Isai 22:5 - Bible azumeina

⁵ Kayam Salad’a Ma didina Alo ma ad’engêm kal petna mi suni ini tcha d’a tatad’a ki kusa ki zulona keya, wulul la ndindinga nga d’i b’ik kä b’ib’ik kur hor ra vana nde tam mbei ir sana kuad’a, tchi ma gandjauna nga mi i akulo yam ahuniyôna.

Isai 22:5 Kruisverwysings

2 Amuleina 19:3

Azi dum ala: Ezekiyas mi dami ala ami dang ala: Ini ni bur ma yor tad’a, ni bur ma ngopa, ni bur ma zulona mi. Ki tchetchemba, ei ni d’igi atcha d’a ti nde vuta wani ti ndak nga á vut gorotna woi d’uo d’a na.

2 Amuleina 25:10

Azigar suma Babilon-na pet suma a nga zlapa ki ma ngolâ hi suma a ngom yinina, a hô gulumun ma ngui Jerusalem-ma kä woi ki zla tam pepet.

Ester 3:15

Suma sunda a buzuk a i ki vun ma hed’a hamulîna atogo zak, suma dingâ a tchi wal zla ndata kur azì ma Sus-sâ mi. Ata yima amulâ ki Haman a kak kä á tched’ina, suma kur azì ma ngol ma Sus-sâ djib’erezi b’lak ngola.

Isai 10:6

An sunuzi ata andjaf ma le sun nda ndjendjed’ina, an hazi lovota á kak djangûna ki suma a nga zalan huruna á hurumuzi ahligiyeziya, á yozi ahligiyezi kad’enga, á mired’ezi kä d’igi suma a miret lubuna kä kasezi na mi.

Isai 22:1

Wana ni zla d’a a dat yam hor ra vana nde tam mbei ir sana kuad’a: Ang azì ma ngol ma Jerusalem-ma, ni me ba, ang ki sum mangâ pet, agi djagagi akulo yam dudura ge?

Isai 25:10

Kayam Ma didina abom nga tinda yam ahina ndata, a mba miret suma Mowap-ma kä ata yazi d’igi sana mi miret asuna kä kur zul la a kat á tchuk siligitna kuad’a na.

Isai 37:3

Azi dum ala: Ezekiyas mi dami ala ami dang ala: Ini ni bur ma yor tad’a, ni bur ma ngopa, ni bur ma zulona mi. Ki tchetchemba, ei ni d’igi atcha d’a ti nde vuta wani ad’engêt nga á vut gorotna woi d’uo d’a na.

Isai 5:5

Ki tchetchemba an tak vama an mba ni lum ki guguzlu mandina woyo: An mba ni hô kangâ ma katna woyo, an mba ni ar ahlena a tad’u, an mba ni to gulumun ma katna kä woi á bong suma lovota á mired’et kä kaseziya.

Isai 63:3

Ni an tu ba, ni miret guguzlud’a ata yi mat ma mireta. Sa aduk sum mana sa mi nga ki sed’en ndi. Kayam ndata, kur ayî mana, an mired’ezi kä, an ndjirebezi woi kur ayî man ma bibiliuna, buzuwazi mi yam ata baru mana, mi tub’ak ata baru mana pepet mi.

Isai 63:6

Kur ayî mana an miret suma kä kasenu, an gurud’uzi woi kayî man ma bibiliuna, an vozi buzuwazi kä woi andaga mi.

Jeremi 30:7

Ni ndaga me na ge! Ni bur ma tchona; bur ma d’igi mam na na nga d’i! Ni yima ndaka yam andjafâ hi Jakob-ma. Hina pet pî, a mba sut tei bei va mi lazi ba.

Hor ma tchina 1:5

Suma a lat murud’umbina a kal kad’u, mat suma djangûna a nga kaka tchugot, kayam Ma didina mi mbud’ut hohoud’a yam tcho mat ta zul heîd’a. Grotna a nga i magomba avok mat suma djangûna.

Hor ma tchina 2:2

Salad’a mi b’lak yima kaka hi suma hi Jakob-ma woi bei mi wum hohowom ba. Kur ayî mama mi to azì ma nglo ma ad’eng ma ngunguna hi Juda-na woyo, mi tom kä woi andaga, mi mbut leud’a zulona ki mat suma nglona pet mi.

Hor ma tchina 2:8

Ma didina mi nga hurum á b’lak gulumun ma Jerusalem-ma woyo, mi yo ziyo ma nga ahlena, mi ngamu, mi hle nga abom mbei bei mi b’lagam mbei d’i. Mi mbut gulumuna ki gong nga ndjol la kamba d’igi suma a nga tchi horîna na, mi b’lagazi woi ki zla tazi djak.

Ezekiyel 7:7

Agi suma nga kaka kur ambas sa wandina, b’lak magid’a ti mba wa kagiya, yina mi mba wa, burâ mi mba wa go. Ni bur ma ndaka. A mba hle sawal la furîd’a yam ahuniyôna d’uo d’a.

Wana ni mbaktumba hi Oze-d’a 10:8

Yima nding ma teteng ma a tinim iram vam ma Bet-Aven ma Israel-lâ a le tchod’a kuana, a mba b’lagam mbeyo. Kekerezeuna kaweid’a a mba deî ata yi mazi ma ngal ahle suma ngat buzu ma tetengâ. A mba de mahuniyôna ala: Agi ngeyemiya, a mba de mi yima nding ma tetengâ ala: Ang dris kä kamiya.

Mise 7:4

Sama djivi ma adigazina mi ni d’igi kekerezeuna na, sama irat ma adigazi ma kalâ mi tchod’a kal azlupa haweid’id’a. Bur ma a ngobogi kua ma magi suma ndjol suma djok vuna a de zlad’a kama, mi mba wa da’, ki tchetchemba, a nga kur tcha d’a tatad’a.

Sofoni 1:15

Bur máma ni bur ma ayî ma bibiliuna, ni bur ma hohoud’a ki pupuluka, ni bur ma b’lak ahlena, ni bur ma pleî ahlena, ni bur ma nduvunda, ni bur ma wura ma i’îli’â, ni bur ma d’ugula, ni bur ma akukutna mi.

Matiye 24:16

Ata yi máma, ar suma Jude-na a ring ngei aduk ahuniyôna.

Wana ni Zla d’a Djivi d’a Luc mi b’irita 23:30

Kur bur máma suma a mba de mahuniyôna ala: Agi tchugugï kä kamiya. A mba de mi yima ndingâ ala: Ang ngeyemiya!