Isai 26:11 - Bible azumeina

¹¹ Ma didina, abong nga zid’a akulo, wani azi wum nga d’i. Azi mba we zlezleû mang nga yam sum mangîd’a. Zulona mba mi laziya, akud’a mba d’i ngal mang suma djangûna woi mi.

Isai 26:11 Kruisverwysings

Wana ni mbaktumba hi Job-pa 34:27

Kayam azi wal lei ki sed’emu, azi tit nga yam gat mam tu d’i.

Sawal la giled’a 10:12

Ma didina, ang tchol akulo, Alona, ang ndjunumiya, ang mar yam suma hohoud’a d’i.

Sawal la giled’a 21:8

Ma didina, amulâ mi deng tamî atang angû, ma sä akulo ma kal teglesâ, yam o mang nga didinda mam mba mi puk kä d’i.

Sawal la giled’a 28:5

Kayam azi nga djib’er yam sun nda ang Ma didina lata d’i, nala, sun nda ang lat kabonga. Ang b’lagazi woi ki irazi fafat.

Sawal la giled’a 78:63

A tchi gro azungeî mazina avun ayîna, gro yuguneina a nga fe lovota á gadjo d’a tela d’i.

Sawal la giled’a 86:17

Ang le vama tak ma djivina kanu; ar man suma djangûna a we, a mbut zulona, kayam ang Ma didina ni ma ndjununa, angî ma b’lengên huruna mi.

Buzuk ka Abud’a 9:14

Ki tchetchemba, an nga ni sun ndak man nda tetenga kang ang tanga kazungeî mangâ ki sum mangâ mi, kayam ang wala kur duniyad’a pepet vama hle tam d’igi an na na nga d’i.

Isai 1:31

Sama ad’engâ mba mi mbut ni d’igi miyâd’a na, sun mamba mba d’i mbut ni d’igi aku d’a munda na; a mba ngal lei zla tazi djak; sama ndak á tchat teina nga d’uo mi.

Isai 10:16

Kayam ndata, Salad’a Ma didin ma ad’engêm kal petna mba mi sun itna ata suma d’or suma gugundulîna, mba mi fo aku d’a ngal bibiliud’a akulo aduk mazi suma nglona.

Isai 10:17

B’od’a hi Israel-lîd’a mba d’i mbut ni d’igi akud’a na, mazi Ma tin tam irat vat kazina mba mi mbut ni d’igi sin akud’a na, mba mi ngal awei mazid’a ki kekerezeu mazina woi kur bur ma tuna.

Isai 11:13

Andjafâ hi Efraim-ma mba mi le yungôrâ yam andjafâ hi Juda-na d’uo d’a, andjafâ hi Juda-na mba mi kak djangûna kandjafâ hi Efraim-ma d’uo mi.

Isai 18:3

Agi suma pet suma nga kaka kur duniyad’ina, agi suma nga kak kä yam andagad’ina, agi gologi drapo d’a taka ata yima a pat akulo yam ahuniyônina, agi humugi adifa ata yima a butna.

Isai 37:32

Kayam suma a ara a mba buzugï woi Jerusalem, suma a sut teina a mba buzugï woi yam ahina d’a Siyon-nda. Wana ni vama an Ma didin ma ad’engên kal petna tan ndi lan zlezleû kama.

Isai 42:13

Ma didina nga mi djï d’igi grang ma durâ na, zlezleû mamba nga d’i zud’um d’igi ma dur ayîna na, nga mi yi tau d’a durâ, nga mi er ad’um akulo, nga mi kus yam mam suma djangûna mi.

Isai 44:18

Sum ndazina a nga ki d’alâ á wad’ud’a d’i, a duguzi irazi woi tala a we d’a d’i, a b’alazi huruzi tala a wad’ud’a d’uo d’a mi.

Isai 44:9

Suma a min fileinina pet a ni va d’i, sun mazi d’a djif ndata nga d’i lazi va d’uo mi. Azi ni glangâsâ hi filei mazi máma, wani a nga we d’i, a nga wäd’u zla d’uo, a mba mbut zulona mi.

Isai 5:24

Kayam ndata, a mba mbut ni d’igi asu ma sod’a ki kuzad’a na, sin akud’a mba d’i ngalazi woyo, sideyezi mba mi tchim mbeyo, b’ozi mba d’i galal kä woi andaga mi, kayam azi noî gata hi Ma didin ma ad’engêm kal petnid’a woyo, azi gol zlad’a hi Ma tin tam irat vat yam Israel-lîna is mi.

Isai 59:17

Mi tchuk d’ingêra atam d’igi sana mi tchuk kongrongâ atam na, mi kulup djum mba suta kam mi. Mi tchuk baru ma sä atchugula atamu, mi tchuk yungôra atam d’igi sana mi tchuk baru d’a ngola atam na mi.

Isai 60:14

Suma a lak ndakina grozina a mba hulong yazi kä avorogu, suma pet suma a golok isâ a mba grif kä avorogu, a mba yak ala Azì ma ngolâ hi Ma didinina, Siyon-nda hi Ma tin tam irat vat yam Israel-lînid’a.

Isai 63:15

Ang ma sä kaka akulo ata yi mang ma ang tinim iram vam ma suburina, ang golï irang kä. Zlezleû manga ki djivi manga a nga ni lara ge? Ang ar bei hat hurung kan bei wan hohowon nana ge?

