Isai 24:5 - Bible azumeina

⁵ Andagad’a ti mbut ndjendjed’a abo suma a nga kaka katna, kayam azi tchila yam gata, a miret vun ma hed’a kä kaseziya, a but vun ma djin ma didin ma a djinim kAlonina woi mi.

Isai 24:5 Kruisverwysings

2 Samuel 23:5

Alona mi le hina ki sum mana d’uo zu? Mi djin vun ma didina ki sed’enu; vun ma djin ma djivi máma mi nga mi ngomomu. Sut manda kahle suma djivina pet suma an minizina, a mba tcholï natam mam mbuo zu?

2 Amuleina 21:12

Ni kayam ndata ba, Ma didina Alona hi Israel-lîna mi dala: An mba ni mba ki ndaka ngola yam suma Jerusalem-ma ki suma Juda-na pet tala sama lara ma mba mi humutna mba d’i ngelem humam mbei megegu d’a.

2 Amuleina 21:15

An mba ni le hina kayam a le sun nda tchod’a avoronu, a zalan hurun ni kur bur ma an buzugï abuyozi ngolo woi kur ambas sa Ezipte-d’a dei gak ini.

2 Sunda Hamuleinid’a 33:9

Wani Manase mi zut suma Juda-na ki suma a nga kaka avo Jerusalem-ma á le tchod’a kal andjaf suma Ma didina mi dabazi woi tchid’a avok Israel-lîna.

Sawal la giled’a 105:10

Ni gat mam mba mi tinit mi Jakob-pa, mi tinit mandjafâ hi Israel-lîna tala ti ka’î hina gak didinu d’a.

Sawal la giled’a 55:5

Vunadigan ndi pat fek, an nga ni le mandara matna.

Isai 10:6

An sunuzi ata andjaf ma le sun nda ndjendjed’ina, an hazi lovota á kak djangûna ki suma a nga zalan huruna á hurumuzi ahligiyeziya, á yozi ahligiyezi kad’enga, á mired’ezi kä d’igi suma a miret lubuna kä kasezi na mi.

Isai 30:9

Kayam sum ndazina a ni suma bei hum vuna, a ni gro suma ka zlad’a, a ni gro suma a nga hum gata hi an Ma didinid’a d’uo na mi.

Isai 33:8

Lovota hurut ni hawa kikid’ik, sa nga mi kal kurut ti. Ma te yamba kad’engina mi but vun ma djinda woyo, mi gol suma glangâsâ is, nga mi he ngol mi sa tu d’i.

Isai 50:1

Ma didina mi dala: Mbaktum mba an dik kasugid’a ti nga ni lara ge? D’oze sama an nde balâ abom ni guzugi ki woina ni nge ge? Gola! Ni yam tchila magid’a ba, an guzugi ki woyo, ni yam tcho magid’a ba, an dik kasugi woi mi.

Isai 9:17

Kayam asa’ata nga d’i ngal d’igi aku d’a nga d’i ngal kekerezeuna azi kaweid’a woi d’a nga d’i ngal agu d’a ndindika woid’a na, andozot nga mi i akulo mi d’ugula gongzong.

Jeremi 11:10

A hulong wa yam tchod’a habuyozi ngolo d’a avok ka a min humun zla manda d’uo d’a, a zlap wa kalo ma dingâ á kud’uromu. Israel-lâ ki suma Juda-na a but wa vun man ma djin ma an djinim kabuyozi ngolona woyo.

Jeremi 50:5

A mba djop yam lovot ta Siyon-nda, a mba mbut irazi yam lovot ndata, a mba dala: Mbeyegïya. Agi reyêgi tagi ki Ma didina yam vun ma djin ma didin ma bei mara ba na.

Ezekiyel 16:59

Salad’a Ma didina mi dala: Jerusalem, ndak ka gol gun tad’a isa, ndak ka but vun man ma djinda woid’a, an mba ni la’î d’igi ndak le hina mi.

