumid’a.

Isai 56:1

Ma didina mi dala: Agi ngomogi gagazid’a, agi tid’igi yam d’ingêra, kayam sut manda ti ar wa go á mbad’a, d’ingêr manda nga d’i nde tat tei abua.

Mise 4:5

D’igi andjaf suma pet nge nge pî nga mi ge yam kä ad’u alo mama na, ami pî nga gami yami kä ad’u Ma didina Alo mamina burâ ki burâ gak didin.

Mise 7:7

An nga ni tin iran yam Ma didina, an nga ni tin hurun yam Alo ma sud’una, Alo mana mba mi humunu.

Ndumba 36:13

Wana ni vun ma hed’a ki gat ta teteng nga Ma didina mi hat mi Israel-lâ avun Moise abagei hur ful la Mowap pa go kalum ma Jurdê-na d’a ngagad’a yam Jeriko d’ara.

Wana ni Zla d’a Djivi d’a Luc mi b’irita 1:6

Azi djak ni suma d’ingêrâ avok Alona, a ge yazi kä ad’u gata ki vun ma hed’a hi Salad’ina pet.

Sunda hi suma a sunuzinid’a 1:4

Kid’a Jesus nga zlapa ki sed’ezi tua d’a, mi hazi vuna ala: Ar agi walagi woi ki Jerusalem mbi, wani agi djubugi vun ma hled’a hAbun ma an dagi kam adjeuna.

Romê-na 8:25

Wani le ei nga djubi vama ei wum mbuo na ni, ei djubizi ni ki ve tad’a.

2 Tasaloni’â 3:5

Ar Salad’a mi minigi hurugi á le od’a yam Alona ki ve ta d’a Christ mi heizid’a.