Isai 22:2 - Bible azumeina

² Ang azì ma ngol ma vuna kang wü ma oîd’a ki siwel la gandjaud’ina, ang azì ma furîd’a, mang suma a tchazina, a tchazi nga ni ki mbigeu d’a fiyaka d’i, suma a bona, a tchazi nga navun ayîna d’uo mi.

Isai 22:2 Kruisverwysings

Isai 10:4

Agi mba hulongôgi yagi kä zlapa ki suma a yozi magombina, agi mba pugugi kä aduk suma a tchazina. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Isai 23:7

Wana nazì magi ma ngol ma agi lagi furîd’a kuana d’uo zu? Ni ma tinï ad’ud’a adjeu dedeina d’uo zu? Ni ma mi i te yam ambas sa sä woi dedeid’ina mi d’uo zu?

Isai 32:13

Kekerezeuna kaweid’a a nga deî yam andagad’a hi sum manid’a, a nga deî kur azì ma lara ma suma a nga le furîd’a kuana, kur azì ma ngol ma suma a nga le vuna kuana mi.

Isai 32:14

Kayam a ar azì ma amula kazì ma ngol ma suma a nga le vuna kua gandjauna woyo. Yima ndingâ ki gong nga fiyak ka ndjola, a mba mbut ni domi ma ngeid’a yam koro ma abageina ki iram fafat, a mba mbut ni yima pol d’uwarâ mi.

Isai 37:33

Isai mi de kua ala: Alona mi dala: Wana ni vama an Ma didina nga ni dum yam amul ma Asiri-na: Mam mba mi kal ka hî kur azì ma ngol ma wana d’i, azigar mam tu pî mba mi yet yeûd’a kurum mbi, sa tu pî mba mi mba ki mbareid’a avorom mbi, sa tu pî mba mi mbu andagad’a akulo ad’um á dur ki sed’em mbuo mi.

Isai 37:36

Malaikana hi Ma didinina mi mba kur kangâ hi suma Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

Jeremi 14:18

Le an i kele ni, an gol wani mad’a suma a tchazi avun ayînina, mi nga samba kä. Le an kal kur azì ma ngolâ ni, an gol wani suma meid’a tchazina, mad’azi mi nga samba kä mi. Suma djok vuna ki suma ngat buzuna a nga kleû tita kur ambasa pî, azi nga we d’op zla tu d’i.

Jeremi 38:2

Ma didina mi dala: Sama mba mi ar kaka kur azì ma ngol ma wanina, a mba tchum kayî ma durâ d’oze ki baktarad’a d’oze ki tugud’ei d’a tcho d’a tchi matna, wani sama mba mi nde woi á i aduk suma Babilon-nina mba mi sut tamu; ari mamba mba d’i mbut ni d’igi va mam ma mi hurumumï avun ayînina na, mba mi kak karid’a mi d’a.

Jeremi 52:6

Kur til ma fid’ina kur bur ma zlengîna hi til mámina, baktara d’a ngola ti nde yam suma kur azì ma ngolîna. Suma kur ambasina a nga fe vama te d’i.

Hor ma tchina 1:1

Alë! Jerusalem mba suma a nga oîd’a kurut adjeud’a, ti mbut wa d’a sa nga kurut tuo d’a. Ndat tala ti nazì ma ngolâ aduk andjaf suma d’a, ti mbut wa d’igi atcha d’a modonod’a na. Amul la yam andaga d’a dingid’a, ti mbut wa d’a le sun magomba mi suma.

Hor ma tchina 2:20

Ma didina, ang gola, ang we suma ang nga djobozi vunazina! Na ni djivid’a á aropma a mut grozi suma kuruzi suma azi huruzi vazi heîna zu? Na ni djivid’a á tchi suma ngat buzuna ki suma djok vuna kur gonga hi ang Salad’a d’a a tinit irat vata zu?

Ezekiyel 22:5

Ang ma simiyêng mbut ndjendjed’a ki batrang nga nga kurungina, suma gogona ki suma dedeina a mba lazangû.

Sofoni 2:15

Wana nazì ma ngol ma suma kuruma a nga subur tazi a nga kaka ki halasa a nga de kuruzi ala: Nazì meina wan tu go! Ma ding ma d’igi mam na na nga d’uo na. Suma a mba de kam ala: Ni nana ba, mi mbut djona ge? Mi mbut wa yima kaka hahle suma abageina. Suma a nga kal kuana pet a mba le atchap, a mba tchabozi kukup mi.