Isai 22:12 - Bible azumeina

¹² Salad’a Ma didin ma ad’engêm kal petna mi yagi kur bur máma ná tchina, ná yor tad’a, ná welegi yagi woyo, ná tchugugi baru d’a dodora atagi mi.

Isai 22:12 Kruisverwysings

2 Sunda Hamuleinid’a 35:25

Ma djok vun Alona Jeremi, mi tchi horâ Josiyas. Andjof suma hle sawala karop suma hle sawala a nga de zla Josiyas kur hor mazi ma tchina gak ini mi. Sawal ndata ti mbut ni gata aduk Israel-lâ, a b’irit nga kä kur Mbaktum mba horâ.

Esdras 9:3

Ata yima an hum hina na, an haû baru mana ki baru manda ngola woyo, an ndjut yan ndei ki dudumanu, an i kak kä ki hur ma hata ngola.

Nehemi 9:9

Ang we ndaka habuyomi ngolo d’a Ezipte-d’a, ang hum tchi mazi ma avun alum ma ngol ma Tchereunina.

Wana ni mbaktumba hi Job-pa 1:20

Ata yi máma Job mi tchol akulo, mi haû baru mam mba ngola woi atamu, mi kar yam mbei karb’ahl, mi ge tam kä andaga mi grif kä,

Ma tchi wala 3:11

Ahle suma mi lazina pet, ni djivid’a kur atchogoi mazid’a, gak mi hazi djib’era yam ahle suma a nga mbana. Hina pet pî, sana mi ndak nga á wäd’u sun nda Alona mi tinit ad’ut á led’a gak dabid’id’a d’i.

Ma tchi wala 3:4

yima tchina mi nga, yima sanda mi nga mi; yima tchi horâ mi nga, yima lü ndjongâ mi nga mi;

Isai 15:2

Suma Dibon-na a djak akulo kur gong nga fileina yam yima ndingâ á tchina, suma Mowap-ma a nga tchi yam Nebo ki Medeba, a wel yazi woyo, a tchau dudumazi woi pet mi.

Isai 26:10

Le sana nga mi we hohowa sama asa’atna ni, nga mi hat á tit tit ta d’ingêra d’i, nga mi mba ki tchod’a yam ambas sa d’ingêra, nga mi djib’er yam ngola hi Ma didinid’a d’uo mi.

Isai 29:1

Ni zla d’a hohoud’a yam Ariyel, yam Ariyel azì ma ngol ma Jerusalem ma David mi kak kuana. Bizad’a ki bizad’a agi nga lagi vun tilâ ata yima a ngama.

Isai 3:24

Azi mba ar zla d’a le ni mbul ma his ma afufuîna ta, a le ni mbul ma bud’a; azi mba ar zla d’a djin d’i’â furîd’a ta, a djin ni ziyona; yazi mba d’i ar zla d’a ti se djifîd’a ta, ti mba d’i yot ni woyo; azi mba ar zla d’a tchu’î baru d’a ngol la djifîd’a ta, a mba tchu’î baru d’a dodora ataziya; azi mba ar zla d’a a mbut tazi djifîd’a ta, a mba mbut ni tazi hohoud’a.

Isai 32:11

Agi arop suma nga kaka en na, agi lagi mandarâ! Agi arop suma nga kaka halasâ, agi zlagagiya! Agi fogogi baruna woi atagiya, aragi gandilad’a, agi djinigi d’i’â furugi mi.

Isai 37:1

Kid’a amulâ Ezekiyas mi hum zla ndatid’a, mi haû baru mama woyo, mi tchuk baru d’a dodora atamu, mi i kur gong nga kud’ora hi Ma didinid’a.

Isai 37:2

Ata yi máma na wat mi sun ma ngol ma yam azì ma amulina Eliyakim ki ma b’ir mbaktumba hamulîna Sepna ki suma nglo suma ngat buzu suma dedeina gen ma djok vun Alona Isai Amot goroma, a tchuk baru d’a dodora atazi mi.

Isai 58:3

Azi nga dan ala: Le ang nga golomi d’uo ni, d’el ta mami d’a bei te tenid’a, zlat ni zla me ge? Le ang nga tin irang kami d’uo ni, mbut ta ami mbud’umi tami hohoud’id’a, zlat ni zla me ge? Wani an hulong dazi ala: kur bur ma agi d’elegi tagi bei te tenina ni yam min magid’a, agi lagi magi suma a lagi sundina kad’enga mi.