Ezekiyel 20:13

Wani Israel-lâ a tchol huneîd’a ki sed’en hur fulâ. Azi tit nga yam gat manda d’i. Azi ar vun man ma hed’a woyo. Nahle sumala mbeî sana le mi le sunda kaziya ba, mi kak karid’a na. Azi mbut bur man ma sabatna ndjendjed’a ngola kala. An djib’er ala an mba ni zal hurun kazi gak ni dabazi woi hur fulâ.

Ezekiyel 20:24

kayam azi le nga sunda yam vun man ma hed’a d’i, a ar gat manda woyo, a mbut bur man ma sabatna ndjendjed’a, a tin irazi ni yam fileina habuyozi ngolona mi.

Ezekiyel 37:26

An mba ni djin vun ma halasa ki sed’eziya. Ni vun ma djin ma gak didina. An mba ni tinizi kua, an mba ni zuluziya, an mba ni tin gong man nda kud’ora adigazi gak didin mi.

Daniel 7:25

Mam mba mi de zla d’a tchod’a yam ma sä akulo ma kal teglesâ, mba mi djop vun sum mama mi. Mam mba mi nga hurum á mbut bur tilâ ki gata hAlonid’a kä. Ma sä akulo ma kal teglesâ mba mi hum sum mama abom gak bizad’a hindi ki nusa.

Daniel 9:10

Ami humumi nga deleng ang Ma didina Alo mamina á tid’imi yam gat mang nga ang hamizï avun azungeî mang suma djok vunid’a d’i.

Daniel 9:5

Ami lami tchod’a, ami lami sun nda batranga, ami lami asa’ata, ami song vunangû, ami arami vun mang ma hed’a ki gat manga woyo.

Wana ni mbaktumba hi Oze-d’a 6:7

Agi bud’ugi vun ma djinda kä woi d’igi Adam na. Ni kua ba, agi mbud’um iranu.

Sunda hi suma hi Levi-nid’a 20:22

Ar agi ngomogi gat manda pet ki vun man ma he ma tetengâ mi, agi lagi sunda kamu, kayam ambas sa an hagizi á kaka kua wanda, ti noyôgi woi d’i.

Sunda hi suma hi Levi-nid’a 26:35

Ata yima lara ma ndat mba d’i ar djonina, mba d’i tuk tat yam biza mat ta sabat ta tuk tad’a ti fat nga d’uo ata yima agi nga kaka katna.

Mise 2:10

Agi tchologi akulo, agi igiya! Nga ni yima tuk tad’a d’i! Kayam tcho magid’a, b’lak ka ngola nga d’i mba kagiya, ni b’lak ka kal teglesa.

Wana ni Zla d’a Djivi d’a Luc mi b’irita 1:6

Azi djak ni suma d’ingêrâ avok Alona, a ge yazi kä ad’u gata ki vun ma hed’a hi Salad’ina pet.

Gat ta a hat á mbàd’id’a 32:15

Bugola, azi te, a hopa, a d’or gugundulî. Jesurun mi ndjabom mbei aduk asuna, mi ar Alo mam ma luma woyo, mi gol ahina d’a sud’umba is.

Gat ta a hat á mbàd’id’a 32:20

Mi dala: An mba ni ngei tan ndei avoroziya! An mba ni we vama mba mi mba kazina! Kayam azi ni suma tchona, ni gro suma ang tin hurung kazi d’i.

Hebre-na 13:20

Alo ma b’leng nga halasa mi tchol Saleina Jesus ma ngol ma pol tumiyôna akulo aduk suma matna ni yam buzuna hi vun ma djin ma didina.

Hebre-na 9:1

Vun ma djin ma avo’â nga ki vun ma hed’a á kud’or Alona kur gong mamba ka hî yam andagad’a.

Josue 23:16

Le agi bud’ugi vun ma djin ma Ma didina Alo magina mi djinim ki sed’egina woi á i grivigi kä avok alo ma dingâ á kud’uromu ni, Ma didina hurum mba mi zal kagi ngola, mba mi dabagi woi kur ambas sa djivi d’a mam hagizid’a woi atogo zak mi.

Josue 24:25

Kur bur ma Josue mi gun ablaud’a kAlonina, mi hazi gata ki vun ma hed’a avo Sikem.