Isai 21:9 - Bible azumeina

⁹ Gol wani, an we sana mi djak kur pus ma akulumeina nga mi djïya, mi er ad’um akulo ala: Babilon ndi puk wa! Babilon ndi puk wa! Filei mat ma tcheta pepet mi wizek wa kä woi andaga gegeleng!

Isai 21:9 Kruisverwysings

Isai 13:19

Babilon nda djif kal leu d’a dinga pet tala ni hed’eu ma djif ma sum matna, a nga subur ki taziya d’a. Ti mba d’i mbut ni d’igi Sodom ki Gomor suma Alona mi b’lagazi woi adjeuna na.

Isai 14:4

Ata yi máma agi mba hlagi sawal la lasa mamul ma Babilon-na ala: Ni me na ge? Ma djop vun suma mi nga d’uo d’ä? Ma le suma kad’engina mi nga d’uo mï?

Isai 2:18

Fileina ki zlam pet mba mi dap peyo.

Isai 21:7

Le mi wakulumeina a nga tan pus ma dur ayîna d’oze suma a tit ki korona d’oze suma a tit ki djambalina ni, ar mi gol tam djiviya! Gagazi, ar mi gol tam djiviya!

Isai 47:5

Ndak gor wei d’a Kalde-d’a, ndak i kak ki vunak ma du’â aduk yima nduvunda. Sa dok mi yak ala Leu d’a kal teglesa d’uo d’a.

Isai 47:9

Atogo hina zak kur bur ma tuna, gro’â a mba dap peyo, ndak mba d’i ar modonod’a mi. Ndak ki mbut maka ki kuma mak ma zul heîna hina pet pî, ahle suma mbà ndazina a mba surop kak kä kad’engêzi pet.

Isai 48:14

Agi pet, agi togogiya. An nga ki banan ma kokodjo ma mba mi ndak vun nga hur manina. Mba mi te yam suma Babilon-na kad’eng manda. Ni nge adigagi ba, mi de woi yam ahle ndazina ge? Sa nga d’i.

Jeremi 50:29

Agi yagï suma yeû suma a we yet yeûd’ina pet yam Babilon. Ar agi nguyugizi kä d’uhl, ar sa mi sut tu d’i. Agi wuragat yam sun mata, agi lagi d’igi ndat tat ti le hina mi, kayam ti subur tat avok Ma didina, avok Ma tin tam irat vat yam Israel-lîna mi.

Jeremi 50:38

Ar krena mi ve yam mbiyo mazina, mi sid’am mbeyo, kayam Babilon nambas sa tuwal fileina. A mbut lilid’a abo filei mazina.

Jeremi 50:42

A nga piget yeû mazid’a kasubiyo mazina. Azi ni suma murud’um suma bei we hohowa suma suma delezi nga d’i ngir kä d’igi alum ma ngolâ vunam mi tchi wü na na. A nga akulo yam akulumei mazina, a ndjar á dur ayîna d’igi sama tuna na á duruk ndak Babilon.

Jeremi 50:9

Kayam an nga ni tchol kandjaf ma ngol ma ablauna abo ma norâ á dur suma Babilon-na. A mba ndjar á duruziya, a mba hlazina. Yeû mazid’a ti ni d’igi yeûd’a hi ma we dur ma nga mi hulong avo abom hawa d’uo na na.

Jeremi 51:27

Agi pagi drapo d’a taka akulo kur ambasa, agi bugi adifa aduk andjaf suma, agi minigi andjaf suma á durud’u, agi yagï suma kur leu d’a Arat-ta, kur ra Mini-d’a, kur ra Askenas-sa mi. Agi i yagï nglo suma dur ayîna á durud’u, agi aragi akulumeina a pir kurut d’igi djera ti pir na.

Jeremi 51:44

An mba ni ngop Bel alo ma avo Babilon-na, an mba ni pat vama mi ligima woi avunamu, andjaf suma a mba i gevem mbuo d’a. Gulumun ma Babilon-na tamba mi to wa kä woyo.

Jeremi 51:47

Kayam ndata, burâ nga mi mba, kur bur máma an mba ni mba á ngop filei ma tchet ma avo Babilon-na. Ambas mamba mba d’i mbut zulona ki zla tat pet, mat suma a tchazina pet a mba sam kä hur azina.

Jeremi 51:52

Ma didina mi dala: Ni kayam ndata ba, burâ nga mi mba, kur bur máma an mba ni mba á ngop filei ma tchet ma Babilon-na. Suma kur ambas mambina pet a mba hum oîd’a hi suma a fe dakina.

Jeremi 51:64

ang dala: Babilon mba d’i hlup kä hina dedege, mba d’i tchol akulo abo ndak ka an mba ni mbattchi kata d’i, wani mba d’i puk kä, mba d’i dap peyo. Zla d’a ded’a hi Jeremi-d’a dap da’.

Jeremi 51:8

Atogo hina zak Babilon ti puk kä, ti b’lak keyo. Agi tchigi kad’u, agi yogi kumana á tinda ata mbil matna. Dam mba d’i tchil kla?

Vama ndum mbeina 14:8

Malaika ma mbàna mi mba blogomu, mi dala: Babilon nda ngola, ti puk wa, ti puk wa, ni d’a handjaf suma yam andagad’a pet süm mat ma tcho ma mizeunid’a.

Vama ndum mbeina 18:2

Mi de ki delem akulo ala: Babilon nda ngola, ti puk wa, ti puk wa. Ki tchetchemba, ti mbut yima kaka hi Seitan-nina, ni yima ngei muzuk ma tcho ma lara ge pet kaluwei suma ndjendje suma a golozi isâ pet a nga kuana.

Vama ndum mbeina 18:21

Ata yi máma, malaika ma ad’engâ mi hle ahina d’a ngola d’igi d’a lutna na, mi gat kur alum ma ngolâ, mi dala: A mba ge azì ma ngol ma Babilon-na kä hina dedege mi, a mba wum bugol luo d’a.