Isai 26:21 - Bible azumeina

²¹ Kayam Ma didina mi nde woi ata yam ma kaka á ngop suma yam andagad’ina yam tcho mazid’a. Andagad’a mba d’i ar yam buzuna hi suma a tchazina woi pid’agi, mba d’i ngei suma a tchazina kä d’uo d’a.

Isai 26:21 Kruisverwysings

Wana ni mbaktumba hi Job-pa 16:18

Andagad’a, ndak tchan buzuwan ndi, ar tchi mana suma a humum ata yina pet.

Wana ni mbaktumba hi Job-pa 20:27

Akulod’a mba d’i gum ad’u tcho mamba woyo, andagad’a mba d’i kak djangûna ki sed’em mi.

Isai 10:3

Agi mba lagi ni nana kur bur ma ndaka mba d’i mba ki b’lak ka mba d’i tcholï ata yima deinid’a ge? Agi mba ringîgi ni gen nge á fagi ndjunda ge? Agi mba aragi ndjondjoî magid’a ni lara ge?

Isai 13:11

Ma didina mi dala: An mba ni ngop suma yam andagad’ina yam asa’at mazid’a, an mba ni ngop suma asa’atna yam tchila mazid’a, an mba ni hulong suma yam mba ad’enga yazi kä, an mba ni hulong suma subur tazi suma te yam suma kad’engina yazi kä mi.

Isai 18:4

Kayam Ma didina mi dan ala: An nga ni mbut tan ndoze hle tan á gola b’enek ki, d’igi huwaka hafat ta b’o yinid’a na, d’igi d’ugul la ti ge mbad’ïd’a ata yima fet awunid’a na.

Isai 22:14

Ma didin ma ad’engêm kal petna mi tagan zla ndata woyo. Mi dala mam mba mi vat hurum mbei yam tcho magi ndata d’i gak mat magina! Salad’a Ma didin ma ad’engêm kal petna mi de na.

Isai 29:6

Ma didin ma ad’engêm kal petna mba mi mba á ndjun kangî ki breîd’a halonid’a. Andagad’a mba d’i yir ki siwel la kal teglesa ki babar ma bibi’â ki sin aku d’a mba d’i ngal ahlena woid’a.

Isai 65:6

Gola! Ahle ndazina a nga b’ira kä avoronu. An mba ni kak mudjuk ki. An mba ni min zla mazid’a, an mba ni wuragazi ndak yam sun mazid’a memet.

Isai 65:7

An mba ni wuragagi yam tcho magid’a ki d’a habuyogi ngolod’a. Kayam a ngal dubang ma his djivid’ina yam ahuniyôna, a mbud’un zulona yam yima ndingâ mi. An mba ni wuragazi ndak memet yam sun mazi d’a azi lat adjeud’a.

Isai 66:6

Agi humugi del la ngop pa nga d’i ndeï hur azì ma ngolîd’a. Ni del la nga d’i ndeï kur gong nga kud’orid’a. Ni dela hi Ma didin ma nga mi wurak mam suma djangûna ndak yam sun mazid’ina.

Ezekiyel 8:6

Mi dan kua ala: Ang gor sana, ang wahle suma azi nga lazi wana zu? Gola! Israel-lâ a nga lahle suma nglo suma ndjendjed’a á walan ndei ki gong man nda an tinit irat vata. Wan pî, ang mba wahle suma nglo suma ndjendje suma dingâ kua!

Wana ni Zla d’a Djivi d’a Luc mi b’irita 11:40

Agi suma lilid’a. Alo ma labud’ina, ni ma mi le krovod’ina mi d’uo zu?

Wana ni Zla d’a Djivi d’a Luc mi b’irita 11:50

Kayam ndata, Alona mba mi ka sariyad’a yam suma kur atchogoi d’a wandina yam matna hi suma djok vun Alona pet suma azi tchazi käd’u tinda hi duniyad’a deina,

Vama ndum mbeina 16:6

Kayam azi tchi sum mangâ azi ki mang suma djok vuna woyo, ni kayam ndata ba, ang hazi buzuna á tched’a wana, azi ndak kayam ndata mi.

Vama ndum mbeina 18:24

A ka sariyad’a yam azì ma Babilon-na ni kayamba a tchi suma djok vun Alona azi ki suma hAlonina ki suma a tchazi yam andagad’a ka hina pet kurumba.