Isai 23:9 - Bible azumeina

⁹ Ni Ma didin ma ad’engêm kal petna ba, mi nga hurum hina á hulong yam suma yam mba ad’eng suma a nga subur tazina kä, á hulong yam suma pet suma a nga hazi ngola ka hî yam andagad’ina yazi kä mi.

Isai 23:9 Kruisverwysings

Wana ni mbaktumba hi Job-pa 12:21

Nga mi mbut suma nglona vama a golom isâ, nga mi b’at ahle suma sïna woi abo suma ad’engâ mi.

Sawal la giled’a 107:40

Ma didina mi gol suma nglona hi suma a nga lazi magombina is, mi mbud’uzi suma daud’a abagei hur ful ma lovota nga kua d’uo na.

Buzuk ka Abud’a 8:4

Faron mi yï Moise azi ki Aron, mi dazi ala: Agi tchenegi Ma didina kayam mi dik greneûna woi kan ki sum mana; an mba ni ar Israel-lâ a i á hahle suma ngat buzuna mi Ma didina.

Isai 10:33

Gola! Salad’a Ma didin ma ad’engêm kal petna mba mi kus abo aguna woi ndjondjom, mba mi ka agu ma fuyogeina kä woyo, mba mi tchuk ma fuyogei ma kal papana kä woi andaga.

Isai 13:11

Ma didina mi dala: An mba ni ngop suma yam andagad’ina yam asa’at mazid’a, an mba ni ngop suma asa’atna yam tchila mazid’a, an mba ni hulong suma yam mba ad’enga yazi kä, an mba ni hulong suma subur tazi suma te yam suma kad’engina yazi kä mi.

Isai 14:24

Ma didin ma ad’engêm kal petna mi gun tam ala: Gagazi, vama an djib’erem kuruna mba mi le hina, vama an nga hurun kama mba mi le hina mi.

Isai 14:26

Wana ni nga hur ma Ma didina mi ngam yam suma yam andagad’a petna, wana nabom ma mi zim akulo yam andjaf suma petna mi.

Isai 14:27

Ma didin ma ad’engêm kal petna, le mi nga hurum á le va ni, ni nge mba mi d’elem ge? Le mi zi abom kam akulo ni, ni nge mba mi hlum mbei ge?

Isai 2:11

Suma yam mba ad’enga a mba hulongôzi yazi kä, suma a subur tazina a mba grif kä mi. Ni Ma didina tu ba, a mba suburum kur bur máma.

Isai 2:12

Ma didin ma ad’engêm kal petna mi pat nga burâ tu. Kur bur máma mam mba mi hulong yam sama lara ma mi le yam ad’engina d’oze ma mi subur tama d’oze ma mi hle yam akulona kä.

Isai 2:17

Suma yam mba ad’enga a mba hulongôzi yazi kä, suma a subur tazina a mba grif kä mi. Ni Ma didina tu ba, a mba suburum kur bur máma.

Isai 23:10

Ndak gor ra Tarsis-sa, ndak tit kur ambas maka yak kei vang d’igi alum ma Nil-lâ mi tit na, kayam zla nga kak kuo d’a.

Isai 32:13

Kekerezeuna kaweid’a a nga deî yam andagad’a hi sum manid’a, a nga deî kur azì ma lara ma suma a nga le furîd’a kuana, kur azì ma ngol ma suma a nga le vuna kuana mi.

Isai 5:13

Kayam ndata, Ma didina mi dala: Sum mana a mba yozi magomba, kayam azi nga wad’ud’a d’i. Mazi suma nglona a mba bo abo meid’a, ablau mazid’a mba d’i bo abo vun ma sod’a mi.

Isai 9:15

Suma a nga tak lovota mi sum ndazinina a vid’izi ni woyo, suma a nga tit ad’uzina a hle ni lovot ta tchod’a mi.

Jeremi 13:9

Mi dan ala: Ni hina ba, an mba ni b’lak yam mba ad’enga hi suma Juda-na ki yam mba ad’eng nga ngola hi suma a nga kaka Jerusalem-mid’a woyo.

Jeremi 51:62

Bugola, ang dala: Ma didina, ni ang ba de zlad’a yam yima wana ala a mba b’lagam mbeyo, ar sa d’oze d’uwar mi kak kua d’i, wani mi arî djona ki iram fafat.

Daniel 4:37

Ki tchetchemba, an Nebukanezar an nga ni gile amul ma akulona, an nga ni hum ngola, an nga ni suburum mi, kayam sun mamba pet ni gagazid’a, lovot mam mba tita pet ni d’ingêr. Ni ma nga mi hulong suma a subur tazina yazi kä na mi.

Abdiyas 1:2

Ma didina mi dala: Agi suma Edom-ma, an nga ni mbud’ugi akid’eid’a aduk andjaf suma, suma pet a mba gologi is mi.

Sunda hi suma a sunuzinid’a 4:28

A lahlena pet suma ang gazi kur ad’eng manga ki min manga avok dei á led’ina.

Efes-sâ 1:11

Kayam ndata, mi zlabei tu ki Christ, mi mbud’i sum mama, mi manei avok dei yam nga hur mama, mi lahlena pet d’igi mam nga hurum avok dei á led’a na mi.

Efes-sâ 3:11

Alona mi le hina kayam nga hur mam ma avok deina mi ndak memet yam Saleina Jesus Christ.

Jacques 4:6

Wani nga mi vei suma d’a kala, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.