Isai 23:1 - Bible azumeina

¹ Wana ni zla d’a a dat yam azì ma Tir-rîd’a: Agi suma kur bato d’a Tarsis-sa, agi tchigiya, kayam a b’lagat tei da’. Azì nga d’uo mi na, vun agrek ma kal kuana mi nga d’uo mi. Zla ndata a humud’ï ni yam til la Kitim-mba.

Isai 23:1 Kruisverwysings

Ad’u Tinda 10:4

Javan groma ba wana: Elisa, Tarsis, Kitim ki Dodanim.

1 Amuleina 10:22

Amulâ mi nga ki batod’a ablaud’a kur alum ma ngolâ d’a nga d’i i Tarsis-sa zlapa ki d’a hamulâ Hiram-mba. Kur bizad’a hindi bato ndata nga d’i mba ki lora ki kawei ma hapma ki sï ahlo’â ki virâ kalei pawona mi.

1 Amuleina 22:48

Wani kur biza ndata amul nga avo Edom mbi, wani ni ma ngol ma te yam ma amul ma Juda-na mi tinima hol.

1 Amuleina 5:1

Ata yima Hiram amul ma Tir-râ mi hum ala Salomon mi vrak wa tamula balum abum David’u na, mi sunï azungeî mama á ve banad’a ki sed’emu, kayam mam mi David banama.

2 Sunda Hamuleinid’a 9:21

Amulâ mi nga ki batod’a ablaud’a nga d’i i Tarsis zlapa kazungeîna hi Hiram-ma. Kur bizad’a hindi bato ndata nga d’i mba ki lora ki kawei ma hapma ki sï ahlo’â ki virâ kalei pawona mi.

Sawal la giled’a 48:7

Ata yi máma a nga zlaga, a zlak d’igi atchad’a nga d’i zlak abo vuta na,

Isai 15:8

Wulul mazid’a ti nde sä woi ir haga d’a Mowap-pa pepet, tchi mazi ma hohoud’a mi i gak mi nde sä woi Eglayim, tchi mazi máma mi nde sä woi Ber-Elim mi.

Isai 2:16

ki bato d’a nglo d’a Tarsis-sa pet, ki bato d’a djif fa suma a minita pet mi.

Isai 23:12

Mi dala: Ndak gor wei d’a Sidon nda a b’lagaka, ndak nga d’i i avok kur furîd’a d’uo d’a. Le ndak tchol akulo, ndak i yam ambas sa Kitim-mba pî, ndak mba d’i fe lovota á tuk tak ki.

Isai 23:6

Agi suma nga kaka yam tilina, agi igi Tarsis, agi tchigiya.

Isai 24:10

Azì ma ngol ma mi mbut djonina mi b’lak keyo, a dugum vunam akulo, kayam suma kal kuana a nga d’uo d’a.

Isai 60:9

Kayam suma a nga kaka yam tilina a tin huruzi ni kanu, batod’a hi suma Tarsis-sîd’a ti tchuk tat avok á yoï gro’â ata yima deina ki bege mazi d’a hapa ki lor mazid’a, yam simiyên an Ma didina Alo mak ma tin tan irat vat yam Israel-lâ ma ni hak ngolina.

Jeremi 2:10

Agi igi yam til la Kitim-mba, agi gologiya. Agi sunugi sä Kedar, agi halagi ad’ud’a, agi gologiya. Na ni vama hina mi le woi yam tu zu?

Jeremi 25:15

Ma didina Alona hi Israel-lîna mi dan ala: Ang ve kop ma süm guguzlud’a ma ayî mana nga oîd’a kurâ, ang hum mandjaf ma lara ma an nga ni sunung atazina á tched’a.

Jeremi 25:22

An hum mamulei suma Tir-râ pet, mamulei suma Sidon-na pet kamulei suma a nga kaka yam tila sä abo alum ma ngolâ abo hî na mi.

Jeremi 47:4

Kayam bur ma a b’lak suma Filistê-na woi petna mi mba wa. A mba fe sama ndjun Tir ki Sidon-na d’uo d’a, kayam an Ma didina nga ni b’lak suma Filistê suma a arâ woyo. Azi ni suma a tcholï kur til la Kaftor-ra a mba kak kuana.

Ezekiyel 26:1

Kur biza d’a dogo yam tud’a bugol la a yomi magombid’a, kur bur ma tuna hi til mámina, Salad’a Ma didina mi dan ala:

Ezekiyel 26:2

Ang gor sana, suma Tir-râ a de yam Jerusalem ala: Tchuhu ngrang! Azì ma ngol ma andjaf suma a kal kuana, mi b’lak wa woyo! Ki tchetchemba, suma a i kuruma a mba mbeï geveya, ei mba mbud’i suma ndjondjoîna kayam mi ar djona da’. Ni kayam ndata ba, an Salad’a Ma didina ni dala:

Ezekiyel 27:30

A mba tchi ki delezi akulo kangû, a mba tchi tchi ma hohoud’a, a mba ko andagad’a kaziya, a mba bulul kä aduk butna mi.

Ezekiyel 27:6

A min prau mangâ ni kagu sen ma Basan-na, a min bang mangâ ni kagu ma kur til la Kitim-mba ma a gulud’um ki sï ahlo’îna.

Daniel 11:30

Azigar suma abo ma fladegena a mba mba ki batod’a á dur ki sed’emu. Tam mba d’i tchuk lus, mba mi hulong kazigam glovod’o. Hurum mba mi zal ata suma Alona mi djin vunam ki sed’ezina, mba mi ndjak vunam ki suma a nga d’engzeng yam vun ma djin ma Alona mi djinim ki sed’ezina d’uo na.

Jonas 1:3

Wani Jonas mi tchol á ring Tarsis woi dei avok Ma didina. Mi i Jafa, mi fe bato d’a i Tarsis-sa, mi wurak beged’a, mi ful kur batod’a ki suma a le sunda kurutna á i Tarsis woi dei avok Ma didina.

Ndumba 24:24

Wani batod’a mba d’i tcholï kur til la Kitim-mba, suma kurutna a mba hulong suma Asiri-na yazi kä, a mba hulong yam andjafâ hi Heber-râ kä mi, wani suma kur bato ndatina a mba b’lak kei mi.

Wana ni Zla d’a Djivi d’a Luc mi b’irita 10:13

Jesus mi had’azi kua ala: Ni zla d’a hohoud’a kagi agi suma Korazin-na. Ni zla d’a hohoud’a kagi agi suma Betsaida-na. Kayam an ladjï le sun nda ndandal la wanda aduk suma Tir-râ ki suma Sidon-na d’igi an lat adigagi agi na ni, azi mbut wa huruzi dedei, a tchuk wa baru d’a dodora ki butna kaziya.

Josue 19:29

Ti yoï hagad’a abo ma Rama-na, ti kal gak ti mbaza avun azì ma ngol ma ad’eng ma Tir-râ, ti kal ti i Hosa, ti i dabï avun alum ma ngol ma Mediterane-na hur ful la Aksip-pa.