Jeremi 16:6

Suma nglona ki kemba a mba bo kur ambas ndata. Sa mba mi tozozi d’i, sa mba mi tchizi d’i, sa mba mi ze hurum kahle suma sïna kazi d’i, sa mba mi wel yam mbei á dodora kazi d’uo mi.

Jeremi 16:8

Ar ang kal kur azì ma a le te ma luna kuana á kak ki sed’ezi á te ki sed’ezi d’oze á tche ki sed’ezi d’uo mi.

Jeremi 4:8

Kayam ndata, agi tchugugi baru d’a dodora atagiya, agi tchagi abogi kurugiya, agi tchigi horâ, kayam Ma didina nga mi arei bei ngopa kayî mam ma bibiliuna d’i.

Jeremi 7:29

Ma didina mi dala: Agi suma Juda-na, agi ngad’agi tumus sa kagi d’a fuyogei d’a tak kei ala agi tinigi tagi irat vad’u d’a, agi tchugut teyo, agi i gagi horâ akulo yam ahuniyô suma fuyogei suma va nga kazi d’uo na. Agi nandjaf ma nga mi djon ayî manina; an nga ni minigi d’uo d’a, an nga ni aragi woyo.

Ezekiyel 27:31

A mba wel yazi woi kangû, a mba tchuk dodora ataziya, a mba tchi tchi ma hohoud’a kuruzi krovo zlapa ki yor ta d’a kal teglesa kang mi.

Daniel 5:1

Bur tu amulâ Baltazar mi le te ma ngolâ mi mam suma nglo suma te yamba tazi dubu, mi he tam á tche süm guguzlud’a avoroziya.

Wana ni mbaktumba hi Oze-d’a 9:1

Agi Israel-lâ, agi lagi furîd’a d’oze hur ma hapma d’igi andjaf suma dingâ na d’i, kayam agi walagi woi kAlo magina á lagi gaulangâ, agi nga minigi wurak ka ata yat tuo d’a ata yima lara ma a nga to gemena kuana.

Joel 1:13

Agi suma ngat buzuna, agi tchugugi dodora atagiya, agi yorogi tagiya. Agi suma lagi sunda ata yima ngal ahle suma ngat buzunina, agi tchigiya. Agi suma lagi sunda mAlo manina, agi tchugugi dodora atagiya, agi mbeï burugi kä andjege. Kayam a nga mba ki he d’a hawa d’a afuta ki he d’a hawa d’a süm guguzlud’a kur gong nga kud’ora hAlo maginid’a d’uo d’a.

Joel 1:8

Agi tchigi tchi ma hohoud’a d’igi gor weid’a ti tchuk dodora atat á tchi mad’a ndjuvut ma d’umba na.

Joel 2:12

Ma didina mi dala: Ki tchetchemba, agi hulongôgï geven ki hur ma tuna, agi d’elegi tagi bei te tena, agi tchigiya, agi gagi horâ mi.

Joel 2:17

Ar suma ngat buzu suma a le sunda mi Ma didinina a tchi kur gong mam mba kud’ora aduk vun agre’â ki yima ngal ahle suma ngat buzuna, ar a dala: Ma didina, ang ngom sum mangâ, ar suma ang tazi djonina a mbut zulona tala andjaf suma dingâ a te kaziya d’a d’i. Ni kayam me ba, a mba de kazi aduk andjaf suma dingâ ala: Alo mazina mi nga ni lara ge ge?

Amos 8:10

Vun til magina, an mba ni mbud’umî yor tad’a; sawal magid’a pet, an mba ni mbud’ut ni hor ma ged’a. Nge nge pî mba mi djin baru d’a dodora furumu, suma pet a mba wel yazi woi d’igi sana mi tchi yam gorom ma abom tuna na. Dabid’a hahle ndazinid’a ni bur ma b’lak hurâ.

Jonas 3:6

Kid’a amul ma Ninif-fâ mi hum zla ndatid’a, mi tchol lei yam zlam mam mba amula, mi fok baru mam mba amula woyo, mi tchuk baru d’a dodora atamu, mi kak kä aduk butna.

Mise 1:16

Agi suma Jerusalem-ma, agi welegi yagi woyo. Agi arat d’igi ta hi togozeid’id’a na, agi tchigi hor ra grogi suma agi hurugi vazi heîna, kayam a mba yozi magomba izi woi dei ki sed’egiya.

Jacques 5:1

Agi suma ndjondjoîna, ki tchetchemba, agi humugiya. Agi tchigi ki yor tad’a yam zla d’a hohou d’a nga d’i mba kagid’a.