Isai 66:15

Gola! Ma didina nga mi djï aduk akud’a, pus mam ma dur ayîna mi djangî d’igi mbirlimba na. Mi mbut ayî mam ma bibiliuna ni vama yo akud’a, mi mbut ngop mamba ni d’igi sin akud’a na mi.

Isai 66:24

Ata yima suma a mba buzuk abuna, a mba we mad’a suma a kak djangûna ki sed’ena tchuka kä. Ndjuvul ma atazina nga mi bo d’i, aku mazid’a nga d’i mit tei d’uo mi, a mba mbut ni vama ndjendjed’a ir suma pet mi.

Isai 66:5

Agi suma nga humugi zlad’a hi Ma didinid’a ki mandarâ ki zlakina, agi humugi zla d’a b’oziyogi suma a noyôgi a aragi woi yam simiyêna a nga data. A nga dala: Ar Ma didina mi tak subur mamba woyo, ami wami furî magid’a mi. Wani ni azi ba, a mba mbut zulona.

Isai 9:18

Abo ayîna hi Ma didin ma ad’engêm kal petnina, ambasa ti vakud’a, abo ayîna hi Ma didinina, suma a mbut ni vam tena hakud’ina, sa nga mi keng wiyem mbei d’uo mi.

Isai 9:19

A nga hurum ahlena abo ma ndjufâ, wani meid’a nga d’i arazi d’i, a nga hurum ahlena abo ma gulana, wani a nga hop pi. Nge nge pî nga mi mut ni hliwim mam tamba.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Jeremi 44:28

Suma a mba sut avun ayînina a ni hina ngiyeû, a mba tchol kur ambas sa Ezipte-d’a á hulong yam ambas sa Juda-d’a. Wani suma Juda suma a arâ pet suma a mba ka hî Ezipte á kak kuana, a mba we zla d’a mba d’i ndaka ni manda d’oze ni mazid’a zu?

Jeremi 5:3

Ma didina, ang halî d’engzenga d’uo zu? Ang toziya, wani a gol to ndata ni va d’i. Ang lazi á dabazi woyo, wani azi hum nga gat ndata d’i. A le yam mba ad’enga, a noî á hulongî gevengû.

Mise 5:9

Ma didina mi dala: Kur bur máma an mba ni tchagi akulumei magina woyo, an mba ni b’lagagi pus magi ma dur ayîna woi mi.

Mise 7:10

Ang mami ma djangû ma dami ala: Ma didina Alo magina mi nga ni lara ge na, ang mba we, ang mba mbut zulona. Ami mba somi irami kang ata yima a mba mired’eng kä d’igi suma a miret lubuna kä ir palumba na na.

Mise 7:16

Andjaf suma ki sib’ik mazid’a hina pet pî, a mba we, a mba mbut zulona, a mba tin abozi avunaziya, humazi mba d’i ngel lei mi.

Matiye 25:41

An mba ni de mi suma yam bigan nda gulad’ina ala: Agi suma Alona gagi vunina, agi hud’ugi sä geven ndei dei, agi igi aduk aku d’a didin nda a minit yam diable azi ki malaika mamid’a.

Wana ni Zla d’a Djivi d’a Luc mi b’irita 16:23

Nga mi fe ndaka ata yima azuleina. Mi hle iram akulo, mi we Abraham sä woi hina dei, Lazar sä gevem mi.

Sunda hi suma a sunuzinid’a 28:27

Kayam sum ndazina huruzi mbut tib’iri’â, a tos humazi woyo, a duk irazi woyo, tala azi we ki iraziya, a hum ki humaziya, a wad’ud’a kuruziya, tala a mbut huruzi an sud’uziya d’a.

2 Tasaloni’â 1:8

aduk sin akud’id’a, kur bur máma Saleina mba mi mba kayî mama yam suma a wum nga d’uo na ki suma a ge nga yazi kä ad’u Zla d’a Djivid’a hi Saleina Jesus-d’a d’uo na.

Hebre-na 10:27

Wani vama arâ ba wana: Ei nga djubi ki mandarâ sariya d’a nga d’i mbad’a hAlonid’a kaku d’a bibiliu d’a mba d’i ngal suma bei hum vun Alonina woid’a.

1 Pierre 3:16

wani agi dagizi ni ki lulumad’a ki ge yam mba kä d’a. Agi kagagi ki djib’er ra djivid’a kurugiya, kayam suma a nga de zla d’a tchod’a kagi yam tit magi d’a djivid’a yam Christ-sina, zulona mi laziya.

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.

Vama ndum mbeina 3:9

Wana ni vama an mba ni le ki suma toka hi Seitan suma ka zla suma a nga yi tazi ala azi ni Juif-fâ na ba, azi nga ni Juif-fâ d’uo na. An mba ni lazi kad’enga, azi mba grif kä avorong á hungû. Azi mba wala an le wa kangû.

1 Samuel 6:9

Agi gologiziya! Le amuzleina a hle wa lovot ta i yam ambas sa Israel-la abo ma Bet-Semes-sâ ni, d’obot nala nAlona hi Israel-lâ ba, mi mbei ndak ndata keya. Le a hle lovot ta dinga ni, ei mba wei ala ni mamba nga mi djobei vunei ki ndak ndata d’i, wani ndak ndata ti mba kei ni vat hawa.