Isai 26:13 - Bible azumeina

¹³ Ma didina Alo mamina, suliyo d’a dinga a te kamiya, wani ni yam suma manga ba, ami nga yang simiyêng wana.

Isai 26:13 Kruisverwysings

2 Sunda Hamuleinid’a 12:8

Hina pet pî, a mba ge yazi kä ad’umu, a mba we sun nda a lat ki anda, ki sun nda a mba lat mamulei suma dingîd’a mi.

Isai 10:11

Vama an lum kazì ma Samari-na ki filei mam ma tchetina, an mba ni lum kazì ma Jerusalem-ma ki filei mam ma tcheta hina mi d’uo zu?

Isai 12:4

Kur bur máma agi mba dagi ala: Agi gilegi Ma didina, agi dagi woi yam simiyêmu, agi tagam sun mam mba nglo d’a mam lata woi aduk andjaf suma. Ar agi wagi ala simiyêmî Ma kal papana.

Isai 2:8

Fileina mi oî yam ambas mazid’a. Azi nga grif kä avok sun nda azi lat kabozid’a, avok vama azi minim ki tchitchid’azina.

Isai 26:8

Gagazi, Ma didina, ami tinimi hurumi ni kayam angû. Lovot mang nga ang tagata ni d’a d’ingêra. Ami nga yangû, ami nga tchenengû. Wana ni djib’er ra kurumi d’a ami minita.

Isai 51:22

Gola! Salad’a Ma didina Alo mak ma nga mi ndjun yam sum mamina, mi dala: Gola! An nga ni hle kop ma süm ma mi vid’ik yak keina woi abogu. Ndak dok tche ayî man ma kur kopmina bugol luo d’a.

Isai 63:7

An mba ni de woi yam o d’a bei dabid’a hi Ma didinid’a ki gile d’a ei gilei Ma didina yam djivi d’a mi lat ki sed’eid’a. An mba ni de woi yam djivi mam mba yam Israel-lîd’a, yam djivi d’a mi lat ki sed’ezid’a ki we hohou mamba ki o mam mba bei dabi d’a kal teglesa mi.

Isai 64:5

Ami pet mbud’umi ni d’igi vama ndjendjed’a na, sun mami d’a d’ingêra pet ti mbut ni d’igi baru ma zozota na, ami pet nga yagami woi d’igi hum aguna mi yak kei na, tcho mamid’a nga d’i felemi woi d’igi simetna nga mi fel ahlena woi na mi.

Amos 6:10

Ata yi máma sama suma ma mi kal avo á yozi mad’a suma woi kur azinina, le mi fe sama ar nga krovo kur gongina ni, sa máma mba mi djobom ala: Sama ding nga ki sed’eng zu? Mba mi hulong dum ala: Hawa! Sa nga d’i. Sama dingâ mba mi hulong humba ala: Ba! Nga ni yima a yi simiyê Ma didinina d’i!

Mise 4:5

D’igi andjaf suma pet nge nge pî nga mi ge yam kä ad’u alo mama na, ami pî nga gami yami kä ad’u Ma didina Alo mamina burâ ki burâ gak didin.

Jean 8:32

agi mba wagi gagazid’a, gagazi ndata mba d’i mbud’ugi gro vuta.

Romê-na 6:22

Wani ki tchetchemba, agi buzugugi woi kur tchod’a, agi mbud’ugi wa magumeina hAlonina mi. Hina, agi nga tid’igi kur lovot ta d’ingêra yam Alona; dabid’a nari d’a didinda mi.

1 Korente-na 4:7

Sama mbud’ung kal suma dingâ ni nge ge? Ni me ba Alona mi hangzi nga d’uo ge? Le mi hangziya ni, ni kayam me ba ang subur tang d’igi Alona mi hangzi hawa ni mam mbuo na ge?

Hebre-na 13:15

Kayam ndata, ei lei mersi mAlona teteu d’igi vama ngat buzuna na ki simiyê Jesus, nala, ni gile d’a ei nga gilem simiyêm ki vuneid’a.

Josue 23:7

Ar agi zlabagi tagi kandjaf ma ar kaka ki sed’egi wana d’i. Ar agi yagi simiyê filei mazi ma tetengâ ki vunagi d’i, ar agi gunugi tagi ki sed’ezi d’i, ar agi lazi sunda d’i, ar agi grivigi kä avorozi á kud’urozi d’uo mi.